علي فكرة لازم ترقي الشعب الأول
وبعدين تديله لاب توبات
مش تدي شخص همجي كمبيوتر
مهو ممكن يستخدمه في طريق تاني خالص
وتبقي نكسة مش تقدم
شكرا للاقتراح
وده مجرد رأي

اشتركوا معى فى حملة : لاب توب لكل طالب فى المرحلة الثانوية
 

حسبة بسيطة جدا يا استاذى تعرف منها ام السبوبة عند المسئولين الكبار احسن من الشعب المصرى و العربى كله
فى الكاريكاتير الذى فيه شنطة كتب كبيرة و كمبيوتر محمول
ميزانية الكتب فى مصر ( الطبع فى المطابع )
فى المرحلة الثانوية ( ال 3 سنين )
تكاليف طبع كتب ال3 سنين للتلميذ الواحد = 400 جنيه
ممكن نحط عليهم 200 جنيه و نشترى له لاب توب مبسط ... مواصفاته كالآتى : -
2.00 بروسيسور
80 جيجا الهارد
512 الرامة
12 بوصة الشاشة
دى فى دى درايف
يعنى مواصفات ممتازة
ثمن الواحد فى الجملة = 600 جنيه = 120 دولار
اضرب فى ( 4 مليون طالب تقريبا ) = 480 مليون دولار
دخل قناة السويسسسس فى شهر
ربنا يجعلهم فى قاع قناة السويس .. و ينتقم منهم . قادر يا كريم

كان هناك مشروع منحة من الخارجر عام 2005/2006 بتقديم لاب توب ثمنة 100 دولار لتلاميذ المرحلة الابتدائية على ان يتم التنفيذ عام 2007 وطبعا لا حس ولا خبر وارجعوا لأرشيف الصحف للتاكد من كلامى

انه هدف عام
لو تم تطبيقه .و الله .......... مصر سوف تتقدم للامام اكثر من 50 سنة
و سوف نعود لنسبق دول الخليج .رغم امكانياتهم المادية الهائلة و عدد سكانهم المحدود
و امكانياتنا المسروقة الفاطسة و عدد سكاننا اكثر منهم
لان التكاليف موجودة فعلا ... فالفرق بين الكتب الورقية ........ و ثمن الاجهزة متقارب جدا
المطلوب فقط قرار جرىء .. رشيد ... نظيف ..... و ليس يسرى !!!!!!؟؟؟؟؟؟؟؟؟؟

يااستاذنا ده انا اعرف ناس ما بيعرفوش يفتحوا الكمبيوتر العادى هيشيلوا لاب توب !!!!!!!!!!!!!!!!!!!!!

بدل من صرف مليارات ودعم المواطن اليهودى بالغاز المصرى وصرف مليارات على الكورةولكن هذا نظام يريد شعب جاهل

طب وليه بقي نروح المدرسه الاحسن يخولنا نتعلم عن طريق الانترنت
هتكون فكره تماااااااام ولا زى مدرسي ولا غياب ولا ضرب ولا مشاكل
ويبقي كده فلـــــــــــــه

ههههههه
مشكر على الموضوع Mr_realleader
هو نظيف فاضى:stickjo4:
لو حد قاله الكلام ده
هيرد عليه ويقوله مش أما أكل الشعب الأول بعدين أبقى شوف لكل واحد لاب توب
أويقوله مش أما نسدوا ديون مصر اللى ب33 مليار دولار
أو يقوله احنا يعنى هنعطل عجلة التنمية والاستثمارات علشان نجيب لاب توب

اقتباس:

عجلة

مش عارف عجلة ايه اللى فرحان بيها
أو يقوله احنا كده ضد الأمن القومى المصرى لأننا هنشترى لاب توب يبقى هنكسب أمريكا اللى ناوية تدخل السودان يعنى هينفع نصرف على العدو

هااقولكم على حاجة يا اخوانى

تخيلوا في مدرستى عدد الطلبة الذين يحملون لاب توب كبير جدا كنسبة من الطلبة حوالى 40% من الطلبة

في حين عدد المعلمين الذين يحملون لاب توب كنسبة من اجمالى المعلمين 1%

تخيلوا!!!!!!!!!!!!!!!!!!!!

وانا واثق انه فى مدارس اخرى النسبة تزيد اكتر للطلبة على حساب المعلمين

هل بعد ذلك ما زلت تطالب بلاب توب للطلبة

ياريت تطلبه للمعلمين لكى يطبقوا المنهج الحديث في التعلم يا اخى الفاضل

و هل نظل كما نحن .لا نستطيع فتح الكمبيوتر او اللاب توب ؟؟؟؟؟؟؟؟؟
 

و هل نظل كما نحن .لا نستطيع فتح الكمبيوتر او اللاب توب ؟؟؟؟؟؟؟؟؟
عندما اخترعوا بوابير الجاز قال الناس : يا لهوى الاكل حا يبقى ريحته جاز ... الله يرحم الكانون الشرعى الجميل !!

عندما اخترعوا البوتاجاز قال الناس : يا لهوى الاكل حا يبقى ريحته غاز و الانبوبة ممكن تنفجر و تموتنا ... الله يرحم بابور الجاز الشرعى الجميل !!
و عندما ....................... قال الناس .......................... !!
ليه الكمبيوتر ....الله يرحم الريشة و الحبر و القلم الكوبيا !؟؟؟؟؟؟

قبل متقول لاب توب لكل طالب
فلنتكاتف جميعا لتعليم المدرسين الحاسب الالى أولا لأن فيه نسبة كبيرة من المدرسين يجهلون التعامل مع الحاسب

يبقى الصح التدريب ثم توفير الاجهزة

الاخ الاستاذ المحترم
كلمة .... عجلة ......... انت جايبها منين ؟؟؟؟؟؟؟؟
لا انا قلتها فى بداية الموضوع ......... و لا اى احد من السادة المعقبين على الكلام
و .... واضح انك لم تقرأ الموضوع جيدا
لا يوجد فلوس اضافية مطلوبة من الشعب المصرى
لان : -
1 - تكاليف ثمن كتب الطالب فى 3 سنوات الثانوى = تقريبا ثمن اللاب توب
2 - تعليم المدرس او الطالب على استخدام الكمبيوتر التعليمات الاولية الاساسية التى تجعله قادر على التعامل مع الجهاز شىء مبسط جدا فى خلال اسبوع او اسبوعين
3 - الاخ الذى قال ان 40% من الطلبة فى مدرسته معهم لاب توب ..... مدرستك فى اى منطقة فى مصر يا استاذ ؟؟؟؟؟؟؟؟؟؟ ان 90% من اطفال و ابناء الشعب التلاميذ حالتهم يرثى لها
و اعطيك مثال ربما لن تصدقه : الدرس الخصوصى عندك فى مدرستك ال5 نجوم .... الحصة ب50 جنيه تقريبا ؟؟؟؟ صح ؟؟؟؟ .........عندنا فى الارياف ... اغلبية الشعب
الشهر 12 حصة ( 3 ايام اسبوعيا ) بكام ؟؟؟ = 10 جنيه فى الشهر .. الحصة تقف بـ 80 قرش
لو اتنين اخوات يدفعوا تخفيض 15 جنيه الاتنين بدلا من 20 جنيه فى الشههههههههر
لو التلميذ عمك خالك قريبك ..... الدرس مجنا و غصب عنك و لو اتكلمت او قلت سيرة فلوس يفضحزك قرايبك
الرحمة من عنك يا رب

اقتراح جيد ومطلوب يفرضه علينا التطور فى فكر الاطفال والتلاميذ هذه الايام

فنحن فى زمن الانترنت فعلا

فابنى فى kg2 يلح علينا بشدة هذه الايام فى طلب لاب توب خاص به لوحده

يعنى الكمبيوتر فى البيت مش كافيه وهو لسه لا يتمكن من القراءة والكتابة جيدا

ربنا يعنا على هذا التقدم السريع