|
يا شريف يا جامد (اقتراح)
السلام عليكم
كنا في القناطر واقتراح الاستاذ عصام ان موضوع تغير الاسماء للاعضاء يكون بمدة معينة مثلا كل 3 شهر لما العضو يطلب تعديل اسمه فانا النهاردة لاحظت ان الاستاذ شريف عدل اسمه وبقي active يعني نشيط على قدر فهمي بس انا مش عرفته من بداية التعديل لما كتب في مشاركة له في النهاية اخوكم شريف فانتم رايكم ايه في موضوع تعديل الاسماء والمدة المقترحة ومعلش يا استاذ شريف انت اللي جيت على بالي في الموضوع وفي انتظار الاقتراح بخصوص هذا الصدد |
أنا بتلخبط من تغيير الأسماء دي .. ثلاث شهور حلوين ..
|
يعنى ايه
مش عارفة بصراحة انا ليه مش بفهم كلام حضرتك الاسماء تتغير كل شهور و لا مدة تغيير الاسم تبقى 3 شهور و بعد كدة يرجع تانى بس مش دى حرية شخصية يعنى مش عارفة عموما انا برجع كل يوم و اقول اللى عايز يعمل حاجة بيعملها |
اقتباس:
مش قصدنا كدا قصدنا ان العضو اللي يطلب تغير اسمه لا يطلب تغيير اسمه مرة أخرى الا بعد 3 شهور كحد ادنى او كما سيشارك الاعضاء في هذا الاقتراح |
والله يا شريف مش عارف اقولك ايه بالفرنسيه.... actif يعني نشيط active المؤنث يعني نشيطه انا رايي خليك شريف واللي نعرفه احسن من اللي مانعرفوش |
انا موافق ان شاالله يبقوا 10 شهور حتي انا مابتهددش لامؤاخذة :excl: ههههههههههه :d و بعدين التغيير عموما سنة الحياة و ناموس الكون و الملل ربنا ما يوريك الملل حاجة صعبة:) |
اقتباس:
هههههههه أمال أنا مين؟ منا شريف برضو يا مسيو الأفكار هيا هيا و الدماغ واحدة اقتباس:
علي فكرة الحاجة اللي الكل ما يعرفهاش بقا و المفاجأة الكبيرة إن اللي مانعرفوش هوا الأفضل :) |
عارفين بتفكرونى باللي قال لابنه لو عرفت السلة دى فيها ايه هديك منه برتقاله
خلاص كل الناس عرفت انه شريف تاخدو برتقالة؟؟؟ واحد غير اسمه اكيد ليه وجهة نظر مالكم وماله |
اقتباس:
يسلم لسانك يا استاذة نعمة شوفتوا يا جماعة؟ اكتيف وراه رجالة يدافعوا عنه قصدي مدرسات يعني :) |
اقتباس:
لا يا حبيبي :) ده هناك عندكوا في الفرنساوي انما احنا انجلش و اكتيف مذكر مذكر مذكر انا مدرس انجليزي و شايف الدنيا من منظور بريطاني و ليس فرنسي:) |
على فكرة كل واحد له اسلوب بيتعرف منه
يغير الاسم او يغير الصورة هو هو برده والله انا عرفت انه شريف من غير معرف قصة تغيير الاسم من الاسلوب!!!! ملحوظة : الي يفرق معاه تغيير الاسم الي مشاركاته عبارة عن "تقبل مرورى - جزاك الله خير - نورت الموضوع" لانها لا تدل على رأى انما صاحب الرأى والفكر واضح وضوح الشمس |
بصراحة انا معترض على المدة
اولا دى حرية شخصية تغيير الاسم مش معضل ولا حاجة هو الواحد بيجى عليه وقت وبيزهق من اسمه فبيطالب بتغييره مش متعبة يعنى |
اقتباس:
يا نهار أبيض هوا أنا مفقوس أوي كده ؟؟؟؟؟؟؟؟ :) علي فكرة في ناس بيبقا ليهم نوع خط مميز برضه مابيتغيرش زي حضرتك اللون مميز و نادر اللي بيكتب بيه فبعرف انه مشاركة لحضرتك علي طول |
أنا مش مع حضرتك في المدة دي و مش هنخسر حاجة لما يتغير الأسم عشان العضو معروف بمواضيعوا |
تغيير الاسم مش مشكلة المشكلة اسم التغيير
واللى نعرفه أحسن من اللى مانعرفوش |
| جميع الأوقات بتوقيت GMT +2. الساعة الآن 11:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.