بوابة الثانوية العامة المصرية - حاسبات ومعلومات بنها

استقبلت حاسبات ومعلومات بنها اول دفعاتها فى العام الدراسى 2006/2007

و المواد فى سنة اولى

الترم الاول

مقدمة حاسبات – انجليزى – فيزياء

رياضة1 – لغويات حاسوبية – انسانيات (السلوك التنظيمى )

الترم التانى

اساسيات برمجة – الكترونيات – ادارة اعمال

انجليزى – فيزياء - رياضة2

والتخصص

من سنة رابعة

ولان الكلية لسه جديدة فهى ليها مميزات وعيوب

اهم المميزات

1.ان المعامل والاجهزة احدث حاجة

2. العدد قليل : يعنى اول وتانى دفعة كانوا 20 واخر دفعة 70

3. العميد بيتعامل مع الكل باحترام وكاسرة واحدة وليه طموح بيحاول يسعى اليه انه يخلى الكلية على اعلى مستوى

اما عيوبها

1. المستوى التعليمى فيها لان الكلية جديدة فالموضوع محل التجارب

يعنى يجيبوا دكتور يطلع كويس يقعد يطللع مش ....... يمشى

بمعنى اصح ان لسه متكونش طاقم تدريس ذو مستوى جيد

2.الحاجة التانية ان مبنى كلية حاسبات بنها لسه هيتبنى اصلا يا اما فى مدينةالعبور يا فى كفر سعد(بلدة جنب بنها عند المدينة الجامعية للى يعرف بنها )

مش معنى كده انه زى ما كان فى المنصورة (زمان)........ لا

فى مبنى ملحق بالمعهد العالى للتكنولوجيا خاص بحاسبات

فيه المعامل والمدرجات (المدرجين يعنى)

والمدرجات مكيفة وعندنا كمان فيديوكونفرنس

لكن المشكلة انو ساعات كتيرة ما تاخدش فى المدرجات دى بسبب انو بتوع المعهد بياخدو فيه وتترمى انت فى قاعة من قاعات المعهد (اللى مفيهاش اى ملمح جمالى )

3.الحاجة التالتة هو موضوع التدريب فى الشركات فى الصيف وعندنا الموضوع ده مش هيحصل عندنا الا فى سنة رابعة(العميد مقدرش غير على كده )

وانا اعرف ان كليات تانية بيدربوا من سنة اولى واعتقد انه حاجة مهمة

رابع حاجة ودى ملهاش علاقة بالعيوب والمميزات ان هيتفتح فيها قسم واحد هو علوم الحاسب بس فيه احتمال انه بالنسبة للدفعة التالتة(لانها كبيييييرة)يتفتح قسم نظم المعلومات كمان

وفى الاخر بقول ان العيوب والمميزات وجهات نظر بتختلف من شخص الى التانى