|
يـــا قلـــبى ..
كــفاية يا عم بقى .. لسة مخدتش بالك .. صدقني .. هيا مش حبّاك .. ولا حتى شايفاك .. وفر دموعك وإنسى يا قلبى .. إنسى .. مش مستاهلة كل ده .. صحيح .. إنت حبتها أوى .. وأكتر من أى حد تانى .. صحيح كنت بتطير من الفرحة وتطيرنى معاك.. لما بتشوفها .. أو حتى تسمع صوتها .. صحيح كان إسمها دايماً بيرن فى ودانى بسببك .. طول الليل .. طول الليل ســهران بشوقها و مسهرنى معاك .. تسمع صوتها تخلينى أجري ع الشباك .. "يمكن" تشوفها .. مكانش همّك تشوفك .. المهم تشوفها .. ولو من "ورا الشيش" .. وعايزها تحبك ؟! .. إنساها بقى ..إنساها بقولك .. عمرها ما هتحبك .. وحتى لو حبتك بعدين .. وعندك الأمل ده .. هتفضل مستنيها و تاعبنى معاك؟ .. وبعدين أنا كبريائى و كرامتى .. عمرهم ما سمحولى أفكر فى حد وأتعذب بسببه و هو .. مش حاسس بيا .. إنساها .. متستاهلكش .. متستاهلش حبّك .. متستاهلش سهرك و شوقك و لهفك عليها .. والله متستاهلش .. ... |
اقتباس:
|
اقتباس:
1. شكراً .. ردّك الأجمل .. 2. لو كنت أعرف .. مكنتش إتهببت :) وبعدين لو كل واحد بيختار الى يحبه .. مكانش حد غلب .. |
حلوه اووووي اسلوبها جميل اوووي جديد اول مره اشوف الاسلوب ده
شكراا |
تسلم ايدك بجد جميله جدا ...
وربنا معاك وتعرف تنسى لان النسيان مش بالساهل |
جميلة اوى اوى واحساسها تحفة وكفاية انه طالع من القلب يبقى اكيد يدخل لقلب اى حد يقراه وربنا معاك ويصبرك وتقدر تنساها وتلاقى وحدة تحبك بس فكر تانى متظلمهاش يمكن هى متعرفش اصلا انك بتحبها يمكن لو عرفت تحبك ويمكن اكتر ما بتحبها اصبر الصبر حلو برده المهم هى كلمات جميلة وربنا معاك ويصبرك وقلبى معاك والله
|
| جميع الأوقات بتوقيت GMT +2. الساعة الآن 08:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.