|
سامح يا قلبى وابعد بعيد
............................ ......... ... . ومالى لما كنت وحيد ما انا كنت عايش كنت سعيد كنت فاكر الحب دا شىء جميل اتخدعت فى طريق الحب واخدته سبيل بس صحيت وشوفته حلم طويل اه فى الاول كنت بطير مصدقتش حد لما قالولى انى فى وهم كبير كان حبها بالنسبالى سفير جرحنى وخدعنى ورجع ليها سليم ليه ؟ دا انا حبيتك حبيتك اوى ويشهد على حبى الرحيم كل اما افتكر ايامى معاكى وافتكر قلبك اللى كان عليا جانى اقول ازاى ؟ بس خلاص انا هرجع تانى وحيد ارجع اعيش من تانى سعيد وخلاص ياقلبى سامح دا انت كريم سامح وانسى وعيش لسه قدامك سنين بس نصيحه يا قلبى اوعى تحب جديد ............. يارب تعجبكم One Eng Can Do It KhaloooD |
كلامك جميل بس أنتا بتقول لقلبك سامح ومدام هيسامح يبقى هيحب تانى وتالت ورابع
|
اقتباس:
انا بس هرد بالعضويه دى لحد لما الوقف يترفع كلامك تمام يا ايه بس لو تلاحظى دى كانت مجرد نصيحه لقلبى وليه انه يعمل بيها او لا يا ايه مفيش حد بيختار انه يحب ولا لا |
الله عليك يا خالد بس في حاجه انا حاسس ان الكلام ملوش بداية هو ايه ..؟ اللي ....... ومالي لما كنت وحيد حاسس انها مبهمه شوية يا كبير تسمح لي ..... انت حبيت قبل كدا ؟ انجرحت ؟ ولا جرحت ؟ 1. لو كنت حبيت هنقول ومالوا .... الحياة حلوة بالنسبة له ... وقلبه كبيييييييييييييييير 2. لو كنت انجرحت معتقدش ان القلب بيقدر يسامح بسهوله اللي جرحه ..لان جرح القلب موت وليس عذاب 3. لو كنت جرحت مش هقدر اقول حاجه في النقطة دي ... لاني مقدرش اتخليها عكيت كتير صح .......... عموما تسلم ايديك كلامك جميل يا كبير ... بس حلوة لو طالعت اغنية هتكون اجمد حاجه وقفه في زوري بقي .... بلاش تسمع اغاني وانت بتكتب يا بوب |
اقتباس:
ربنا يخليك يا مان بس هى المشكله انك تقريبا مش قرات لى مواضيع هنا قبل كدا على فكره النقط اللى فى الاول دى مش كلام ولا حاجه دى بس بدايه اتعودت عليها اد نقطه النقطه التانيه انا فعلا بعمل اغانى بس مش بنزلها هنا اللى بنزله هنا خواطر بس وبعدين انا مش بسمع اغانى وانا بكتب خالص بس معلش مش هقدر اجاوبك على ال 3 اسئله بتوعك معلش يا مان غصب عنى دلوقتى شكرا لمرورك بجد واتمنى اشوف تعليقاتك على مواضيعى اللى هنا فى رعايه الله |
الله ايه الكلام الجميل ده
تسلم ايدك رائعه بجد |
اقتباس:
شكرا لمرورك البسيط الجميل وتوقيعك احلى اكتر |
ايه الجمال ده تحفة يا خالد و الله بجد جميلة اوي عبرت عن حاجات كتيرة اوي بالنسبة لي تحفة بجد و الله مش مجالة خالص
|
بجد موضوعك جميل واكتر ما بحب فى مواضيعك البساطة والرقة اللى بتخلى الاحساس يوصل من غير مقدمات وانا فرحانة ان قلبك هيسامح دى حاجة كويسة واكيد هتبقى بداية للفرح والبعد عن الحزن ونصيحة منى سيبك من الحب وركز فى مستقبلك اهم واهم وان شاء الله ربنا يوفقك تلاقى وحدة تسعدك وتحبها وتقضى معاها بقية عمرك باذن الله هو انا صغيرة اوى اه بس حاول تتقبل النصيحة منى
|
اه معلش كنت عاوزة اقولك على حاجة انت سالتنى انا كنت عاوزة اقولك ايه وانا رديت عليك فى الموضوع بتاعى اللى اسمه روح بس انت مردتش شكلك يااما زعلت وبتهرب من الاجابة يااما برده زعلت وبتهرب من الاجابة
|
اقتباس:
ربنا يخليك يا شريف والله مرورك هو الاجمل ومرورك اسعدنى جدا والله معلش بقى يا شريف هحاول المره الجايه اكتب فرح فى رعايه الله يا مان |
اقتباس:
الحمد لله انها عجبتك يا هدير وفرحان اوى ان احساسى وصلك يعنى الحمد لله الاحساس متبادل وانا الحمد لله دايما قلبى بيسامح مش بالسن يا هدير بالعقل ما فى ناس كتير جسم ع الفاضى وعقلهم زى السمسمه بس واضح ان نتى مش كدا ما علينا ان شاء الله هحاول اعمل بنصحتك هروح ارد بقى على موضوع روووووح فى رعايه الله |
| جميع الأوقات بتوقيت GMT +2. الساعة الآن 11:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.