|
دعوة لتجنيب الخلافات
الأخوة الأفاضل
لاحظت فى الفترة الأخيرة وجود خلافات بين الأعضاء الكرام و إدارة الموقع أدعوا الجميع بصفتى مؤسس بوابة الثانوية العامة لتجنيب الخلافات و حل المشكلات بشكل أكثر تفاهما أختلف مع كل من يرفض النقد المهذب و أرفض سياسة لى الذراع التى يستخدمها بعض الأعضاء ليسلكون سبيل تحطيم بوابة الثانوية لخدمة مصالح خاصة بأخرين إسمحوا لى أن أوجه الدعوة لكل من تم وقفه فى هذا المنتدى لكى يعود إلى عضويته مرة أخرى و أدعوا مديرى المنتدى لإعادة عضويات الموقوفين و انا كلى أمل أن تعود الأمور كما كانت من قبل وعفا الله عما سلف إدارة المنتدى ترحب بإستقبال شكواكم و سنعمل جاهدين على حلها بالأسلوب اللائق يمكنكم مراسلة المشرفين و المشرفين العموم و المديرين لحل مشكلاتكم فى حال إستمرار الشكوى يمكنكم إرسال رسالة عبر هذا النموذج و سأساعدكم قدر ما أسعفنى الوقت مرحبا بكل من يرغب فى العطاء و كل من يساعد الزملاء الأفاضل فى هذا المنتدى و أتمنى من يريد أن يترك المنتدى أن يتذكر أنه علينا عزيز و فى قلوبنا غال و لكن إن كان قد إختار أن يتركنا فليرحل فى صمت دون تخريب أنا فخور بكونى مؤسس هذا الصرح العملاق و فخور أن حضراتكم تنتمون إلى هذا المكان فأنتم من بنيتموه تقبلوا خالص التحايا الصادقة محمود سرحان مؤسس بوابة الثانوية العامة منذ سبتمبر 2003 مدير تكنولوجيا المعلومات - مجموعة هايل بورسعيد |
والله كلام حضرتك تمام
يا استاذ محمود ياجماعة خلاص الموضوع منتهى ان شاء الله احنا كلنا اسرة واحدة بالنسبة للاهانة بتاعتى انا مسامح فيها لان الاستاذ اشرف اكبر مننا وبالنسبة لاسلوبى معاة فياريت هوة ميزعلش وبالنسبة للعضويات الى اتوقفت انا واثق انها هترجع تانى لاننا كلنا اخوات ياجماعة ودا شيطان ودخل بينا واستهدو بالله كدة وان شاء الله خير فى رعاية الله |
ان شاء الله الموضوع هيبقى تمام والمسامح كريم بس انا نفسي بس الاستاذ اشرف يتكلم ويقول رايه ايه في الي بيحصل ده ورأيه ايه في المناقشات دي وهل هو مسامح الناس الي غلطوا فيه ولا لأ
|
اقتباس:
اقتباس:
شكراااا جداا لحضرتك جزاك الله كل خير |
ايوه كده بس عندى تساول يا استاذ محمود انت ليه مش بتشارك معانا كتير
او بمعنى اصح مش واخد حقك اعلاميا |
ربنا يهدينا
ودى نعتبرها دعوة لصفحة جديدة ياريت كلنا نبدأ صح من دلوقتى ربنا يهدينا دمتم فى رعاية الله |
اقتباس:
فكرة رائعة يا أستاذ محمود :d ويا جماعة كلنا لازم نكون أفضل من كده والأمور تتحل بأسلوب أفضل مهما كنا إحنا مجتمع واحد:friendsxs3: |
اخيرا حضرتك رديت اانا فكرت كذا مرة اكلم حضرتك بس بصراحة كل مرة بتراجع بس ال انا مندهشاله المفروض حضرتك المؤسس الاصلى بمعنى ان حضرتك المفروض تبقى نمبر 1 فى الادارة يا ريت نشوف حضرتك معانا كل لحظة وتحس بالمشاكل ال بنواجهها كل ثانية |
والله مش عارف اقول لحضرتك
احنا الي فخورين بحضرتك عشان حضرتك موجود معانا واحنا اكيد سعداء ان حضرتك حطيت اقتراحات ان شاء الله تكون هيا السبب في حل المشكله وياريت فعلا نبتدي صفحه جديده |
بسم الله الرحمن الريحم مع إحترامى لحضرتك وشخصكم الكريم لكن أنا ليا بعض الإعتراضات لكن على ما أعتقد إن طلب حضرتك صعب التنفيذ أنا من وجهة نظرى إن بعض العضويات أصحبها لا يستحقوها بعد ما صدر منهم من ألفاظ جارحه أى نعم الأستاذ أشرف له بعض الأخطاء بعضها أخطاء فادحه على حسب كلامهم إن صدق لكن للأسف رافضين يقدمو دليل وده يسقط حقهم . لكن اللى عملوه إمبارح على ما أعتقد أسقط أى حق ليهم وقفل باب الحوار نهائياً معهم لكن طلب حضرتك صعب التنفيذ جداااً لكن من الممكن السماح لهم بالدخول بعضويات أخرى جديده لمن يود منهم الإكمال معنا وده لا ينطبق على الجميع حيث أن هناك بعض الأعضاء أخطاءهم لم تكن فادحه لدرجه الوقف النهائى وهيتم تخفيف العقوبه وبإذن الله سوف يتم مناقشه هذه القرارات داخل الحجر الإداريه لمناقشه من يستحق ومن لا يستحق نسيت أقول لحضرتك إنك بجد منورنا |
مرسيي كتير لحضرتك
يارب حضرتك ترجع مستر عصام تانى مستر عصام متواجد معانا بس فى صمت وانا اول واحدة كنت ماشية بعد ما عمل موضوع اقالة صوت الحق بجد عمو عصام ده نوارة البوابة بجد وفعلا اهم واحد هنا ياريت حضرتك تخليه يرجعلنا زى الاول تانى انا كنت عاوزة من استاذ اشرف يرجعه لانه بعد ما مشى حاجات كتير اوى هتنهار ومش اى حد يقدر عليها الا عمو عصام |
السلام عليك
استاذ محمود انا كان ردي واضح مع حضرتك لا عودة نهائيا لاي عضو تم وقفه مهما كان حجمه في الموقع واليوم عدد اعضاء الموقع اكثر من 220 الف عضو ولو اصبحوا بعد 220 فقط بالمائة وليس بالالف سنبني موقع الثانوية مرة اخرة كما بنيناه براجل افاضل سابقا وهذا قراري وبعتذر لحضرتك ولجميع الاعضاء والمديرين والمشرفين عن هذا القرار والسلام عليك |
اقتباس:
الاستاذ عصام موجود وبيشارك وكان في الاجتماع بالامس والاستاذ عصام هو اللي بيتحكم في شريط الغرف يعني هو شغال وبيغيره يوميا وبيكتب في الصفحة الرئيسية وهو المسئول عن المشاكل التعليمية والوحيد اللي ممكن اعقد في البيت واسيب له الموقع هو الاستاذ عصام وانا مطمئن ويا اختاه الاستاذ عصام موجود بس اكيد مشغول بحاجات كثيرة في الاقسام التعليمية والمشرفين وربنا يكون في عونه واتأكدي ان الاستاذ عصام مش هيترك الموقع لانه بيحب العمل الخيري الهادف |
ربنا يهدي الحال
دايما يارب |
اقتباس:
يعنى هو فى ناس كتير اتوقفت ظلم على حسب مسمعت بالنسبة بقى لحكاية 220 ألف عضوة فاكر استاذ اشرف زمان براى حضرتك مين ال كبرالمنتدى ورفعه لمكانة مرموقة مهو 220 الف عضو دول مجوش لوحدهم والله المنتدى دا من ساعة متتاسس والاعضاء ال حضرتك بتقول مهما كان حجمها هى ال رفعته وخلت ليه مكانة بين المنتديات وكان اخرتهم الوقف |
| جميع الأوقات بتوقيت GMT +2. الساعة الآن 09:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.