|
من khaloood لحبايبى اعضاء الثانويه بقول اعضاء مش مشرفين
السلام عليكم انا قولت اجيبلكم حاجه خفيفه كدا بينى وبينكم بفرح اوى لما اكون السبب فى رسم الابتسامه على اى حد طبعا انا بقول للاعضاء وعارف ان المشرفين برده هيدخلوا مفيش فايده ههههههههههه يالا ادخلوا خلى الغلابه تاكل دى اخبار سيد ابو حفيظه لعام 2400 اخبار 25 ليوم الاربعاء العشرين من اغسطس طبعا دا عيد ميلادى العبقرى اللى نزل على الارض عشان يغيرها اللى هو انا khaloood يعنى يالا مش عايز اطول عليكم واسيبكم مع الاخبار يقدمها لكم khaloood 1_ اعرب الرئيس محمد محمد محمد جمال محمد حسني مبارك عن سعادته بثقة الشعب وانتخابة لفترة رئاسية خامسة على التوالى واعرب عن اسفة لوفاة جميع منافسيه قضائا وقدرا قبل الانتخابات بعدة ايام والبقاء لله 2_ قرر سيادة الرئيس البقاء على الحكومة الحالية والتي رافقته منذ توليه الحكم دون تغيير وذلك لأدائها المشرف فى الفترة السابقة وللحفاظ على الإستقرار فى البلاد. 3_ تلقى سيادته اتصالا هاتفيا من بينج بونج يع رئيس جمهورية الصين الشعبية العظمى.. وقد تباحثا خلاله فى القضايا الهامة فى المنطقة، وتلقى وعدا من بينج بمحاولة الضغط على اسرائيل للعودة لحدود عام 2040.. ومن ناحيته وعد الرئيس ببذل جهود اكبر لمنع تهريب الحجارة للفلسطينين عبر الحدود المصرية ******* فاصل قصير لتهدئة أعصاب السادة المشاهدين نستمع خلاله لأغنية العنب العنب من الزمن الجميل للفنان القدير الراحل سعد الصغير وبعد الاستماع واستمرار البكاء **** *** عــــدنا اليكـــــــــم ******* 4_ أعرب سيادة الرئيس محمد محمد محمد جمال محمد حسني مبارك عن أسفة لغرق العبارة السلام 10098 وأبلغ الجهات المختصة عن قلقة لتزايد اعداد العبارات الغارقة وأمر سيادته بتشكيل لجنة أساسية تنبثق منها لجان فرعية تتشكل من كافة الجهات المعنيه للبحث عن السر الغامض فى كثرة هذه الحوادث وامر بصرف ربع دولار تعويضا لاسرة كل متوفى بعد ان تدفع كل اسرة الرسوم المطلوبة منها و تقدر بحوالي 113 دولارمصري فقط لا غير 5_ ألقت مباحث القاهرة القبض على طفل فى المناطق الشعبية وبحوذته قطعة شوكولاته وتطبيقا لقانون من أين لك هذا.. وبعد البحث والتحري واستجواب جميع افراد العائلة والجيران تبين ان الطفل قد تسلل ليلا عبر الاسلاك الشائكة الى احدى المناطق الراقية ووجد القطعة ملقاة على الارض.. وقد قامت النيابة بحجز الطفل والاب 45 شهر على ذمة التحقيق وذلك لمعرفه كيف تمكن الطفل من اجتياز جميع الحواجز الفاصلة بين المناطق الشعبية والراقية وقد اعربت جمعية حقوق الاثرياء عن قلقها من هذا الحادث وطالبت وزير الداخلية بالتحقيق فى هذا الاهمال الذى يمكن ان يعرض امنهم للخطر 6_ أعرب وزير الصحة عن تفائله لانخفاض حالات الانتحار هذا الشهر الى تسعة الاف حالة يوميا بعد ان بلغت الشهر الماضي عشرة الاف حاله يوميا.. ومازالت أسباب الانتحار غامضة 7_ قررت لجنة مختصة بإستمرار الحفر في قناة توشكى 8_ الرئيس يعلن عن وضع خطة خمسية للقضاء علي البطالة إستكمالا لمجهودات الرئيس الجد مبارك التي بدأها في مطلع القرن 9- افتتح اليوم وزير الصحه المستشفى رقم 100251 للامراض النفسية والعصبية بطاقة استيعابيه تقدر بـ 10000 مريض واعرب عن امله في جمع المزيد من التبرعات لبناء المزيد من المستشفيات من هذا النوع لاستيعاب الاعداد المتزايده من المرضى.. وايضا ما زالت الأسباب مجهولة لانتشار الأمراض النفسية والعصبية مثلها مثل حالات الانتحار 10 - من الاخبار الرياضية :فاز منتخبنا القومي على نظيره الجزائري ليتأهل الي تصفيات كأس العالم لعام 2304 بعد ان ابتعد عن بطولة كأس العالم منذ 1990 نتمني التوفيق للمنتخب القومي 11_ من الاخبار الفنية : صرحت الفنانة صباح بأنها اوشكت على الانتهاء من ترتيبات زواجها من الفنان المصرى الشاب كوكو هيثم تامر حسنى الذى ينتمى الى اسرة فنية عريقة يذكر ان هذه هى المرة السادسة والاربعين التى تخوض فيها الفنانة الكبيرة تجربة الزواج الى هنا انتهت نشرة الاخبار يارب تكونوا استمتعتم والى اللقاء فى موضوع اخر one ENG can do it KhaloooD |
هههههههههههههههههههههههههههههههههههههههههههههههههه ههههههههههه
الله يخرب عقلك يا خلود و الله سكر يا خلود بجد ضحكتنى تسلم على الاخبار الطازة دى و ان شاء الله انا مش هعيش لما اشوف محمد محمد محمد جمال محمد حسنى مبارك ده |
اقتباس:
ههههههههههههههههههههههههههههه والله ياعم بندق انت اللى سكر ربنا يكرمك يا مان يارب كل الناس تبقى مبسوطه كدا والله فرحتنى شكرا لمرورك يا بندق |
خلوووووووووود
شكرا للموضوع افتح اميلك عايزك ضروري ضروري |
ههههههههههه....بجد مش قادرة امسك نفسى من الضحك:p:d....ويارب تفضل تضحكنا كدة عالطول بأخبارك الجامدة ديه :av4056bb7jp3:......شكرا ليك كتير وتسلم:078111rg3:;) |
ههههههههههه موضوع جامد جداً اقتباس:
تسلم الأيادى يا حاج خالد :078111rg3: |
اقتباس:
ههههههههههههههههههههههههههههه والله ولا انا يارب دايما تبقى مبسوطه شكرا لمرورك |
اقتباس:
والله كل كوم والتوقيع بتاعك دا كوم تانى انا كله ما اشوفه اضحك وبلاش بقى هم يبكى وهم يضحك دى الموضوع دا للفرفشه والنعنشه هههههههههههههههههه شكرا لمرورك يا اسيل |
سناكس يا خالد
طيب عوزين نعرف بقي منتخب مصر هياخد الكاس ولا ايه :d |
اقتباس:
|
اقتباس:
اقتباس:
يا مان بقولك سيد ابو حفيظه تقولى كاس عالم اوعى تكون فاكر اصلا ان احنا هنروح كاس العالم تانى ياعم دى البرازيل يابا سيبها على الله انا اتمنى والله شكرا لمرورك يا مان |
اقتباس:
اى خدمه يا مان شكرا لمرورك |
ما الهدف من الموضوع
انا مش شايفة انه بيوجه اي رسالة |
هههههه ماشى يا حاج خالد بس كدا انا حاسة انى فى جرس الفسحة :romarioxp6: يلا انا مليش فيه :078111rg3: |
هههههههههههههههههههههه شفت بقى الحظ اننا دخلنا انا والله بحاول بقالى كتير ادخل بس النت تقيل جدا وقولت لمحمود ادخل النت تقل عندة تقريبا موضوعك ممنوع الاقتراب منة ولا اية مش عارف هههههههههههههههههه بس والله ضحكنا جامد بس للاسف الموضوع مخالف جارى النقل للارشيف فى رعاية الله |
| جميع الأوقات بتوقيت GMT +2. الساعة الآن 10:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.