|
أحسبها صح ... تعيشها صح...
تحسبها صح .... تعيشها صح مفيش حاجة وجعة قلبىزى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح ... تعيشها صح ... مستفزززززز جدا .... واحد بيوفر فى استهلاك الكهربا واللقطة اللى بعدها ... المحروس بيجرى ورا عيالة فى الشالية بتاعة فى بورتو السخنة !!! وبعدين رمش العين وفرت من مصروفها وجابت لاب توب !!! مصروف اية فى ليلتكم الزرقا على دماغكم اللى بيجيب لاب توب !!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود ( على فكرة احلى تحية للهنود بتوع النووى ) .... احسبها صح ... تعيشها صح .... وعلية خدوا عندكم بقى من عندى ( هى جات عليه يعنى ....) !!!؟ توتى وفر فى فلوس المخدرات بتاعتة وجاب عربية هامر جديدة تحسبها صح .... تعيشها صح نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش رجعة تحسبها صح .... تعيشها صح سهير بتشرب علبة سجاير واحدة بس بدل اتنين وبفلوسها حجزت شهر فى الفورسيزووووون فى الرويال سويت تحسبها صح .... تعيشها صح حنكش خنصر بقيت فلوس العيش اللى مامتة كانت بتيدهلوا وبيهم دفع مصاريف الجامعة الامريكية تحسبها صح .... تعيشها صح عم حسين بواب العمارة وفر التبيس اللى بياخدوا من السكان واشترى رينالدو بتاع البرازيل تحسبها صح .... تعيشها صح عادل صاحب شركة استيراد خصم من كل الموظفين 10 ايام وبيهم جاب خاتم سوليتر للفيونكة الدلوعة بتاعتة تحسبها صح .... تعيشها صح صبحى وفر فى اكل الجبنة الروووومى وجاب فيلا فى التجمع الخامس بالبسين وجاب عوامة وزة كمان تحسبها صح .... تعيشها صح طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحة فى لندن وبيقضى شهر العسل فى الكاريبى تحسبها صح .... تعيشها صح نداء الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان دة او وفرولنا ادوية مكافحة الحمووووووضة |
ههههههههههههه حلوة اوي
بس انا نفسي اعرف هو رونالدو اتباع بكام لعم حسين يعني من غير حسد |
اقتباس:
اكيد بفلوس وشكرا للمرور |
اعلانات حلوة .. مش عاجباك في ايه ..
احسبها صح تعيشها صح .. |
اقتباس:
طيب ابقي احسيبها بقي كويس عشان تعيشي صح اختلف الرأي لايفسد للود قضية :) |
|
اقتباس:
|
الاعلان فكرته حلوه جدا ..و كمان الفكره وصلت للمواطن البسيط ..وبحسن نيه ..ان احنا لازم نوفر فى الميه والكهربا والفلوس
عشان ربنا يباركلنا ويزدنا |
اقتباس:
وبعدين انا بتكلم علي طريقة عرض الاعلان ياريت حضرتك تقرأ كلامي كويس :) |
اوك احنا لازم نوفر ونحسبها صح فعلا لكن بواقعية بعيدا عن عربية من مصروف وابطل البانجو اللي هو غذاء العقل واشتري شاليه كلام مايعديش على شعب نور زينا بس مافيش مانع من التفاؤل
عاد بينع احيانا والله بس بصراحة سيبك انت التوبيك جامد جدا |
نسيت حاجة
اركب انت واصحابك تاكسي واحد ووفروا الفلوس وتجيبوا بيها عربية في الآخر احسبها صح ......... تعيشها صح وعم صالح العامل بطل سجاير واشترى تلاجة بالتقسيط احسبها صح ......... تعيشها صح والشعب المصري بطل يتفرج على اعلانات وصحته اتحسنت يوم بعد يوم ووفروا فلوس الاسبرين احسبها صح ......... تعيشها صح |
ياعمنا الف مرة نقول احسبها صح ..................... تعشها صح
وفر فلوس اشتراك النت واعملك شبكه لوحدك واحسبها صح ............................................. تعشها صح |
احسبها صح تعيشها صح
اكيد طبعا وشكرا على الموضوع |
هههههههههههههه
موضوع روعة بس فيها ايه لما خليفة بطل يحدف بصل وتوم علي العيال الصغيرة في الشارع وفتح باللي وفره كنتاكي خليفة |
كلامك صح نسبيا لانك شوفته من زاويه انت حددتها
واكيد فيه ناس موافقينك كده كمان واكيد فيه ناس تانيه شافوه من زاويه تانيه انه بينفع وكده والاعلان ده كويس كلها وجهات نظر .. وانا مع الاتنين احسبها صح .... تعيشها صح... (سلاح ذو حدين) يعنى هينفع لو فيه توفير ايوه هيبقى كويس لكن مش هينفع لان مفيش فلوس اصلا علشان تتوفر .. هههههه وياريت فيه ادويه مكافحه للحموضه لكن ده حتى الادويه غشوها .. يعنى مش كفايه اللى احنا فيه انفلونزا الخنازير والطيور ... لا كمان الادويه ( باقى ايه تانى بالله عليك) شكرا على الموضوع المستفز ... ههههههههه وشكرا لانك طرحت علينا الموضوع ده استودعكم الله |
| جميع الأوقات بتوقيت GMT +2. الساعة الآن 07:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.