أستفسار ارجو من اخواني الإفادة جزاكم الله خيرآ ....
 

وارجو افادتي بعدد الساعات الدراسيه للفصل الدراسي الواحد كأدنى ووكأقى عدد


وكم عدد الساعات الدراسيه لكي تحصل على درجة البكالوريس


والف شكر لكم

اولاً .. اهلا بيك يا أخ نواف معانا في المنتدي

ثانياً .. سيادتك عندنا هنا في القاهرة فيه 3 حاجات .. جامعات حكومية وجامعات خاصة وجامعات دولية

بالنسبة للجامعات الحكومية أشهرهم واسهلهم جامعة القاهرة

الجامعات الخاصة اشهرهم جامعة 6 اكتوبر (بمدينة 6اكتوبر) ومودرن اكاديمي (بالمعادي)

الجامعات الدولية اشهرهم طبعا وبلا منافس الجامعة الأمريكية

بالنسبة لجامعة القاهرة حضرتك بتيجي تقدم عن طريق الملحق التعليمي بالسفارة السعودية بالقاهرة

ودا لإن جنسيتك سعودية .. اما لو كنت مصري فهاتعامل معاملة المصري ويتم معادلة شهادتك عن طريق التنسيق وتخش

وعموماً حضرتك بكل بساطة تروح تسأل فى الملحقة وهما هايبلغوك بالتفاصيل ..

لإن انا نفسي ماعنديش التفاصيل الكافية للموضوع دا

معا ملاحظة ان جامعة القاهرة مابتمشيش بنظام عدد الساعات .. هيا بتمشي بنظام ترمين كل سنة دراسية

والجامعة بتنقسم لحاجتين (دراسة بالعربي / دراسة بالانجليش)

وتخصص ادارة الاعمال اللي حضرتك عايز تدرسه دا .. بتتخصص فيه في سنة رابعة ..

يعني فيه 3 سنين بتقعد تدرس فيهم بطريقة عامة .. وبتيجي في اخر سنة تتخصص

والتخصص بيكون بدون قيود يعني لا بيتطلب مجموع ولا بيتطلب دفع فلوس

لو انتا عايز تتخصص بدري بقي .. فيه جامعة حلوان .. التخصص بيبقي فيها من سنة تالته

اما بالنسبة لجامعة 6 اكتوبر أو اي جامعة خاصة فدا بيبقي التقديم عادي جدا زيك زي المصري ..

بس الفرق انك بتعامل معاملة الطالب الأجنبى في دفع المصاريف ..

يعني عندك مثلا فى جامعة 6 اكتوبر فيه مصاريف دراسية للمصرين ودي بالجنيه المصري

ومصاريف دراسية لغير المصريين (اياً كان بقي عرب ولا اجانب) ودي بالدولار

لمعلومات اكتر .. خش ع الرابط دا وشوفه http://thanwya.com./vb/showthread.php?t=94460

بالنسبة للجامعة الأمريكية ..

بتروح تقدم زيك زي اي طالب .. بس برده الفرق فى المصاريف زي جامعة 6 اكتوبر كدا

بس المصاريف غالبا ما بتتراوح مابين 40 الف جنيه مصري لـ 42 الف جنيه مصري للترم الواحد .. على حسب عدد الساعات

معا ملاحظة ان تخصص ادارة الاعمال في الجامعة الامريكية مابيكونش من اول سنة .. بيبقي من تاني سنة

وقسم ادارة الاعمال بيتطلب انك تخلص 138 ساعة خلال 4 سنين (8 ترمات)

مع مراعاة انك عشان تخش القسم دا لازم تمر بـ 3 مواد اساسية ..

finincial accounting - macro economy - micro economy .. بعد ماتعديهم بيتم عمل زي تنسيق داخلي

عشان يختاروا مين اللي يتقبل ويخش القسم ومين اللي مايتقبلش .. طبعا دا بيبقي بأولوية الحجز والمجموع بتاعك

ومش هانسي اقولك طبعا ان الدراسة هناك بالانجليش .. والدراسة مش سهلة .. بس في نفس الوقت ممتعة

خاصة بعد ما الجامعة اتنقلت للقاهرة الجديدة .. وماقولكش على منظرها من جوا .. تحفة معمارية !!

وعموما دي ارقام قسم ادارة الاعمال هناك تقدر تتصل بيهم وتستفسر براحتك

27976785 - 27976737 - 27976722 - 27976202

ودي برده ارقام خدمات الطلبة عشان لو ماردوش عليك 27975998 - 27975757 - 27975194

واي خدمة ونورت المنتدي

الف شكر لك عزيزي على تجاوبك معي


طيب هل جامعة القاهره سهله


يعني مش من الصعوبه الواحد يمشي فيها


وانا زي ماقولتلك مش متفوق دراسيآ مستواي عادي جدآ


هل ترى اني اقدر امشي فيها وفيها سهالات من الدكاتره


ولا الدكاتره يعقدو الطلبه بأسألتهم ولو محتاج بعض الدرجات بيتعاونو مع الطالب ولا شديدين بضبط الدرجات



يعني عطنياها من الآخر انا مش عاوز اجي وأخسر فلوس واخسر وظيفتي واتغرب وبالآخر لا سمح الله ما امشيش بالدراسه بتكون كارثه





ارجو منك الافاده بالكامل والنصيحه



ولك مني جزيل الشكر والتقدير

صراحة .. هوا من المتعارف عليه في مصر هنا ان أسهل كلية تجارة في جامعات مصر كلها

هيا كلية التجارة بجامعة القاهرة .. عشان كدا انا أرشحلك جامعة القاهرة

أي نعم انتا هاتفاجأ بكمية الأعداد الرهيبة اللي موجودة في المدرجات .. بس هاتاخد على كدا

بالنسبة لدكاترة جامعة القاهرة .. هما فيه كويسين وفيه مش كويسين خالص ..

فانتا ونصيبك بقي .. بس في المجمل العام الدكاترة كويسين

بس اذا أهملت في الدراسة وماتابعتش كويس ممكن لا قدر الله تقع في سنة من السنين

وربنا يوفقك وتنور القاهرة

الف شكر لك حبيبيي

على هذه الملعومات القيمه

اتعبتك معي باسألتي


ربنا يجزاك الف خير


لكن سؤالي الأخير


هل استطيع ان اخلص الجامعه في خلال ثلاث سنوات بدل اربع يعني انزل مواد بالصيف او اي طريقه تخليني اخلص بدري


والي انا سمعته عن جامعة القاهره هما بينزلو المواد افتراضي في كل ترم مش الطالب هو اللي مخير بتنزيل المواد وعدد الساعات


فكم بنزلو في كل ترم عدد ساعات


يعني الترم الواحد ادرس فيه كم ساعه وكم ماده دراسيه



وربنا يوفقك ويرزقك بنت الحلال ان كنت مش متجوز وان كنت متجوز ربنا يوفقك معاها ويرزقك الثانيه



وربنا يرزقك من فضله ويدخلك جناته يارحمن يارحيم





ربنا يجزاك كل خير




محبك نواف

اظاهر ان حضرتك عايز تعرف النظاما العام في الكلية ماشي ازاي .. اقولك انا

دلوقتي الجامعة ماشية بنظام 4 سنين دراسة ..

بمعني ان انتا عشان تاخد البكالريوس لازم تخلص الدراسة في 4 سنين

كل سنة من الأربع سنين دول .. ليها ترمين .. ترم اول و ترم تاني

كل ترم من دول بتدرس فيهم 5 مواد .. يعني السنة كلها بتدرس فيها 10 مواد

اذن عشان تاخد البكالريوس لازم تدرس و تنجح في 40 مادة http://www.haridy.com/ib/images/smil...ke_umbrage.gif !!

كلام سليم وميه ميه ..