في حد هنا عنده فكره عن الضرائب ؟؟؟ رجاااء الحضور
 

الاخوه الاعضاء بمنتدي الثانويه العامه
السلام عليكم ورحمه الله وبركاته

حصل اليوم شيء غريب بالنسبه لي فبعد عناء يوم طويل وصل ليدي جواب مسجل بعلم الوصول باسم زوجتي وتعمل مدرسه لغه انجليزيه بضروره حضورها الي مصلحه الضرائب بالمهندسين يوم الاربعاء القادم

علما بأن زوجتي لا تعطي دروس خصوصيه ومتفرغه لتربيه الاولاد فقط ولا يوجد لديها اي ملكيات خاصه بأسمها

وانا بستلم الجواب لها فوجئت بالمندوب بيقول انه معاه جوابات كتير تخص مجموعه من المدرسين في منطقه الجيزة والهرم

هل ياتري ده اختيار عشوائي ام مقلب من احد وعامله فينا ولا ايه انا محتار وقلقان جدا ... وما معني الاخطار
ياريت لو حد لديه اي فكره عن الموضوع ده ياريت يطمني وجزاكم الله خيرااااا

النصيحة أن تأخذ الموضوع محمل الجد وتذهب إلى مأمورية الضرائب وتستفسر وتثبت لهم عدم وجود دروس وذلك حتى لايتم عمل ملف ضريبي لها وتحاسب ضريبيا على شيء غير موجود وربنا يوفقك لما فيه الخير

ايوة فعلا
لان الضرائب فيها قلق جداً
حتى الصيدليات كانو عاملين اضراب
فانت تاخد الموضوع بجدية وتشوف
وربنا يقدم اللى فيه الخير

السلام عليك

اولا من كلام حضرتك هو مقلب

ثانيا لا تذهب نهائي للضرائب

ولا تعطي لهم اي اهتمام

انما لو حبيت تروح قول لهم يقدروا يعينوا المكان بنفسهم

هذه نصيحة عن تجارب سابقة كثيرة مع رجال الضرائب

اخي الكريم انظر الي المظروف ان وجدت عليه شعار مصلحة الضرائب ومخصص لهم فقط الشكل الجديد للاظرف ومختوم من طرفهم ولصق به الطوابع الاميرية فهو منهم اما غير ذلك فلا

الف شكر ليكم جميعا وفعلا ذهبت لمأموريه الضرائب ووجدنا المشكله كالتالي

زوجتي كان مديرها السنه الماضيه والموضوع ده من سنه وشهرين قام مديرها بعمل شكوي كيديه فيها وجعل طالبه تكتب شكوي فيها بأنها اجبرتها علي الدرس او المجموعه طبعا هي انكرت ومشيت التحقيقات ان بنات الفصل انكروا ان زوجتي اجبرتهم علي شيء الا هذه الطالبه .... ونظرا لمشاكل بين هذا المدير وبين العديد في المدرسه فهو يفعل ذلك مع اي احد يقف امام وجهه
اي طالب يأتي ليشتكي من مدرس يقول له اكتب لي مذكره ..

تم مجازاتها بخمس ايام خصم من المرتب ونظرا لانها كانت راجعه من اجازة وضع لم تتظلم او تلتفت للخصم
وحصل الاتي يا حضرات ....

الجديد الايام دي ان اي شكوي او تحقيق فيه اي سيره لدروس خصوصيه يتحول اوتوماتيك للتهرب الضريبي ...!!!
تخيلوا لما سالت المفتش الفني قال لي انها اخدت جزاء يثبت انها ضغطت علي البنات بأعطاء دروس خصوصيه
ياسيدي والله زوجتي كانت في حاله وضع ورجعت بعد الاجازة ولا تقوم بأعطاء دروس قال اثبت لي بالاوراق انها لا تعطي

مين يصدق ان ده بقي حال المدرس
انا بقي اللي عاوزة الان اني اروح اجيب مديرها ده من رقبته لانه السبب في اذيتها .. مش عارف اعمل ايييييييييييييه عمال اجمع لها في ورق من ساعه ما اتعيت باجازاتها وتنقلاتها بين المدارس
وحسبي الله ونعم الوكيل في كل ظالم

اخى الغالى

ممكن حضرتك توكل اى محاسب

وهو سيقوم باللازم حتى لا تقع تحت ايديهم

اخي الفاضل اشكرك لاهتمامك
في ناس قالت لي محامي
مش عارف بقي مين احسن محامي ولا محاسب ؟؟