|
مش لسه هفكر فى عنوان .. عايزاكم ضرورى
السلام عليكم ورحمة الله وبركاته بصوا يا جماعة من غير مقدمات إمبارح فضلت أفكر بليل كده مع نفسى .. تخيلت إنى مُت و شفت الناس اللى حواليا وردود أفعالهم لما سمعوا خبرى لاقيت اللى زعل شوية وخلاص .. و لاقيت اللى بكى بحُرقة .. ولاقيت اللى عيط شوية و خلاص .. ولاقيت اللى مأثرش فيه الخبر خالص .. يمكن يكون فرح كمان كلنا هنموت .. مافكرناش إحنا سبنا مين زعلان مننا ولو يوم واحد .. مافكرناش لو قربنا من الناس و حبيناهم و حتى لو كانوا مش كويسين ممكن نغيرهم .. مافكرناش لما يكون ليك حد بيحبك أوى وتزعله منك لأى سبب إزاى بنجرحه ..إزاى بيجيلنا نوم و إحنا زعلانين مع فلان وفلان و فكرت فى نفسى كده .. بما إن لسانى زى ما إنتو عارفين فا أى حد غير أصحابى بياخد عنى فكرة مش ظريفة خالص و جايز يكون فى ناس بتكرهنى أو على الأقل مش بتطيق سيرتى طيب ليه كل ده؟؟ أصل فلان قالى كلمة ضايقتنى فا رحت رادد عليه .. سبب تافهه أصله قال عليا كلام من ورايا مش كويس .. طيب تفتكروا إن الحل هو الخصام أو توصل للكراهية أصلى مش مرتاحله شخص مش طبيعى .. بس يمكن لو قربته منك و حاولت تصاحبه أكيد هتشيل الفكرة دى من عقلك أصل و أصل وأصل حاجات كتيرة أوى .. عن نفسى فضلت أقول أصل دى كتير أوى .. و لقيتنى بقول إن كل دى تفاهات ومالهاش أى أساس حب الناس كنز لا يفنى .. تخيل إن فى شخص صاحبك بيحبك أوى أوى بدون مقابل .. ياااااااه كفاية إنك لما تموت هتلاقى حد يدعيلك هتلاقى حد يفتكرك بالخير .. حتى لو فارقته هيفضل فاكرك بكل خير عكس ما تخلى حد يزعل منك .. جايز لما تموت هيزعل عليك بس عمره ما هينسى إنك فى يوم زعلته منك قد إيه الكلمة الطيبة بتغير نظرة اللى قدامك ليك بنسبة كبيرة أوى فعلاً: الكلمة الطيبة صدقة ، الإبتسامة فى وجه أخيك صدقة :) موضوعى ممكن نقول عليه التسامح بس مش مع الآخرين بس لأ ده التسامح مع نفسك قبل الآخرين .. كل واحد يقعد مع نفسه نص ساعة على الأقل كل يوم يفكر هو عمل إيه ويا ترى زعل مين؟؟ طيب لو زعل حد يجرى بسرعة علشان يصالحه بجد نفسى أبقى كده رغم إنى طيبة جداً بس لسانى ده مش بيسكت .. بس تيجوا كلنا نصالح بعض حتى لو مش زعلانين من بعض خلى فى بينا مودة ورحمة وحُسن نية خصوصاً فى المنتدى .. على طول بنعمل خناقات ومشاكل بداعى وبدون طيب ليه؟؟ بجد بجد مش مستاهلة .. طيب لا قدر الله لو حد من المنتدى إتوفى ..و انت كنت زعلانه منه ومش بتكلمه .. مش هتحس بندم وإنكسار جواك علشان مات وانتو متخاصمين .. هل ده ينفع ؟؟ هل ده صح؟؟ و أنا من موقعى هذا .. بعتذر لكل اللى فى يوم زعلتهم منى .. وهحاول بقدر المستطاع إنى مازعلش حد منى مهما كان السبب لسه الموضوع هنتناقش فيه أكتر بس بجد .. مفيش حاجة تستاهل إننا نخسر حد كنا من السهل إننا نكسبه بسهولة و لنا عودة :) |
بجد كلام رائع جداً جداً تحياتى اسيل رزق :078111rg3: |
كلامك جميل اوى يا موها خصوصا جايلى فى الوقت المناسب اللى زعلت فيه كل الناس منى خصوصا بنات المنتدى بقولكم كلكم بجد انا اسفة بس والله مكنش قصدى :( انا بجد الموضوع ده كان شاغلنى امبارح اوى و النهاردة كل ما الاقى حد فتح اقعد اتاسفله فعلا لو فى محبة بين الناس هنكون اسعد المخلوقات لو بنحب بعض كاننا بنحب نفسنا مش هيبقى فيه مشاكل و انا لما احس انى مصالحة الناس كلها بحس براحة نفسية اوى و ببقى فرحانة الى ابعد الحدود و ممكن تلاقينى بلعب و بجرى و لو حد شافنى يقول دى اتجننت *** و انتى خصوصا يا موها متزعليش منى لاحظى انك كنتى بتكرهينى فى الاول :slap1qk6: |
اقتباس:
واحيانا الناس بردو تفكيرها بيختلف اقتباس:
الوصل للنفوذ بس ميفكرش فى الاخرين كل تفكيره فى نفسه بس وبيوهم نفس بانه هو الصح ويبدا عقله الباطن يترجم معاه ويتوهم اكتر اقتباس:
بقت اسمها ((( سوء نية ))) هو التوبيك بجد جميل جداً وهيبقى ليها اراء مختلفة بس الخلاصة الدنيا مش باقية احنا ضيوف فيها لزم يبقى فى ود وميبقاش فى نفاق حب الاخرين حب للاخيك ما تحب لنفسك محبش نفسى اكتر من اللازم يعنى الموضوع كبير ويستاهل ان كل واحد يقول رائيه واحنا كلنا ضيوف فى مدرسة الحياة ليا عودة |
بصراحة ياأسيل أنا كمان متخنقة وليلتي ليلة بس بجد أنا بسامح كثير وبفوت كثير بدايق اوي من كثرة التسامح والناس مش بتحس بكدا المهم ان فيه واحدة صاحبتي كنت بهزر معاها _وانا طبعا مدمنه هزار_لقيتها زعلت قلت خلاص انا عمري ما ههزر معاها تاني لانها بتزعل جت مرة هزرت معايا بنفس الطريق رحت قلت ماشي بس انا مش هتكلم هكبر وجت تاني مرة عملت بطريقة تزعل رديت عليه بقا مقدرتش امسك نفسي راحت زعلت بكلمها عادي اتعوجت في الكلام رحت مكلمتش والله مبحبش اكون متخصمه مع حد بس زي ما بحب ان احافظ ع شعور الناس الناس كمان تحافظ الناس ع مشاعري اعتزاري الثاني لشخص في المنتدي أنا أسفة بجد :(:( ياريت بجد الناس اللي مزعلاها في المنتدي مش يزعلوا مني لانهم لو فعلا اتعملوا معايا في الواقع اكيد الوضع كان هيختلف بس بجد انا لحد دلوقتي مضيقة ان فيه ناس في المنتدي زعلانه مني :(:( بجد موضوع متميز كالعادة ياأسيل |
بسم الله الرحمن الرحيم أولاً أحب اشكرك جداً أخت أسيل على هذا الموضوع الرائع والذي تناولتي فيه قضية مهمة جداً في حياتنا جميعاً و تحدث بعض الأحداث التي تمر علينا ولا تلفت نظرنا وهذا الأحداث تكاد تكون من الأحداث المهمة جداً في حياة الغير فبعض الناس تضطرنا لان نتخاصم معهم فهو او هي الذي يبدأ بالمعاملة السيئة فكيف اعامله انا معاملة حسنة فالمعاملة تكون بالمثل فمن يعاملني معاملة حسنة اعامله حسناً ومن يعاملني غير ذلك اعامله بنفس المعاملة ولكن يجب ان لا ( نتلكك ) على التفاهات ونخاصم أصدقائنا الذين نحتاج اليهم في اوقات الشدة . مشكورة اختي على الموضوع وتقبلي مروري وتحياتي مصطفى الشقي |
موضوع رائع يااسيل
ان رائي من رئيك ومتفقه معاكي في كل حاجه قولتيها فعلا لازم نسامح الناس مهما حصل مابينا اجمل حاجه ان الانسان يسامح طول ما هو بيسامح اي حد مش هيتعب ابدااا جزاكي الله خيرا |
اقتباس:
وعليكم السلام ورحمة الله وبركاته كلامك بجد جميل بس ساعات كده بلاقى كلام متناقض فى الشعب المصرى مرة يقولك "عامل الناس بمثل ما يعاملونك به" ومرة تانية يقولك " العفو عند المقدرة" بس أغلب الشعب بيطبق النظرية الاولى كل واحد بيعامل التانى زى ما بيعامله عشان كده فالأغلب بتتولد بينهم كراهية فى أسرع وقت عشان كدهالمفروض ان كل انسان يبدأ يصلح فى نفسه الاول يشوف ايجابيات معاملاته ويتخلص من السلبيات ويحاول يصلح علاقاته مع الناس كلها مش عرفة واحد يجيله نوم ازاى وه متخانق مع غيره المفروض ان كل واحد يحاول يعامل الاخرين بالحسنى المجتمع دا يتغير تماما |
موضوع تحفة بصراحة ياسلام لو طبقناه فالمنتدى ده هنبقى احسن بمرااااااحل مش عارفة بجد انا فعلا بفكر كتير اوى فى موضوع الموت ده ونفس الافكار بتراودنى دايما مين هيزعل علشانى واد ايه؟ بس والله انا فعلا علطول بفكر فى الناس اللى هنا بعد كام سنة مش هاعرف عنهم حاجة وده بيخلينى اعيط جامد جدا لانى فى ناس هنا انا عن جد بحبهم جدا وربنا يعلم لو كل واحد حط نفسه مكان الناس حالنا هايتصلح كتير شكرا يامها على موضوعك الجميل فعلا انا عايزة اتكلم كتير بس هجمع الكلام وارد تانى باذن الله فى رعاية الله |
بشكركم جميعاً على تعليقاتكم ومحاورتكم فى الموضوع ولى عودة:) |
الحمد لله الذى هدانا لهذا وما كنا نهتدى لولا أن هدانا الله لا إله إلا انت سبحانك إنى كنت من الظالمين |
السلام عليكم
بجد ومن غير هزار الموضوع دا اكثر من الروعة ومهم جدااااااااا وفى ناس ياااااامة ناسية الموت والى عليهم سواء من عملهم؟ اومن حياتهم بس بجد الموضوع دا مهم جداااااا وجزاك الله خير يا اخت اسيل وجعلة الله فى ميزان حسناتك |
مشكور اوى على الموضوع داه يا اخى وبارك الله فيك
|
التسامح مع نفسك قبل الآخرين
|
موضوع رائع .. شكرا
|
| جميع الأوقات بتوقيت GMT +2. الساعة الآن 05:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.