|
مابحبكيش
مابحبكيش
مابحبكيش باقولها بأعلى صوت ومايهمنيش مابحبكيش إن كنتى فاكرة إنى بحبك أو جبت سيرتك مره أو شوفتى قصايدى مليانه باسمك ماتصدقيش مابحبكيش إن كنتى مره لمحتى دمعى م الفراق أوشوفتى نظره حايره طايره فى اشتياق إوعى تقولى إنى هويت والا اشتكيت والا انا طِرت فى الهوا والا انا ريش مابحبكيش مابحبكيش محتاج أقولها كل يوم مرتين والاَّ تلاته وباستماته علشان ماتوصل من وراكى ومن أمامك تقفلى الشباك تنامى هاتلاقيها فى منامك تخرجى البحر الكبير هاتلاقى موجُه بيرميها لك وبدون شماته رساله جايه م الغريق ليكى ياللى فى وسط بحر الموج نجيتى وماغرقتيش مابحبكيش إن كنتى فاكره انى باريدك أو رهن إيدك وبالِف ف بلاد الغرابه شايل ربابه علشان ألاقى نور عنيكى والتقيكى أو مالتقيش ماتفكريش مابحبكيش لَفى عليكى ......... على قلب بيموت بين إيديكى على كلمه تاهت من زمان وسط قواميس الزحام تنده عليكى وماترديش علشان أقولك بأعلى صوتى ومايهمنيش مابحبكيش محمد على |
اقتباس:
حقيقي الله عليك كلمات جميلة اوى تحمل معاها نسيم الحزن الخالد تتراقص بأحساسها الرائع تسلم ايديك يا استاذي حقيقي الله ينور تقبل مروري المتواضع أحمد شوقي :):078111rg3: |
تسلم ايد حضرتك بجد تحفة وعجبتني اوي
بس اللي فهمته من البداية ان الشخص دة بيحاول يهرب من مشاعره في كلمة مبحبكيش ميرسي بجد على الروعة دي |
]السلام عليكم
الاستاذ الشاعرمحمد كلمات ومشاعر حزينه وغضب على الحبيبه كيف؟ وانت المستميت تقول لها مابحبكيش محتاج أقولها كل يوم مرتين والاَّ تلاته وباستماته مابحيبيمابحبكيش لَفى عليكى ......... على قلب بيموت بين إيديكى ارجوان توضح لي هذين البيتين؟ رساله جايه م الغريق ليكى اياللى فى وسط بحر الموج نجيتى وماغرقتيش اسمح لي مروري جزاك الله خير ومزيدا من التقدم |
اقتباس:
على قلب بيموت بين ايديكى أقصد بيها انك لا تعتقدى انى بابحث عنكى وبادور أنقب عن خيالك لا انا بس اللى مخلينى ألف وأدور بحثاً عن القلب اللى بيموت بين ايديكى علشان أخلصه من الموت شكرا لمرورك |
اقتباس:
|
اقتباس:
وربنا يوفقك وانا بحبك |
لى عودة مع قصيدتك أستاذ محمد
و ان شاء الله انا متأكد انها أحد سلسلة الابدعات الموجودة لك هنا |
اقتباس:
ومنتظرك |
ما شاء الله الكلمات جميلة جدا
والصور رائعة ودى حاجة مش جديدة على حضرتك بس المغزى بتاع القصيدة نفسه حزين كلمة مابحبكيش دى كلمة وان دلت تدل على ياما كل القصائد الحب اللى كانت ليها دى بقت سراب هو هى سراب بس فى شكل ماء ياما لسه فى حب بس قصيدة طلعت وقت زعل يعنى مش من القلب لان الحب شئ سامى واستحالة حد حب واحدة فى لحظة يكرهها دى وجهة نظرى وجزاكم الله خيرا |
شكرا يا استاذ محمد
قصيده روعه فعلا مش جديد عليك تسلم ايدك |
اقتباس:
القصيدة زى ما توقعت و زى ما الاستاذ محمد على عودنا لؤلؤة فريدة فى عقد إبداعات القسم عصفور يغرد فى سماء القصائد فى هذا الركن دام الله موهبتك و إبداعك و تستحق أكثر من كلمة شاعر |
اقتباس:
|
الجرح كان كبير اوي كده
عموما تسلم ايد حضرتك |
اقتباس:
يعلنها ويقول لها مابحبكيش أنا مش معاكى فى قولك : واستحالة حد حب واحدة فى لحظة يكرهها لا الحب يجب ان نرويه لينمو ولا نتركه ليموت شكرا لمرورك |
| جميع الأوقات بتوقيت GMT +2. الساعة الآن 03:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.