|
بحبك يا مصر وليا الشرف
انا مصري ابن مصري وليا الشرف برغم المهانة برغم القرف برغم الزبالة اللي مالية الشوارع برغم الفساد اللي بيه أعترف سمو معالي رئيس الوزارة نتيجة موظف بسيط أنحرف برغم المجاعة اللي داخلين عليها وفينا اللي عايش حياته طرف برغم ان اخر جنيه أتصرف برغم طابور الصباح السخيف وكل منا يا دوب كام رغيف برغم أسايا لمنظر عشايا وأقول مش مهم يا واد نام خفيف برغم أني شايف بلاوي وساكت وعايش مطنش كأني كفيف برغم السلام اللي غرقت بناسها برغم العيال اللي ساكنة الرصيف برغم حكومة شعارها الكلام ورغم رئيس عليه السلام ورغم أن كله يا عالم بيغلى إلا كرامتي بترخص قوام برغم اني عايش في بلدي فريسة ووجبة شهية لبعض اللئام برغم أن كل تاريخك يا بلدي في عهد جنابه كلام فوق رخام برغم دة كله يا مصر بحبك وطظ في كلامهم ودة آخر كلام **منقول** |
والله كلامك صحيح
بس تعرفي انا كمان زيك بحب مصر رغم كل شئ الن العيب فينا احنا مش في مصر بجد بلدنا تحفه بس انا مش حاسين بكده للاسف جزاك الله خيرا على الموضوع الرائع ده |
بجد موضوع كثير جميل ومميز
وفعلا كل الكلام ده صح مرسى كثير ليك فى رعاية الله |
جزانا واياكم
واشكركم على المرور وطبعا كلنا بنحب مصر مش علشان هي ام الدنيا ونشرب من نيلها والشاعرات دي بس بجد علشان هي دي فطرة اي بني ادم من اي مكان على الارض لازم يكون بيحب المكان اللي اتولد وعاش فيه بغض النظر باة عن الحجات التانية |
الله عليك يا مصرى
لا بجد ابن اصل ميرسي جدا يا فندم وحقيقي مهما قولت فعلا مش هقدر اوصف ساعدتى ليك قد ايه ؟ ربنا يكرمك يا فندم وبجد نورت القسم |
اقتباس:
وجزاك اله خيرا |
واللة هو الموضوع حلو وجرئ وفكرة حلوة
مهما هيحصل يا مصر هنفضل نحبك اوووووووووووووووووى |
فعلا مه ماحصل لنا او شفنا في مصر
هفضل اقووووووووووووووول بحبك يا مصر وحبي خالد على مر السنين ولو خيروني في حبك بقصر |
برافوووووووووووووووووووووووووووووووووووو
|
ميرسي على الردود الحلوة دي
وشكرا على امرور |
على فكرة يا دكتورة توتي موضوعك دا عاجبني جدا
|
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.