بوابة الثانوية العامة المصرية - مبرووك أنت بقيت رئيس جمهورية .. ليه متحلمش .. إحلم !!

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

مبرووك أنت بقيت رئيس جمهورية .. ليه متحلمش .. إحلم !!

السلام عليكم ورحمة الله وبركاته

إزيكوا يا جماعة .. عاملين إيه .. أخباراتكوا إيه ؟؟

من يومين كنت قاعد في إمتحان وكنت مزنوووق زنقة سووووودة
وأنا قاعد في الإمتحان وعمال أعصر في دماغي ومش لاقي حاجة أكتبها

قعدت أقول أنا لو كنت رئيس كنت غيرت التعليم وظبط الحياة ومش عارف إيه ...
وفجأة خبطت في دماغي فكرة الموضوع

مع إني كنت مستني تخبط في دماغي فكرة حل الإمتحان .. بس آدي الله وآدي حكمته

المهم ياعني الفكرة هي إن كل عضو فى المنتدى يدخل الموضوع ده
ويتخيل انه رئيس جمهورية .. تحلم تعمل إيه لو بقيت رئيس .. تغير إيه شايفه وحش

إيه حلمك لبلدك تبقى عاملة إزاي لو أنت المسئول عنها
ياعني عايز الناس تحلم وتعيش في الحلم وكل واحد يقول هو عايز يغير إيه

وهيعمل إيه .. وطبعاً يقول بجد مش هزار .. ياعني كل واحد فعلاً يقول بيحلم بإيه

ياعني نخللي الموضوع موضوع للأحلام ... ليه منحلمش طالما من حقنا نحلم ؟
كل واحد بيحلم يخلي الحلم حقيقة ويكتب اللي بيحلم بيه هنا

منقووووووووووووووووووول

اقتباس:

ياعني كل واحد فعلاً يقول بيحلم بإيه

كامانننا:d
طبعا الحلم مطلوب
بس فى بلدك دى متحلمش
انت مش شايف اى حد عايز يبقا رئيس بيتعمل فيه ايه ابوزعبل فى انتظاره
:::::::::::
بس لو هحلم لمجرد انى هحلم
هفترض جدلا انى بقيت رئيس جمهورية
اولا هنضف الوزارة من اللى فيها
هعين ناس نضيفة تمسك البلد
دا اول حاجة هعملها
ثانيا هتواضع :d واشوف مطالب الشعب ايه
ايه اللى ناقصهم
هزود المرتبات شوية
هنزل الاسعار اللى طلعت فى السما دى عايزة طيارة علشان اوصل لها
هعمل رقابة على الرشوة والمحسوبية
هحاول اصلح من حال البلد دى
وقبل دا هترك سياسة البلد دى واحكم بشرع ربنا
(مش هعمل زى اللى قال ليس كل ما يحرمه الشرع يجرمه القانون )
مش هعمل زى اللى قال ( لازم نفصل الدين عن السياسة )
حاجات كتيرة كدا
بس متنساش ان دا مجرد حلم
بس لو حلمته بجد هصحا على كابوس والبركة فى الكوسة اللى احنا عايشين فيها
واللا على ايه الكوسة تحافظ على الشباب وتمنع الشيخوخة
خلينا عايشين فى الكوسة
دمت فى رعاية الله

اقتباس:

المشاركة الأصلية كتبت بواسطة mahmoud_taha (المشاركة 1133283)

كامانننا:d
طبعا الحلم مطلوب
بس فى بلدك دى متحلمش
انت مش شايف اى حد عايز يبقا رئيس بيتعمل فيه ايه ابوزعبل فى انتظاره
::::::::::: أنا أشتم رأئحة خطر فى كلامك وحاسس
ان المنتدى هيتقفل على ايدك
بس لو هحلم لمجرد انى هحلم
هفترض جدلا انى بقيت رئيس جمهورية
اولا هنضف الوزارة من اللى فيها
هعين ناس نضيفة تمسك البلد
دا اول حاجة هعملها لعلمك رئيس الوزراء بتاعنا اسمه احمد نظيف
ثانيا هتواضع :d واشوف مطالب الشعب ايه
ايه اللى ناقصهم
هزود المرتبات شوية
هنزل الاسعار اللى طلعت فى السما دى عايزة طيارة علشان اوصل لها
هعمل رقابة على الرشوة والمحسوبية
هحاول اصلح من حال البلد دى
وقبل دا هترك سياسة البلد دى واحكم بشرع ربنا
(مش هعمل زى اللى قال ليس كل ما يحرمه الشرع يجرمه القانون )
مش هعمل زى اللى قال ( لازم نفصل الدين عن السياسة )
حاجات كتيرة كدا
بس متنساش ان دا مجرد حلم
بس لو حلمته بجد هصحا على كابوس والبركة فى الكوسة اللى احنا عايشين فيها
واللا على ايه الكوسة تحافظ على الشباب وتمنع الشيخوخة
خلينا عايشين فى الكوسة
دمت فى رعاية الله

عندك حق فعلا يحيا الكوسة اللى
بتحافظ على الشباب وتمنع الشيخوخة

بالله عليكم فيما تحلمون الموضوع ده متركبلو مانع احلام من زمان.
منذ ان طغى الربان واصبحت الرجال فى خبر كان.
وانتهى عصر الاحلام
ولا نسمع عنه الا فى كان ياما كان.
وندعوا الله بصلاح الاحوال
وشكرا لك ان ذكرتنا بالاحلام
بعد ما نسيت فى هذه البلد انى انسان

رئيس ايه بس
دا البعد عن اى سُلطه نعمه والله