|
ازاى تقلب من حبيبتك بالذوق او بالعافية
خلاص بح.. بدأت تشعر بأن الفيلم جاب آخره.. وأن العلاقة بينك وبين من تحب أصبحت.. فاترة لا سخنة ولا باردة.. زي المية لا ليها لون ولا طعم.. م الآخر وصلت للمنتهى.. ولم يعد هناك بعد ذلك إلا "الخلع!".. في السطور القادمة نقدم لك خمس طرق "مودرن وكلاسيك" للخلع من حبيبك.. بالذوق أو بالعافية.. مش فارقة معانا! 1 • خد نفس طويل وابدأ في كتابة إيميل غرامي من النوع الجامد جدا الذي يذيب أشد القلوب تحجرا واشرح لحبيبتك كيف أنك لا تستطيع أن تعيش من غيرها ثانية واحدة وأنك تفـــكر فيها طــول الليل والنهار وأنها -على رأي اللمبي- "الحب الحب.. الشوق الشوق" فقط لا تنسَ أن تبدأ رسالتك بـ"حبيبتي مروة" وأن تنهيها بـ" بحبك يا مروة".. طبعا هى اسمها مش مروه".. وهو المطلوب إثباته! 2 • اكتشف فجأة أن لك جذورا صعيدية واحضر في اليوم التالي إلى حبيبتك وأنت ترتدي الجلباب الصعيدي وتحمل كفنك علي يدك.. قبل أن تفيق هي من صدمتها قل لها الحقيقة العارية "امبارح بس اكتشفت إن جدي السابع كان من الصعيد.. وإن عليه تار بايت مع عيلة الدهاشنة".. ثم "والحل الوحيد عشان ماياخدوش بتارهم مني ومايقتلونيش.. إني أتجوز بنت عم جدي.." ودموعها تنهمر استمر في الضغط "طبعا أنا رفضت أضحي بحبك لي.. وقلت لهم أموت ولا أسيبك يا ليلى.. وعشان كده جبت معايا كفني وهاطلع من هنا عليهم على طول.. أموت ولا أضحي بحبك.." النتيجة مضمونة.. ليلى بنفسها هي التي ستقدم لك شبكة خطوبتك على بنت عم جدك.. الصعيدي ! 3 • وأنت جالس في الكازينو مع حبيبتك وتنظر بعينين ساهمتين إلى منظر غروب الشمس في النيل.. قل لها.. "ليلى.. أنا عاوز أقول لك على حاجة".. ستنظر لك بعيون قلقة.. استمر في التسهيم في الغروب وأنت تقول لها "كان بقالي فترة حاسس إني تعبان قوي.. وصحتى فى النازل.. ومش قادر أقف على رجلي.. فرحت للدكتور اللي خوفني أكتر وطلب مني تحاليل وطلعت النتيجة.." فترة صمت طويلة ضرورية للتأثير الدارمي ويا سلام لو كان في الخلفية موسيقى تصويرية ثم ألقِ بالقنبلة.. "أنا عندي.. عندي.. المرض الوحش.. ومش هاعيش إلا شهور قليلة.. وماقدرش أظلمك معايا أكتر من كده" ثم انهض فجأة من مكانك واترك المكان كله ودعها وهي تبتلع الصدمة.. وتدفع حساب العصير أيضا ! 4 • اتصل بحبيبتك وقل لها إنك تريد أن تقابلها لأمر مهم جدا.. اصنع كل علامات القلق والحيرة على وجهك ثم قل لها بأن خالك الموجود في البرازيل منذ أكثر من 30 سنة أرسل إليك عقد عمل في مزارع البن هناك وأنها فرصة لا يمكن أن تعوض وأن حال البلد هنا لا يسر عدوا ولاحبيب وأن فرصة أن تعمل هنا في هذا المنصب الخطير "عامل في مزرعة بن" معدومة لأننا في مصر لا نزرع البن أصلا!.. ولأنك شهم وابن بلد فإنك ستقول لها "ليلى.. أنا مش ممكن أعذبك معايا أكتر من كده.. ومش عارف هارجع من البرازيل إمتى غالبا مش راجع.. البن كان أقوى مننا.. الوداع.. الوداع يا ليلى"!.. ولا تنسَ أن ترسل لها بعد كام شهر كيلو بن برازيلى "المحوج" الذي يبيعه عم "طه" على أول شارعكم.. حتى تتأكد من أنك هناك فعلا! إذا قمت بكل هذه المحاولات ورغم كل هذا ظلت متعلقة بك.. لا يوجد حل شيك آخر قل لها وأنت تنظر في عينيها بوقاحة: "بت.. أنا مش طايقك ومش عاوز أشوف وشك تاني!".. إذا استمرت في حبها لك.. فلم يعد هناك حل عملي للتخلص منها سوى أن.. تتزوجها |
حتة فيلم تحفة ومين بقى العبيطة اللى هتصدق الكلام دة ........................ لا مفيش فايدة
|
يا بسمه انا قلت فى نهايه الموضوع لو طلعت بقه لزقه مفيش اى حل غير انه يتجوزها ويخلص
|
ايوة عشان كدة بقول مفيش فايدة هيتجوزها يعنى هيتجوزها
|
الجواز شر لا بد منه
|
يلا بقه يا رجاله زوجتك انجى وبئس المصير
|
انت عارف احسن طريقة تفلسع بيها عارف ايه انك عندك الايدز
هتخاف تقربلك و يا سلام لو عندك مرض جلدي معدي و لو بتفتف في الكلام يبقي (بيه بيه ) ملاحظة بيه = ميه هاها :D |
هههههههههههههههههههههههههههههه
:D :D :D :D :D :D :D :D :D والله عندك حق يا ميدو بس دى شكلها لزقه يا بنى :D :D :D :D :D :D :D :D :D :D |
يا سلام يا سلام ومين دي اصلا اللي هتفضل لزقة بعد كل الاهانات والكذب ده
دي اكيد معندهاش كرامة بقي هو مش عايزها يبقي خلاص تقوله في ستين الفففففففففففففففففففففففففف اووف سلامة وترزع قلة وراه كمان هو يعني كان فاكر نفسه مين روميو ولا فالنتينو ولا يكونش فاكر نفسه ادهم صبري اللي كل البنات بتحبه لااااااااااااااااااااا ده بعده البنات اكثر كرامة مما تتصوروا يالا هنمشيها عموما عجبني الفيلم ده جدا جدا يا امشي بعيد انت كسرت قلبي (كل ده اسم) يا باي وعجبتني اوي الطريقة بتاعة الكازينو اللي هيا امممممممممممممممم اه الطريقة التالتة مشكور يا عم طه |
والله يا اخت ساره اولا شكرااااااااا على ردك
وكويس جدااااااااااااا ان فيه بنت بتقرأ لنبيل فاروق سلسله ادهم صبرى ياريت تكونى عارفه ملف المستقبل كمان المهم دى مش قصتنا والله هيه مش لزقه احنا بنقترح حلول عشان نخلص من اللى مش عيزنها وبعدين انا اسمى محمد هاشم السادات مش طه |
السلام عليكم ورحمة الله وبركاته
اولا جزاك الله كل خير اخى فى الله بس ايه ده بلظبط ليه هما البنات دول معندهمش كرتامه ولا ايه ولا الرجاله بس هما العندهم كرامه وتانى حاجه ده فلم ده ولا ايه بلظبط علشان نكون فى الصوره وتالت حاجه ايه كل ده كل ده اسمك ايه يا عم انته حتعمل بطاقه ولا ايه سلام على فكره انا بهزر معاك هااوعى تزعل |
ولا يهمك يا حبيبى انا مش بزعل
واعتبره من اللى عليا ليك ولا انتا ايه رايك انتا عارف انا مديون ليك بوقاحه فى الرد احنا اخوات ومش ممكن نشيل من بعض يا..................... مش عارف اسمك اعزرنى |
ايه ده يا محمد ليه هي مش بتحس ولاايه ولا ما عندهاش
وبعدين لهو ملك جمال علشان تلزق كده وبعدين مفيش واحده لزقه كده |
<div class='quotetop'>إقتباس(go_away_u_broken_my_heart @ Jul 22 2006, 12:24 AM) [snapback]166013[/snapback]</div>
اقتباس:
عارفه يالا حصل خير والسلام مني اختك سارة |
طـــرق شغاله ميه ميه بــس إيــه إلي بتحلــها دي؟؟؟؟
شكـــرا على طرق |
| جميع الأوقات بتوقيت GMT +2. الساعة الآن 02:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.