|
انسان ولا شمبنزى؟
ازيكم يا بنات وازيكم برضه يا شباب يا رب تكونوا بخير دايما طبعا اسم الموضوع غريب بس هتعرفوا انا اقصد ايه منه سمعنا كلنا اكيد عن كلمة (الوفاء) بس يا ترى حد فكر يعنى ايه الكلمة دى ؟؟ يا ترى فى حد بينفذها بجد ؟؟ ولا بقى مجرد مصطلح ملهوش اى علاقه بالواقع ؟؟ هتقولوا لى ايه برضه علاقة ده باسم الموضوع اصبروا متستعجلوش انا يمكن يكون محالفنيش الحظ فى انى قابلت ناس بتعرف تنفذ الكلمة دى بجد كان لينا جارة تحتنا كانت متجوزة بقالها 25 سنة وعندها 3 اولاد واتوفت (ربنا يرحمها) عارفين جوزها عمل ايه ؟؟ فى الاربعين بتاعها بعد ما خلص راح يخطب !!!!!!!!! عارفه اكيد ناس منكم هتقولوا لى انه لازم يتجوز وان عنده اولاد ولازم حد ياخد باله منهم كل ده كويس بس انا حسيت انه حد مكنش يستاهلها بجد دى عشرة 25 سنة طب فين بقى الوفاء فى كده فين الحب اللى كان بينهم كل ده انتهى بمجرد ما اتقفل عليها الصندوق ؟؟؟ انا يا جماعه مقولتش انه ميتجوزش بس فى الابعين؟؟ دى صعبه اووووووى افتكر من شهرين تلاته كده روحت حديقة الحيوان فى الاسكندريه وصممت اشوف الشمبنزى اول لما دلخت لقيته بيعمل حاجات غريبه جداااااااا لقيته قاعد فى ركن فى القفص وبيعمل صوت كده وحاطط ايديه على عينه وبيمسح دموعه والحارس عمال يلعبه وهو مش راضى يتحرك من مكانه سالت الحارس هو ليه بيبكى كده؟ قالى مراته ماتت بقالها 6 شهور وهو كده من ساعتها بامانة مش عايزة اقول لكوا انى بيكت لحالته ساعتها سالت نفسى وعملت مقارنه بسيطه اوى بين جوز جارتنا وبين الشمبنزى تفتكروا الدنيا لسه فيها حد بيوفى لحد فعلا؟؟؟ وانا بس اللى شيفاها كده؟؟ وليه بقينا بالقسوة دى ؟؟ |
اقتباس:
-أكيد في الدنيا لسه حد بيوفي بس بقى نادراً أو بمعنى أصح بقى من بقايا الزمن الجميل -لأ مش إنتي شايفاها كده لوحدك كلنا شايفين الناس كل وقت بتبقى أسوأ -مش عارفه أقولك ليه بقينا بالقسوة دي ممكن نقول الأنانية, الطمع زاد في قلوب البشر, أو ظروف الحياة القاسية ضيعت المشاعر الحلوة من قلوب الناس اقتباس:
أنا شايفه إن التشبيه فيه قسوة شويه بس في محله بعيد عن كل ده موضوع جميل يا فيفا تسلم إيدك |
اقتباس:
مرسى يا قمر نورتى الموضوع بتعليقك :) |
انا بعتقد ان الوفاء بيتحدد من العلاقه مع الشخص
يعنى لو الشخص ده بيحبك وصادق معاك وخايف على مصلحتك اكيد هيكون عندك له وفاء الله اعلم كان طبيعه علاقه جارك ده ايه مع مراته عشان كده منقدرش نحدد الوفاء من طول العلاقه |
اقتباس:
بس مش قادرة أتوقع إن في إنسان يضع نفسه في موقف أدنى من مرتبة الحيوان (حفظنا الله جميعا) إنما أنا قولتلك يا فيفا التشبيه في محله بس هو من وضع نفسه في تلك المكانه القاسيه تسلمي يا قمر على الموضوع الجميل ده مرة تانية |
اقتباس:
بس عددهم بيقل و يزيد علي حسب الظروف يعني دلوقتي كل بيت في كام مشكلة حواليه .. فمستحيل تطالبيه انه يكون بيت مثالي و ده اكيد سبب القسوة لأن مفيش حد طايق حد موضوع جميل |
كلامك بيوجع أوى يا فيفيان
موضوعك جميل يا فيفا |
وفاء اكيد دى واحدة جارتنا :d
بهزر طبعا نتكلم بقا فى الجد بصى يا ستى مش كل الناس زى بعضها فى ازواج بتفضل لحد ماتموت ومتتجوزش بعد مازوجاتهم بتموت وان اتجوزو بيبقا بعد سنين بس اللى حصل بردو عادى كتر خيره انه استنا للاربعين :d موضوع جميل دمتم فى رعاية الله |
اقتباس:
كلام مضبوط ممكن فعلا يكون عندك حق مرسى لمرورك |
اقتباس:
حبيبتى انتى برضه مش فهمانى انا اقصد ايه انا مقلتش انه فى مرتبه اقل من الحيوان ولا اقدر اقول كده طبعا انا بس عملت مقارنه مش اكتر ولا تشبيه حتى نورتى مرة تانيه |
اقتباس:
هى المشاكل تمنع انه يكون عندنا احساس او اى مشاعر جميله تجاه اقرب الناس لينا ؟؟ معتقدش خالص انا شايفه ان المشاكل بتخرج كل الحنان اللى جوانا ممكن اكون انا غلط بجد مش عارفه !!!! مرسى لتعليقك |
اقتباس:
فيفا ولا فيفيان ما ترسوا لكوا على حل بقى :p اه عارفه انه بيوجع بس حقيقى جداااااااااااااا ومتعب جداااااااا انا بتعب نفسيا من الموضوع ده بس قلت انزله يمكن ميتعبنيش لما الاقى حد يشاركنى ارائه منور |
اقتباس:
تصدق بالله انا اول ما كتبت كلمة وفاء عمل بين قوسين كده (وفاء دى مش جارتنا) وبعدين استرخمت نفسى ااوى قلت اسيب الناس تهزر وشلتها خالص قلبى كان حاسس انك هنقول كده :d ا مش الفكرة انه اتجوز امتى بعد الاربعين ولا بعد سنتين طب ما هو ممكن يتجوز تانى بعد سنتين بس السنتين دول يكون كان بيدور فيهم على عروسه وملقاش :d المهم الاحساس كان ايه منور يا محمود |
ايه يا جماعه وده ماله ومال الوفاء؟؟!!
طيب انا ناوي اتجوز اربعه ان شاء الله يبقي انا كده معنديش وفاء يعني ولا ايه؟؟ |
اقتباس:
ياه طب كويس انك راسم لنفسك خط من دلوقتى !!! |
| جميع الأوقات بتوقيت GMT +2. الساعة الآن 05:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.