|
تعالى اكذب عليك
السلام عليكم ازيكم يا جماعة عاملين ايش؟ كل سنة و انتوا طيبين ايه ده و ايه المناسبة؟ ايه دهّ!! انتوا مش واخدين بالكم و لا ايه النهاردة اول ابريل تعالوا بقى اكذب عليكم مش انا موتتhttp://www.thanwya.com/vb/images/icons/icon10.gif طيب انتو تعرفوا ايه هو اصل الكذبة دى؟ طبعا ايوة انتوا مثقفين جدا بصوا يا جماعة كذبة ابريل ما هى الا تقليد اوروبى الاصل فيه هو الهزار بحيث انهم يطلعوا اكاذيب او اشاعات مضحكة الى حد ما و اللى يصدقها بيسموه (ضحية كذبة ابريل) طيب و مين هى اول بلد تبنت الفكرة دى؟ للاسف اكتر بلد انا بحبها فى حياتى بعد ال US يا خوسارة فرنسا لاننهم اول بلد يطبقوا التقويم المعدل بتاع عمكم شارل ديجول اللى هو كانوا بيبدأوا يحتفلوا براس السنة يوم عيد الام 21 مارس و ينتهوا فى يوم ا ابريل و لما اتغير راس السنة و بقوا يحتفلوا بيها يوم 1 يناير كان فيه بعض الناس old fashioned شوية و فضلوا يحتفلوا بي راس السنة اول ابريل و انتشرت من فرنسا للبلاد التانية فى فرنسا اسم الضحية (اللى بيصدق يعنى) السمكة و فى اسكتلندا اسمه نكتة ابريل و افتكر ان فى الهند فيه عيد مخصص للكذب بس مش فاكرة اسمه الناس بيقعدوا يفشروا كده و مش بيعترفوا بكذبهم ده الا فى اول ابريل و فيه معلومة عبيطة عرفتها و انا ببحث و هو ان الكذب يرجع اصله للقرون الوسطى اذ ان كان فيه عيد فى اول ابريل بردو اسمه عيد جميع المجانينhttp://www.thanwya.com/vb/images/icons/icon10.gif و ده كان بيتم فيه اطلاق سراح المجانين و العقلاء بيصلوا عشان ربنا يشفيهم (المجانين طبعاhttp://www.thanwya.com/vb/images/icons/icon12.gif) و كانت التسمية متاخدة من اسم عيد كل القديسين و بقى النهاردة هو اليوم العالمى للكذب فى جميع انحاء العالم فيما عدا اسبانيا (لاسباب دينية) و المانيا (لاسباب سياسية) شوية امثلة على كذبة ابريل كان فيه واحد اسمه كارول (رغم ان ده اسم واحدة بس ما علينا) كان ملك رومانيا و الراجل ده كان بيزور احد المتاحف فقام رسام لظيظ رسم ورقة نقود كبيرة و قديمة(الجنيه الجبس بتاعنا) على الارض و لما شافها كارول قال للجنود يجيبوها لكن هو مين دى حتة رسمة و نفس الرسام اللظيظ رسم على الارض بردك مجموعة سجاير بتتحرق و قعد يتفرج على الناس و هى بتحاول تطفى السجاير قبل ما تحرق الدنيا(اصحاب العقول فى راحةhttp://www.thanwya.com/vb/images/icons/icon7.gif) و فى لندن فى احد السنين يعنى بعتوا للناس جوابات بتدعيهم لحضور "غسيل الاسود البيض"فى برج لندن و طبعا for free و طبعا كل السذج و الاغبيا راحوا (على فكرة الاسود البيض يا حرام معرضين للانقراض) و فى مرة يقال انه يوم 1 ابريل كان فيه واحدة بيتها اتحرق طلعت تستنجد بالناس فمحدش لحقها ليه؟ لاننا فى 1 ابريل و السؤال اللى انا عايزة اسأله بقى هو احنا ليه بنكذب؟ و يقال و ده شىىء معروف ان الستات بيكذبوا اكتر من الرجالة بس استنوا ده ليه عوامل نفسية كتير و هى مثلا ان الستات بتبقى اكثر عاطفية من الرجال فبيكذبوا اكتر(حجة البليدhttp://www.thanwya.com/vb/life/icons/icon16.gif) و كمان لان الكذب صفة الضعفاء المستكينين اللى هما الستات و رغم ان الرسول نهانا عن الكذب لان الكذب يهدى الى الفجور و الفجور بهدى الى النار الا اننا بردو بنكذب لكن انا بجد عايزة اعرف ايه الهدف من وراء الكذب؟ طيب هل للكذب انواع؟(غير الابيض و الاحمر بتوع الاهلى و الزمالك دول) هل تقبل ان حد يكذب عليك؟ هل انت كذاب؟(بتكذب كتيييييييير يعنى) امتى اخر مرة كذبت فيها؟ ليه؟ بتندم بعد الكذب و لا عادى؟ هل شايف انك ممكن تبطل كذب؟ فى رأيك ايه الاشياء اللى ممكن تنتج عن الكذب؟ |
ايه الدول التعبانه دى كل دى بدع طبعا (الكذب) الموضوع دا كبير واتناقش كتير اوى بس فى راى الناس بتكذب لسببين ضعف او عقلانيه والغالبيه ضعف |
للأسف الكل يكذب في حياته سواء عن قصد أو غير قصد
سواء بحسن نية أو ............. ليه ما أعرفش لدرجة أن الكذب أصبح عادة مستديمة لدى الناس وتلازمهم أينما ذهبوا ربنا الهادى إلى سواء السبيل |
اقتباس:
.. آخر سؤال بقا ده ممكن أكتب فيه صفحتين .. .. موضوع جميل .. (( يارب آخر كذبة أكذبها )) .. .. شكراً على الموضوع .. http://www.thanwya.com/vb/life/icons/icon_music.gif |
الدنيا اساسا كلها كذب في كذب مفيش حد فيها صادق ابدا مش عارف انا اية دة حتي لو مش بيكدب قدام الناس بيكدب علي نفسة دة اساسا يبقي مريض نفسي دايما الكذب في دمهم حتي من سنة 67 من يوم النكسة واحنا لسة بنكذب لغاية دلوقت
|
لا معلومة جامدة اوى
بس بالنسبة ليا مش هقبل الكدب لافى مارس ولا فى ابريل حتى وميرسى جدا على موضوعك |
من لم ينافق الناس 40 يوم اجرى الله على لسانه الحكمه
|
اقتباس:
|
اقتباس:
بصي بقي انا اكتر حاجه بكرها في الدينا ديه هي الكدب بيني وبينه عدواه كبيره اوي واللي بيكدب عليا واكتشف كدبه بيقل من نظري اوي ديه من الناحيه اللي تبعي انا والكدب بالنسبه للكدب من الناحيه الدينيه ( حتي يكتب عند الله كدابا )) ربنا يحميني من الكدب والله اللي بقي بينتج عن الكدب كتير في مقوله بتقول من الحكمه الا نطمئن كل الاطمئنان لمن خدعونا ولو لمره واحده وانا في نظري الكدب خداع :d مش بقولك عداوه :mad: ده اللي بين الناس وبعضها للي بقي كدبه ابريل ديه الاشاعه فيها بتكبر بسرعه والشعب المصري بيصدق اي حاجه هو يطلع الاشاعه بنفسه ويصدقها اخر حاجه بقي انت بتقولي تقبل حد يكدب عليا انا بحس لما حد يكدب عليا يبقي بيستغلني :( كفايه كده بقي شكراليكي لمي |
طيب اقولك حاجة
راجعى كدة عقوبات حدود الله .... من قتل وسرقة وشهادة زور وحاجات كتيرة معلوم عقابها فى الدنيا او فى الاخر ما عدا الكذب ...عقوبة فى الدنيا غير معروفه ...ولكن من يكذب يشعر بأثر كذبه على حياته وعقوبة فى الاخرة ؟؟؟؟؟ .... ومحدش يقولى النار ويسكت اى مكان فى النار ...وتذكروا قول الله ما سلككم فى سقر ...قالوا لم نكن من المصليين يعنى اللى مش بيصلى على سقر على طول وقال ايضا ... فَوَيْلٌ لِلْمُصَلِّينَ ، الَّذِينَ هُمْ عَنْ صَلَاتِهِمْ سَاهُونَ ولكن الكذاب على فين الله اعلم |
| جميع الأوقات بتوقيت GMT +2. الساعة الآن 02:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.