|
أهم 50 حاجة تفرح المصري (( تعالي غير جو ))
و يفضل يوصفله العنوان بالتفصيل و بمنتهي الثقة و السعادة و ممكن يروح معاه لحد هناك كمان و لو راكب تاكسي يقوله بابتسامة الواثق من نفسه (( تعالي ورايا ))
يعزم عليه بالعلبة كلها و هوا مبسوط و يولع له كمان
او طلع اسمه في الجرنال حتي لو في صفحة الوفيات مع اقارب الميت
في الارواح و حرقة الدم
يفضل طول اليوم يشعر بنشوة اقتراب ميعاد اذاعة الماتش و علي نهاية الشوط التاني يزداد ابتهاجا لو كان اهلاوي و يمتعض بقوة لو كان زملكاوي ( مع الاعتذار للزملكاوية )
لما يخش جمعية و يقبضها الاول لما يقعد في مكان مليان بنات لما يصالح اتنين متخانقين علي بعض...( و بعدين يدي حقن بعد كده مش مشكلة ) لما حد من قرايبه ان شاالله من بعيد يخش كلية الشرطة لما يسدد الاقساط والديون اللي عليه و قسط التلاجة لما يقضي مصلحة لواحد غيره (( خدمة يعني)) لما يحس انه تعبان و يروح يكشف الدكتور يقوله شوية ارهاق لما يشوف شعبان عبد الرحيم لما تكون في واحدة مزهقاه و مطلعة عينه و تحل عن دماغه لما واحد صاحبه يديله سي دي عليها مسرحية العيال كبرت او فيلم اللي بالي بالك او الاعمال الكاملة لتوم و جيري:)
..شوية جرجير..شوربة لسان عصفور كل شهر تسعده اوي و تخليه طاير م الفرحة لما يصحي براحته يوم الجمعة مش كل المصريين يعني و لو عندك حاجة تانية قولها علشان نعمل موسوعة هنا و صباح الفل |
يا استاذ شريف الشعب المصرى طيب قوى ومن كتر الهموم البيلاقاها بيدور على اى حاجة تفرحه وعلى فكرة زى ما بيدور على الفرحة احيانا كثيرة بيدور على شئ يبكى عليها من كتر طيبته ربنا دايما يفرحنا جميعا شكرا لك |
طبعا والله منا عارف
اكتر شعب عاطفي في الدنيا و ده السبب الوحيد اللي مخلينا عايشين لحد دلوقتي في بلد مليانة .......... شرفاء:d |
اقتباس:
وحضرتك نسيت
والله موضوع زى العسل زى حضرتك وفعلا دا الواقع بس دا بيدل على اننا شعب بسيط جدا يعنى بنفرح مثلا يعنى لما ناكل اكله حلوه فيه بساكه اكتر من كدا |
شكراا جزيلا
|
تسلم يا كوماندو
معلش انا عدلت حاجة في الموضوع انت علقت عليها شكرا يا باشا علي مشاركتك الجميلة وانت والله اللي زي العسل |
نورتوا يا جماعة والله
و ياريت كل واحد يضيف كام جمله من عندو كده علشان الواحد بقاله مده ماضحكش |
او لما يروح المدرسة لابنة ويقولة واللهي دة ممتاز دة كتير ع البلد دي
مع الملاحظة ان ابن الراجل بياخد مع المدرس دة درس و لمايشوف ابنة اللي في الثانوية العامة ماسك كتاب ولما ياخد علاوة ويخرج العيال وامهم ولمايجيب حاجة لعيالة او لمراتة وزوقها يعجبهم ويقولولو شكرا يا بابا ولما رئيس بيكرة يشوفو في التلفزيون بيتضرب بجزمة 000مقاس09 وع فكرة الموضوع جميل جدا وبيدل ع طيابة شعب مصر من ايسوووووو ملاك الاصل |
اقتباس:
المصريين كلهم دمهم خفيف |
واضيف كمان 1- لما يروح يخطب واهل العروسة يقولولوا احنا بنشتري رجاله ... ( اشتروا ولو عايزين تعملوا مزاد مافيش مانع ) 2- لما يتجوز ويلاقي عروسته هيا هيا اللي خاطبها بالظبط .... ياه بتبقى فرحه كبيره. 3- لما يغيب من الشغل ورئيسه يمضيله . 4- لما يزوغ يوم بدري . 5- لما يلاقي انبوبة البوتجاز في الشتا بـ 15 جنيه ... يا سلام . 6- لما يلاقي صنية بطاطس باللحمه في الفرن او كبده محمره .... ودي اكتر حاجه مفرحاني النهارده . |
اقتباس:
ههههههههههههههههه هههههههههه الله عليك بموت في الكبدة المحمرة ماتنسانيش لالا صحيح عقبال لما نتقابل و تيجي من الصعيد تكون اتحولت الكبدة الي الياف و بروتينات |
والحاجات اللي بتفرح المصريه
لو الولاد ذاكرو من غير مناهدة
لو الزوج ذاكر للولاد لو الزمالك كسب حتى لو كانت الست اهلاويه لما الزوج ينزل بنفسه يشترى الطلبات من السوق لما حد من الضيوف يقوم يشطب المطبخ لما تتعزم على الغدا بره لما الولاد (والزوج طبعا) يرجعو من برة يعلقو هدومهم لما الزوج يجيب هدية دهب للزوجة لما الزوج يديها فلوس اكتر من احتياج البيت( وميسألهاش راحو فين) لما حد يقولها يا آنسه لما سواق الميكروباص ميرخمش عليها وهى سايقه لما تعرف تركن عربيتها من اول مرة من غير ما الشارع كله يتفرج عليها لما يلغو المطبخ من البيت |
ونسيتو لما يكون معزوم على فول وطعمية عند واحد صاحبه :)
موضوع لذيذ |
اقتباس:
هههههههههههه :d تسلم ايدك والله يا استاذة نعمة اضافة رائعة وكل يغني علي ليلاااااااااااااااه ههههههههه بس واضح ان كل اللي المصرية بتفرح انه يتعمل بيغلبها و ما بيتعملش :) و لا ايه يا استاذ عبد الحميد؟؟؟؟ امال مين اللي بيذاكر لعمر و حبيبة؟؟؟؟؟؟؟:) مش الاستاذ عبد الحميد برضه؟ اه لو عرفت الزوجة المصرية فضل الزوج الدهب بيروح وبيجي يا اخت نعمة المهم الراجل العسل اللي حسه في الدنيا ده (( احنا جايين نهدي النفوس ))):) |
لما الأولاد يسمعوا النصيحة بدون جدل أو تأفف أو صوت عالى
لما ابنى يعمل أنشطة ملف الانجاز وحده بدون إرهاقى بها |
| جميع الأوقات بتوقيت GMT +2. الساعة الآن 02:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.