|
إذا كان الانتحار حلالاً...هل كنت تنتحر؟؟؟؟
سؤالي اليوم يحتاج الى التفكير العميق جدا فهو عن رغبة أحيانا تسيطر علينا بصورة كبيرة منا من ينجح في تحقيقها و منا من لا ينجح ثم يندم أنه فكر فيها من الأساس إذا كان الانتحار حلالاً...هل كنت تنتحر؟؟؟؟ في حالة إجابتك بالإيجاب أو بالنفي أرجوا أن تقول لي لماذا فكرت في هذه الاجابة دعونا نتشارك حول هذا الموضوع ويكون التعليق مباشرة |
اكيــــــــــــــــــــــــــــــد مش هنتحر !
|
مش هنتحر لان حياتنا نعمه ربنا انعم علينا بيها
ومن لم يقدر نعمة الحياه فلا يستحقها |
اولا الانتحار محرم تماما فى الاسلام ثانيا ان الله جعل اى شخص ينتحر فهو ليس من المسلمين لان الاسلام كرم النفس البشرية وحباها بجميع المميزات التى تميزها عن الحيوان وعن الجماد فالله حبانا بالعقل وكفى به نعمة وبارك الله فيك على اثارة هذا الموضوع .................................................. هيثم مشرف قسم الشاب المسلم |
انا من رايي اني مش هنتحر لاني لو انتحرت هاكون خاينة خونت الامانة اللي ربنا اداهالي بمعني ان حياتنا دي امانة ربنا امنهالنا ولازم نحافظ عليها يبقي ليه نخون الامانة قبل ما صاحبها ياخدها
|
يا جماعة الراجل بيقول لو كان حلال
يعني الناس تجاوب علي هذا الأساس مش نقول لأ ده نعمة والإسلام قال ... أنا رأيي بقي وبدون تردد كنت هنتحر فورًا بس لو كان حلال والحرف لو ( امتناع الامتناع ) |
اقتباس:
|
مممم لذيذ السؤال...
لو كان حلال طبعا ما كنتش هانتحر ...بالرغم من وجود مواقف كتير ..الواحد كان بيقول ايون مفيش غير اني انتحر ..وبيبقى لعب عيال طبعا ..وكمان من كتر الفرجة ع المسلسلات والافلام العربي بس مش هانتحر ليه مش هاقولك عشان حياتنا نغعمة علينا ..ابدا مش ده البب بالنسبة لي لكن اولا اني انا اللي هاسيب الدنيا ولا عاقبت حد ولا نفعت نفسي ثانيا اني اتعودت اواجه مشاكلي وهموم الدنيا ..أواجه قدر الله ليا بقدر الله اللي قدره عشان اواجه ده بده ثالثا اكيد رقبتي هاتوجعني اوي او هاتألم يعني وخلاص ..وانا مش ناقصة وجع سؤالك رائع جزيت خيرا |
اقتباس:
|
لا لن أنتحر فالانتحار ضعف فالإنسان إذا استعان بالله يتغلب علي كل أسباب الانتحار
|
طب عاوزة اقول حاجة
لو كان اريح لنا مش كان ربنا حلله؟ متهيالى كلنا مش طايقين الدنيا باللى فيها لكن ربنا من رحمته بينا مش بيخلينا نوجع نفسنا بادينا بس حتى لو كان حلال مش كنت هقدر خالص لتلات اسباب 1 - ان روحى وكل حاجة فيها ملك ربنا مش من حقى اتصرف فيها*ومش من حقى اقول امتى انهى حياتى بايدى لان ده عمرى ولازم هعيشه* 2 - انى هتصعب عليا نفسي اقتلها بايدى*ده لو شفت حد بيموت بيصعب عليا اوى مش هتصعب عليا نفسي!!!* 3 - ان ربنا اختار لنا ده ولو فكرت كويس هتلاقيه احسن حاجة لينا كلنا فعلا وحاجة اخيرة واسفة كتير على الاطالة انا كدة بهرب من واقعى اللى انا عايشة فيه*او بحاول اتهرب* وده مش حل اواجه مشكلتى اكرم لى من انى اهرب منها وتفضل تطاردنى طول حياتى مرسيي كتير ليك على *السؤال*ده بس ياريت حضرتك تقول رأى حضرتك ايه *هتنتحر لو حلال؟* |
قبل ما اجاوب عايزة اسال سؤال
ايه الحكمة من حرمة الانتحار؟ 1- ان الانسان بنيان الله وملعون من هدم بنيان الله 2- ان الانسان لا يملك جسده ليتصرف فيه كيفما شاء وانما هو امانة اعطاه الله له ويجب ان يحافظ عليها وطبعا حاجات كتير بس حكتفى بكده اذا فرضنا ان الانتحار حلال اول حاجة يبقى عادى لما تقتل نفسك او تقتل اى حد طالما مباح ليك انك تهدم بنيان الله صح؟ وعلى هذا الاساس ممكن لاى حد انه يقتل نفسه او يقتل اى حد بسبب او من غير سبب ومش حيتحاسب على كده وده طبعا حيعمل فوضى كبيرة فى العالم ده غير ان كل واحد ممكن يعمل ما بداله وبعدين يروح ينتحر عادى ومش يتحمل نتيجة افعاله تانى حاجة ان جسمك ده بقى ملكك ممكن تتصرف فيه زى ما انت عايز يعنى ممكن تبدل اعضائك عادى وممكن تبيعها وتتصرف فيها زى ما انت عايز دخلت انا فى حاجات كتير نرجع لموضوعنا اقتباس:
برده قبل ما اجاوب اسال سؤال يعنى ايه انتحار ؟ يعنى قتل النفس بشئ يؤلمها بأى طريقة كانت ومش شرط يعنى انى انط من مكان عالى او اخد حاجة او اطعن نفسى وكده لأ ممكن كمان اقتل نفسى من الغم والنكد وممكن اكلفها بشغل فوق طاقتها وحاجات تانية اجاوب بقى على السؤال نعم سأنتحر إذا كان الانتحار حلال ازاى ؟ حنتحر بتكليف نفسى شغل فوق طاقتها ليه؟ لان دى احسن حاجة انتحر بيها فكروا فيها كده انا دلوقتى لما اقتل نفسى مش حتحاسب على كده صح؟ لكن حتحاسب على الحاجات التانية اللى انا عملتها يبقى المنطق و العقل يقول انى لازم اعمل حاجات كتير كويسة علشان لما انتحر وييجى ربنا يحاسبنى يلاقى عندى اعمال كتير كويسة ولان عمرى قليل (و لان انا مش ناوية اقعد في الدنيا كتير ) يبقى اختم حياتى بأعمال صالحة واروح انتحر ربنا يرزقنا حسن الخاتمة ولازم اى حد يفكر فى الانتحار يفكر الف مرة قبل ما يعمل كده ويفتكر انه بكده بيكون جبان وضعيف ومش قادر يواجه الواقع واحسن له انه يستعين بالله فى اموره وهو ان شاء الله حيوفقه اسفة على الاطالة بس لازم تعرف خطورة السؤال ده وتقبل مرورى |
اقتباس:
|
انا عن نفس عمرى ما أفكر فى انى انتحر حتى لو حلال لان الانتحار هروب وضعف مهما كان حكمه (حلال ام حرام) وانا مابكرهش فى حياتى اد الضعف والهروب....مشكور لمروركم جميعا
|
و يعنى أنت عملت الحلال كله وبتدور على حاجة حرام و ضعتها سو أل وعايز الرد إذا كان الإنسان يوافق على حلاله طيب خلينا مع بعض ب شوية فلسفة هو ربنا خلق الكون و ما فيه لخدمة الإنسان وعلى الإ نسان عمارة الكون بما يسره الله له و إذا كان الا نتحار من شرع ربنا يبقى كان ربنا رفع عنا الموت و لم يقدر الآجال وقت ميلاد و وقت موت وترك كل واحد يقدر كم من العمر يرغب و بيده يتم انهاء حياته بيده أرجوكم بلاش نقل من المنتديات الغريبة عن فكرة الإسلام و لما تحاول التحاور فى موضوع لابد أن يكون ا لموضوع ذا أهمية ليعود على الجميع بالفائدة وليس ثرثرة فقط بدون فائدة و كما قال رسول الله صلي الله عليه وسلم : ( نعمتان مغبون فيهما الإنسان الصحة و الفراغ ) وكل كلام نتفوه به نحاسب عليه فلا تنسى عمل رقيب و عتيد وتذكر قوله تالى : ( ما يلفظ من قول إلا لديه رقيب عتيد ) وتقبل مرورى ............... |
| جميع الأوقات بتوقيت GMT +2. الساعة الآن 07:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.