|
موضوع مثير للجدل
..................... ............. ........ .. . السلام عليكم اولا عايز قبل ما ادخل فى الموضوع اقول حاجه انا بقول لن اكف عن وضع المثيره للجدل طالما هناك هدف سامى منها بجد هنفضل مكسوفين يبقى المشاكل دى مش هتلاقى حل مش معنى كدا ان تبقى فى قله ادب لا بس يبقى فى عقلانيه فى طرح الموضوع وانا لما بتكلم عن اى مشكله بجيبها من واقع حياتنا يعنى المشكله والغلط موجود يعنى لازم زى ما قال الرسول صلى الله عليه وسلم احاول اغيره فأنا مش عارف اغيره ازاى فلازم اسأل اكيد يعنى عشان كدا بطرح الموضوع للمناقشه المهم بقى ندخل فى الموضوع المثير للجدل بصوا دلوقتى احنا عارفين ان الحاله الاقتصاديه زى الزفت وحلم كل مصرى انه يسافر اى بلد عشان يحسن مستواه حتى لو هيشتغل هناك خدام هيستحمل عشان يرجع يسعد مراته وعياله بس المشكله بقى فى حاجه هل الزوجه على قدر مستطاع ان تعيش بدون زوجها هناك بعد النساء لا تقدر تعب زوجها ولا تقدر غربته وذوقه المرار ليسعدها وتكافئه بالخيانه له كثيرا ما سمعت عن هذه المشكله فى هذه الايام (وهذا امر متاكد منه تماما) وكثيرا ما سمعتها ايضا على القنوات الفضائيه ملحوظه ( انا اقول فئه من السيدات تفعل ذلك ) طيب ايه الحل يا جماعه يعنى لو الراجل مسافرش هيعيشوا حياه ضحله ولو سافر يبقى ......بجد مش امر محزن ارجو نقاش الموضوع بعقلانيه وبدون الخروج عن الموضوع الاساسى مستنى ارائكم وياريت لو فى انتقادات تبقى باسلوب لائق وانا هشيلك الرد وصاحب الرد فوق دماغى فى رعايه الله |
كلامك جه على الجرح أحنا كنا بيت سعيد وماشى فى أمن الله بس من زمااااااااااااااان فجأه لقيت بابا سافر قطر بعد ألحاح من ماما بعد ما سافر ماشوفناش وشه اصدى وجهه الجميل ألا لما رفعت دعوه فى محمكه بطلب أشوفه بس فى فترة غيابه مأولكش البيت أتخرب أتخرب والام كانت بتخون طبعا وأخر لما زهقت خلعته وراحت أتجوزت وأنا وأخواتى عايشين لوحدينا لا أم ولا أب وبابا طلع كان متجوز أزاى يسيب الخير هناك ويعد لهمنا
أنا بتمنى أى أب أنه ميسافرش ويسيب مراته وعياله لان لو مراته طلعت وافيه ليه أكيد من ناحيه تانيه عياله هتبعد عنه ومش هيحسوا غير مشاعر جافه مفيش حاجه بتربطهم غير الفلوس وبس شكرا يا خالد على الموضوع وتقبل مرورى |
اولا احب اشكرك عالموضوع الى مش قريت غير اول جزئية منه وثانيا احب اقول ياريت نلتزم بالقوانين ومش انت بس للكل ولو الموضوع قلب بخناق ان شاء الله هيتحذف وحضرتك تنزل موضوع غيره مثير للجدل ونحذفه وتنزل ونحذفه لحد ما نتعود على النقاش الى يليق بينا وبمستوانا وبمستوى المنتدى واظن الكلام واضح ياسادة واتمنالكوا موضوع سعيد |
اقتباس:
ارجوكى لا تجعلينى ابكى |
اقتباس:
وافضفض لانى بحبكوا اوى وكلكم اخواتى |
انا رأيي إنهم يسافروا مع بعض ولو مينفعش يبقي ميسافرش . لإن الزوجه صعب عليها إنها تتحمل تربيه الأطفال لوحدها وكمان الاولاد بعد شويه حيفقدوا علاقتهم بباهم وحتبقي فلوس وبس.وكمان علشان المشاكل بتزيد بين الزوجين لما يبعدوا عن بعض وحبهم لبعض حيقل(لإن إللي بعيد عن العين.......)
|
عارف انا والدى مسافر دبى بقاله 4 سنين ونص
بس بينزل 3 مرات ف السنة وبنسافر ليه احنا ف الصيف والله ماما دى طيبه قوى ربنا يخليها لينا يارب ويبارك ف عمر بابا يعنى هو بيحاول بقدر الإمكان ميبقاش بعيد يلا الحمدلله ع كل شىء |
ربنا ما يجيب خيانات ان شاء الله.
انا لو سافرت هاخدها معايا نتفسح سويا .:) |
اقتباس:
ازيك يا جومانا يسافروا مع بعض ازاى يبقى عليه العوض ومنه العوض فى تحويشه العمر اكيد كدا مش هيوفر حاجه وما بالك بقى لو عندهم عيال بجد خسرانه خسرانه العمليه ولو قعد مش هيعرف يعيشهم كويس ومفيش حاجه اسمها البعيد عن العين بعيد عن القلب من قال هذا ؟ |
اقتباس:
طيب الحمد لله دا نموذج كويس والحمد لله الموضوع لحد دلوقتى ناجح فى ناس بتقول صح وناس بتقول غلط وحلو الحوار اللى بينا دا المهم سيبك انت يا احمد كنت فين الايام اللى فاتت دى ؟ |
اقتباس:
صدقنى مش هينفع ومش هيوفر حاجه يبقى ملهاش لازم بقى انه يسافر احسن |
اقتباس:
تعرف انك منور والله ووحشنى ايام المنتدى بس الدنيا مش بتسيب الإنسان ف حاله يلا الحمدلله اها بس ع فكرة انا لو جتلى اعارة او حاجة برة مصر اخد مراتى وعليه العوض ف تحويشة العمر او اقعد معاه علشان انا مش هبقى قادر استغنى عنها خاااااالص عارف انا بابا ده وحشنى قوى ياخلود |
موضوع جميل ياباشا بس حاول متقولش يسبب خيانة وبس عشان محدش يفهمك غلط وحتى لو لقيت نقد يكون بناء وانا ........ مر بالتجربة دى مكانش بيجى غير قليل طبعا ولاده الاتنين كبروا واتجوزا ومحسوش بيه وسطهم الا لما يرجع وينكد عليهم بشخصية الاب فطبعا سايبننه الابن سافر السعودية ومبيفكرش يتصل يسئل عليه والبنت تزوجت من شخص هو مكانش موافق عليه ومقاطعها ومقطعاه لحد الان والام طفشت من البيت بس كانت ست عارفة ربنا كويس ومبتفوتش فرض معتقدش انها كانت ..... يلا ياعم جبت قصة فل اهى وواقعية اى خدعة انتا تامر بس يا خالد باشا ومنتظرينك فى مواضيع تكون مثيرة للجدل ولكن تكون مفيدة وتخلى الواحد يرد وجزاك الله كل خير اخى الكريم .. |
اقتباس:
ربنا يخليك يا ابوحميد كلك ذوق والله بس انت مكبر الموضوع ليه كدا والدنيا مش بتسيب حد فى حاله وبتاع انت بتحسسنى انك بتجرى على عيال وامهم اصبر يا مان شويه دا احنا لسه داخلين ع التقيل وهات يابا الاكل وهات يا بابا مصروف وليله مش هتخلص وانت بتقول بابا وحشنى حسيت انه واحشنى انا كمان انت كدا هتخلينى اعيط |
اقتباس:
بسم الله بص ياعم كيمو اولا انا سيبت كلمه خيانه مفتوحه لانى اشمل جميع انواع الخيانه وياريت تبقى توضحلى الخيانه اللى كنت تقصدها انا عارف والله يا كيمو ان القصص دى موجوده عشان كدا بكتب الموضوع ان شاء الله يا كيمو مواضيعى تعجبك فى رعايه الله يا مان |
| جميع الأوقات بتوقيت GMT +2. الساعة الآن 08:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.