|
هيفيد بإيه؟؟ قصيدة لمحمد على
هيفيد بإيه؟؟ لسه السؤال مالوش جواب عايز كتاب (علشان نجاوب ) بتحبهـــا؟ وإيه يفيد حبك لها؟ وإيه يفيد لو حس بيك قبلها؟ وإيه يفيدك قُربها؟ أو بٌعدها؟ وإيه يفيد شوقك لها؟ ونيران بتغلى جوَّ قلبك لو يوم لقيتها واقفه تضحك أو يوم لقيتها ناسيه ترن عقلك يجن لو خاصمتك وإيه تفيد المَراسيل وُبُكا الليالى والسهر ووجع القلوب وانتَ يادوب قُدَّام عيونها مِ المَاجَهِيل وعُمرها ما لك تِحن وعُمرها ما فكَّرِت فى الحُب لحظه ولا عمرى أحظى بنظره منها ويفيد بإيه إنى أدوب فى البُعدِ عنها؟ ويفيد بإيه لما انسئل عنها ألاقى دمعتى نازله بتجرى ع الخدود مالقاشى رد وافضل أعد ف الليالى ألقى عذابى مالوهشى حد ويفيد بإيه إنى أكون ف عيونك انتى زى فارس فارس وجى يخطف أميرتُه تدوب ف سيرتُه والا ماتدوبشى أحكم عليكى والا ما احكمشى وانده عليكى وصوتى مايوصلشى ويفيد بإيه سفر الأمير لبلاد بعيده عَند الدينار لاجل ما يجيلك فتى يمد الخطوة قبل الخطوة يخبط بكل العزم بابك يلتقى القلب متحول يلتقى الشوق كلام يلتقى النور ضلام والتقى قلبى وحيد عمّال بيسأل ما حيلتُه غير الأسئله عمال بيرحل جوّه فى دمى القلب الاخضر حالف مايرجع قبل ما يحقق مراده والمراد لما يلاقيه هايفيد بإيه؟ شعر محمد على |
حلوه اوووووووي والله
بجد حقيقي كلامها رقيق والمشاعر فيها باينه اوي جزاك الله خيراا |
استاذ محمد حقيقي انا بقالي زمان مقرأتش لحضرتك كلمات خالص بس حقيقي المرة دى مختلفة خالص لان حضرتك بجد وصلت مفهوم جوايا انا احساس جرحني اوى بس بجد بجد حضرتك فنان كبير يا فندم سلمت لنا يمينك يا استاذى بس اقولك ... هيفيد بإيه الندم ... دا القلب ياما اتظلم تقبل مرورى المتواضع جدا جدا |
اقتباس:
|
جميلة يا استاذ محمد
مشاعر راقية وصور رائعه ولكن قابلت بعض العثرات في القراءة فساعات الاقي الكلام ماشي سهل وبيسلم بعضه وساعات يبقي فيه عثرات توقفني وتضيع الموسيقي ليا رأي تفصيلي بعدين ان شاء الله منور المنتدي |
اقتباس:
ولكن أود أن أقول لك أن القصيدة موزونه ان شاء الله وبعض كلماتها لو قريتها غلط هايضيع الوزن فعلا زى كلمة: لو خاصمِتَك - لازم تقراها متحدثاً عن المؤنثه الغائبة ياريت أقدر أسجلها بصوتى |
اقتباس:
جميييييييييييييييييييييييييييييلة جدا جدا جدا بجد القصيدة دى من أحلى القصائد اللى قريتها ليك يا أستاذنا دايما يارب مبدع و طبعا القصيدة كلها تحفة |
اقتباس:
ولو انى باحب اقولك يا أحمد وأنا معاك فعلا فى تغيير كلمة ( نار ) بدلاً من (نيران) واللى خلانى أستخدم كلمة نيران علشان تقابل كلمة (شوقك) علشان تحرقها يعنى النيران تحرق الشوق يعنى النيران جمع والشوق مفرد علشان توضح ان مفيش فايده لازم هايتحرق الشوق هايتحرق بكثرة النيران |
كلمات جميلة استاذ محمد شكرا لحضرتك |
اقتباس:
|
ويفيد بإيه إنى أكون
ف عيونك انتى زى فارس فارس وجى يخطف أميرتُه تدوب ف سيرتُه والا ماتدوبشى أحكم عليكى والا ما احكمشى وانده عليكى وصوتى مايوصلشى ويفيد بإيه سفر الأمير لبلاد بعيده عَند الدينار لاجل ما يجيلك فتى يمد الخطوة قبل الخطوة يخبط بكل العزم بابك يلتقى القلب متحول يلتقى الشوق كلام يلتقى النور ضلام والتقى قلبى وحيد عمّال بيسأل ما حيلتُه غير الأسئله عمال بيرحل جوّه فى دمى القلب الاخضر حالف مايرجع قبل ما يحقق مراده والمراد لما يلاقيه هايفيد بإيه؟ |
سلمت يا استاذ محمد
والله حضرتك بتمتعنا دايما وابدا |
اقتباس:
وربنا يوفقك |
اقتباس:
وكل سنه وانت طيب انت عارف طبعا ايه المناسبة |
لسه السؤال مالوش جواب
عايز كتاب (علشان نجاوب ) بتحبهـــا؟ وإيه يفيد حبك لها؟ وإيه يفيد لو حس بيك قبلها؟ وإيه يفيدك قُربها؟ أو بٌعدها؟ وإيه يفيد شوقك لها؟ |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.