|
بحبك ياريس
بحبك يا ريس وحبك يا ريس *** معكنن عليــــه مقطعلى قلبى *** مطلع عنيــــه سيبونى فى حالى *** وبيا اللى بيه دا كل اللى لية *** محرم عليه عشان حاجة واحدة عشــــــانك يا ريس ********* بحبــــــــــك يا ريس دى كلمة قالوها *** زمان من سنين وكل اللى قالها *** مطـيـن بطـيـن يا سارق فلوسنا *** يا كاتم نفوسنا يا واكل عرقنا *** برجلك دايسنا ولســـــه بحبك *** واحب اللى حبك وباحلف هاحبك *** واحب اللى جابك فى يوم اغبر علينا ريس ********* مبارك يا ريس *** عليــــك البــــلد لابنـــك وابنــــه *** وولد الولد سوزانك سوزانا *** جمالك جمالنا علاءك علائنا وبكرة وبعده وطول الامد ********* غباءك يا ريس *** ملوش حل خالص وسايق ف الهبل *** وكلامك هجايص ولولاك يا ريس *** مكنشى دا حالى وحال كل مصري *** مدروخ ولايـص ********* قالوا العيشة حرة *** وهي العيشة مرة ومش مـــر عادي دا صبرك يا ريس *** ممرر بلادى واسعار بترفع *** ماتنزلش مرة وباين علينا *** هنطلع لبرة رغيفك يا ريس *** بيصغر ما يكبر وسعره يا ريس *** بيرفع ماينزل سألنا دا ماله *** قالولنا الحديد وايه العلاقة *** بسعره الجديد تكونش يا ريس *** لغيت الدقيق وبتطحن بداله *** برادة حديد؟ مهو انت اللى عارف *** وسامع وشايف جمالك قشــطنا *** وعز اللى خاننا وولـــع بلدنا *** برفع الحديد ********* ماتصحى ياريس *** وصحى البلد هنبقى يا ريس *** كمالة عدد ف وسط العوالم *** وشعبى اللى هايم وكبته اللى دايم *** وقرشه اللى عايم هنبقى يا ريس *** كمالة عدد واقولك واعيدلك *** لأنى بحبك نصيحة فصيحة *** نصيحة مريحة لبلدى وبلدك *** ماترحل يا ريس ليه دايما متيس *** ودايما مهيس مترحل بقى وخد لي ف وشك *** جمالك . مش باغشك علاءك .. سوزانك *** شريفك .. سرورك نظيفك .. كمالك *** وعزك .. دا خانك خدهم وانصرفوا *** أشـــتاتآ أشتوت خدهم وانصرفوا *** لحسن حانموت ارحل بقى ارحل بقى مترحل بقى مترحل بقى |
الموضوع تم تشميعه
ورسال مروة الله يرحمها الى عزرئيل زحفا يرجى عدم دخول الموضوع الموضوع متراقب ياريت يا اخت مروى لو لسة موجودة تقول من اللي قال كده ده هيخفف طريقة الموت |
وخد لي ف وشك *** جمالك . مش باغشك
علاءك .. سوزانك *** شريفك .. سرورك نظيفك .. كمالك *** وعزك .. دا خانك خدهم وانصرفوا *** أشـــتاتآ أشتوت خدهم وانصرفوا *** لحسن حانموت على فكرة لو الموضوع ده متراقب انا مش فى المنتدى ده اساسا واو مش متراقب يبقى الموضوع جميل جدا بس يا ريت اعرف مين اللى كتبه |
اقتباس:
ياجماعه محدش يخاف الموضوع مش متراقب دى لسه اشاعات بس نورت الموضوع اقتباس:
مش عارفه مين بالظبط اللى كتبه نورت الموضوع ويارب يكون عجبك |
هو لغاية قبل ما أرد أنا مكنش متراقب
اول ما هرد أنا اعتبروه متراقب أنا موجود ومتابع ومراقب واخدين بالكم .. ماشي؟ مين اللي كتب القصيدة دي ..؟ عشان أبوسه قبل ما يدخل السجن ؟ |
نورت الموضوع استاذ نجم المشاعر
|
خهههههههههههههه
وأنا كمان بحبك يا ريس بحبك والله العظيم |
احييك يابطله
على شجاعتك ويسلمو ايدك الحلوين |
يرحمكم الله يا مروه ..
يارب تكونى بخير .. بس والله كانت موضوعاتك حلوه كلها ... فين ايامك بقه ... دنيا ... انا طبعا بحبك بحبك بحبك يا ريس .. اوعى تزعل منى أبداً ... ههههههههه والله حتى الموضوع مكنتش عارف ارد عليه .. |
كلنا بنحبه
ياريت لو الريس يعرف الناس بتحبه ازى
بجد موضوعك جامد وربنا معاكى لو متراقبه |
ههههههههههههههههههههه....
ايه يابنتي الكلام الجامد ده.... شكلك مبقوقه من الريس ..... والله كتر خيره انت عارفه هو مشغوول ومش عارف يلاحق... تسلمي ياقمر....... |
موضوع متراقب فعلا....هههههههههههههههههههه
مرسى ليك على تقديمه لنا فى رعاية الله يا قمر |
اقتباس:
ومتخوفيش العيال بقى قلنا الموضوع مش متراقب اقتباس:
هو فاضى لإيه ولا إيه :006et4: نورتى الموضوع اقتباس:
والحمد لله خلصت فترة المراقبه :d اقتباس:
اقتباس:
ومش اوى كده انا حاسه انى بقيت رأفت الهجان :d اقتباس:
|
|
| جميع الأوقات بتوقيت GMT +2. الساعة الآن 06:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.