|
لو سمحت أيها الشاب....أنا مش مزة
لو سمحت أيها الشاب....أنا مش مزةانا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس منحقك ان تعاكسنىنعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئهلاترتدى شورت ولا بنتاكور ولا كارينا او ماشابة ذلكمن حقى عندما اخرج انا وصديقاتى واحترم كل من حولى من حقى ان تحترمنى وتدعنى لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم افعل مايشجعك على ذلك...انا احترم نفسى اذا يجب ان تحترمنى..سيقول الشباب البنات بتحب كده واحنا بنرفع روحهم المعنويهوانت يعنى بتشيل على اكتافك الواجب الوطنى ده وهترفع روحنا المعنويه!!!!!!!انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)عفوا انا انســـــــانه مــــــــــش مـــــــــزهنعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..ايها الشاب انا انسانه متقــــولش مــــزه
|
هو موضوع حلو فعلا...
بس برضو بقول ان البنت المحترمة عمرها ما هتتعاكس الا قليل جدا... شكل البنت مش هو اللي بيخليها تتعاكس... يعني مثلا لبسها ومنظرها العام بيبان انها.....تيـــــــــــــت..... شكرا على موضوعك... |
والله يا أميره أنتى بتدنى فى مالطا عمر ما اللى فى دماغك هايحصل
لان خلاص دلوقتى البنت مبقتش تعرف تمشى فى الشارع الا لما تسمعلها كلمتين ينرفزوها والمشكله أنهم مش بيعكسوا مباشر دلوقتى تلاقى واحد يجى يسألك الساعه كام وبعد كده يقوم يبص فى سعته ويقولك ساعتك مأخرا ديقتين وواحد تانى يقولك هو الشارع معرفش أيه فين وبعد ما أوصفله يقولى طب ماتيجى معايا تسلينى ومره يتخطف من أيدى الكشكول وأنا طبعا بسيبه ماهو مش هضحى بحياتى علشان كشكول خلاص البنات كرامتها ادبهدلت وأنا بتكلم عن البنات المحترمه مليش ضعوا عن التنين وأنا عن نفسى مش مقتنعه بالحجه بتاعت الشباب بنعاكسهم علشان بيلبسوا وبيعملوا طب والله أنا لا بلبس ضيق ولا بحط ريحة المكياج ولا بحط برفن وكل لبسى محترم فى حد نظرتى له ونظرت اللى يعرفونى وبمشى فى حالى فى الشارع وأتلقى الخفه بتشتغل مش عارفه مبتكسفوش من شكلهم أنا من رأيى يعملوا قانون أن كل شاب يعاكس بنت ياخد أعدام بلا أستئناف تانى |
موضوع جميل جدا جدا بجد تسلم ايدك عليه وفعلا حتى لو البنت محترمه بردوا بتتعاكس هيه اه بتتعاكس قليل بس بتتعاكس وفعلا مادام انا ماشيه محترمه يبقا ليه اللى بسمعه اموت واعرف هما الشباب لو ماعاكسوش البنات يموتوا والله ساعات كتير الواحد بيخاف ينزل الشارع من اللى بيعملوه الشباب ربنا يهديهم يارب تقبلى مرورى |
انا شايف يا جماعة ان البنت حتى لو محترمة بتتعاكس..في عيال مش بتعتق..
|
اقتباس:
انامش عارف إزاي الكلام ده إزاي معملتوش حاجة تشجع الشباب هو ده لبس حد يرضي بيه؟؟؟؟؟ لما واحده لبسالي لبس حشم ماشاء الله و مبين كل مفاتنها و مش سايب حاجة إلا و أظهارها إزاي بعد كل ده تقولي أنا محتشمة و يعيني زعلانة من لفظ بيتقال!!!!!!!!! و إنت بتحاربي ربنا بالمعاصي و ربنا يهدي الجميع بجد عشان الموضوع ده شدلي أعصابي دول بيمشوا بيتمرقعوا في الشارع ولما حد يعاكهم يعملوا فيها الخضرة الشريفة حاجة تحرق الدم :mad::mad::mad::mad: و بما إن حضرتك شايفة إنك مبتعمليش حاجة غلط و هي أكبر غلط الشاب شايف إن ده العادي و ربنا يهدي الجميع أنما مش بشجع الشباب إن هما يعاكسوا لأ لو مافيش متبرجات مافيش معاكسات هو ده الحل غير كده تضييع وقت |
على فكرة يا اميرة الورد انا معاكي جداااااااااااااااااا
ومش قادرة اقولك انت قولتي كل اللي انا عايزة اقوله بجد. انا مش فاهمة ايه الشباب الهايفة اللي مورهاش حاجة ديه والله بجد هايفة معندهمش حاجة يعملوها غير ان هما يطلعوا في كلام وحاجات توصف البنت . وكلمة مزة ديه بتستفزني بجد اخر حاجة بيتعاملوا مع البنت على انها جسم وبس. ومعلش اللي بيتحجج ان البنت هي اللي لبسها مش عارفة ايه. سوري ديه حجة البليد. وللاسف بقى ان اللي بيتعاكسوا دلوقتي والله والله اكترهم محترمين ومحدش بقى يقول حاجة في ديه.وانا معاكي تاني بجد عشان الموضوع مستفز مووووت.وعايز رغي كتيييير عفوا ايها الشاب.... انا مش مزة |
والله انا من راي ان البنت هي اللي بتجيبه لنفسها تلاقيها لابسه المحزق والملزق وتقول محترمه وتجيب الغلط على الولد
وقدام المدارس وعلى المحطات تشوفوا العجايب كل يوم الساعه 7 والساعه 1....2 |
الغرابه انك تقولين ان هذا حق في ان ترتدي ما تريدين وان المجتمع يجب ان يتقبل هذا ويحترمه ثم تضيفي انك لا تتكلمين من ناحيه الدين فالكل يعلم ان المعاكسه حرام اوليس الدين ايضا هو من امرك وامثالك بالالتزام بزي معين ؟ ام نأخذ بالدين فقط ان كان يوافق هوانا واذا تعارض فهذه حريه شخصيه
نسأل الله الهدايه للجميع لكم وللشباب المعاكس وقبلكم جميعا لنفسي علي فكره جنب بحرف الباء مش الميم انظري مشاركتك دمت بود اختاه |
شكرا لمروركم جميعا
|
اقتباس:
طب أحنا بقى نعمل أيه لاحظ أنك أتكلمت على فئه واحده من البنات أو بتعمم الكلام على كل البنات وياريت تعرف أن فى خلل فى دماغ حبه من البنات اللى هى بتعمل كده أنما بقى كل الشباب بناقص حبه عندهم خلل فى دماغهم تقدر طيب تقولى ليه أنا بتعاكس الحمدلله أنا لا لبسى قليل الادب ولا بمشى أتمرقع فى الشارع ولا أى حاجه وبتلقى تصرفات غريبه من ناس شكلها بيحسسنى أن الدنيا مبقاش فيها رجاله تمام الا قليل قوى والله دلوقتى ريحت دماغى ومبقتش أنزل من البيت ألا للشديد بس وبعدين هنفضل كده مبقاش فى أمان الوحده تمشى براحتها متخفش ؟!!!!!!!!!!!!! |
اقتباس:
يا بنتي أنا هقولك حاجة و الله إنتي لو ماشية مافيش حاجة من مفاتنك باينة و مافيش لون أو حاجة تلفت الأنظار صدقيني محدش هيعاكسك أنا والله بشوف بنات محترمين كتير محدش بيفكر يعاكسهم إنتي في نظرك إن لبسك محتشم صدقيني راجعيه و شوفي لو لا قدر الله متي و إنتي ماشية ولابساه ترضي إن ربنا يشوفك و إنتي لابسه كده و عايز اقولك إن العفة مافيش أحسن منها يعني لو بنت لبست الحجاب الشرعي ولم يرها أحد إلا محارمها هي من ستجد الزوج الصالح أو بمعني أصح ستجد الزوج للأن من يريد أن يكون له أولاد صالحين يجب عليه حسن إختيار أمهم و علي فكرة أنا مش كنت بعمم أصلي إنهاردة كنت في الكلية وشوفت كذا منظر والله كنت هعيط و في الأخر يجوا يقولوا متبصليش أنا مش مزة إزاي يعني ربنا يهدي الجميع و بجد مش بعمم في ناس محترمة بس مش حاسيين غن هما لابسين من غير هدوم و لو جيت تقول لوالدها إيه ده بنتك لبسها صعب يقولك البت لسه صغيرة مبيعرفش إنها كبرت إلا لما الطوبة تيجي في المعطوبة أنا ليا قريبي محترمين بس لو شفتهم في الشارع و لا كأني أعرفهم و بجد لو لبستي الحجاب الشرعي هتصوني نفسك يلا سلاااام |
اقتباس:
أنا مش هزود كلام بس هقول بس أنا عامله حسابى أن ممكن أموت فى أى لحظه وبراعى ربنا فى تصرفاتى الحمدلله يلا سلام |
اقتباس:
لأ إنت فهمتي غلط أنا مش قصدي عليكي إنتي بالتحديد أنا بقول كده لكل البنات و ربنا يثبتك و بالنسبة للإسدال عندنا أكتر ناس ممكن يتعاكسوا عشان فيهم متسهترين بيلبسوا ألوان تشد أكتر من المتبرجات و انا مش قصدي علي حضرتك يلا سللااام |
يجماعه موضوع فعلا خطير وفى النهاية الفتره المسلمه البعيدة عن لبس الموضوع والازياء محدش يقدر يبص ليهم ولا يقدر ينطق اى لفظ من الالفاظ البذيئه
يعنى لازم البنات تصلح فى نفسها الاول ويليها الشباب وشكرا |
| جميع الأوقات بتوقيت GMT +2. الساعة الآن 03:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.