|
جوازر عرفى بس شرعى يعنى
مساء الخير أو صباح الخير
اتحدث إليكم من عاصمة القلوب البيضاء الشرقية هههههههه (المقروض كنت أبقى صفحى * المهم أنا فى الشرقية دلوقتى وفيه شوية حاجات كده عرفتها وعايزة اتكلم معاكم فيها الحكاية من الاول صحيت الصبح هههههه طبعا كداب الضهر فتحت باب البلكونة وبصيت فى الجنينة لقيت بنت جارتنا لسه صغيرة أوى فى اولى ثانوى بتقطع وردة من الجنينة فضحكت كده وقولتلها الورد بيقطع الورد لمين ؟؟؟ فضحكت وقالت ل صلاح ....ضحكت بسخرية كده وقولتلها صلاح مين ياختى ؟؟؟؟؟ فقالت خطيبى يا أخويا المهم انا كنت فاكرها بتهزر المهم صليت ونزلت تحت وماما حضرتلى الفطار وانا بفطر سالتها بقولها هو صحيح إيمان اتخطبت فقالتى أه عقبالك وحكتلى على الموضوع كله ....... إيمان لسه عندها 16 سنة أو أقل بكتير كمان وهتتجوز فى شهر سبعة ده اللى عرفتها من ماما بعد شوية افتكرت ان فيه قانون جديد من حكومتنا الرشيدة بيقول ان اسن القانونى للزواج الفتاه 18 والشاب 21 _ حصر عليا لسه سنتين بحالهم لما أتنيل هههههه _ المهم فسئلت ماما ازاى إيمان هتتجوز وهى لسه عيلة موصلتش السن فقالتلى العريس بيكتب ورقة ويمضى على وصل أمانة على أبيض وأول ما توصل السن القانونى يروح يكتب عليها رسمى ههههههههه ضحكت وقلت ل ماما عرفى يعنى ؟؟؟ فضحكت وقالتى بالظبط المهم انا مسكتش وعملت فيها المفتش كرومبو وعرفت حاجات كتييييييييييير عن الموضوع ده البنت عندنا فى الريف _ أنا فلاح على فكرة ....عثمان ........ههههههههه _ اول ما بتوصل 14 ...15 ...16 العرسان بقا بيبقوا زى المطر ....قال ايه البنات بتكبر بسرعة ... المهم البنت يبقى ربنا كرمها أوى لو خدت دبلون بالنون مش بالميم هههههههه وبعد كده لازم تروح بيت العدل دى الاغلبية عندنا امال ؟؟؟؟؟ والقانون ده جه مصيبة ....بس الناس عمرها ما هتحترم القانون ده وبتحصل مخالفات ليه كتيييير أوى وعرفت من واحد صاحبى عايش فى الشرقية علطول عن بنات ...ما خلاص بقا .... اتجوزا وخلفوا وهم لسه موصلوش 18 سنة وطبعا لسه ما اتجوزش شرعى وبالتالى مفيش شهادات ميلاد للاطفال دى وهيروح من عمرهم كتير ومفيش تطعيمات ولا نيلة ..... وفيه واحدة اتجوزت وجوزها مات فى حادثة والمصيبة انهم خلفوا .......طب وايش العمل دلوقتى الواد ده ابن مين ؟؟؟؟؟؟؟؟ والست دى هتتجوز تانى ازاى هتقول فى عقد الجواز ايه البكر برده ولا ست الهانم وفيه ناس اتطلقوا وبرده مفيش زواج رسمى يعنى الدنيا خربت مالطة ......والريف كلها كام سنة وماحدش يعرف ده مين ولا ده ابن مين أنا معاكم ان البنات اللى تتجوز قبل 20 دى مصيبة بس برده الشرع ممنعش ده ودى تقاليد وعادات الناس هنا جواز البنت سترة ومش عارف ايه كده هى الحكومة ما اخدتش بالها من الحاجات دى ولا ايه .... الموضوع كبير كبير هههههههه كبير كبير يعنى بس عارفين أنا زعلت أكتر لما عرفت انى محتاج أصبر كمان سنتين هههههههه متعرفوش اى حد كده فى شغال فى مكتب الصحة يسننى من الاول ؟ هههههه يا لهوى هم شر البلية ما يضحك |
أيه ده هو لسا فى كده !!!
فى بنات بتتجوز عندها 16 سنه طب كويس انا كنت بفكر من كام يوم كده أعزل واروح الشرقيه هههههه أصل الجو حر هنا اوى لا بجد انا اعرف أن بلدكم ما شاء الله عليها دلوقتى بقى فيها بنات كتييييييييييييير بتيجى كليات هنا ومخلصين تعليم وأعرفهم كويس وبعدين أيه طب الحل من وجهة نظرك فى الموضوع وأنتو ناوين تعملوا أيه؟!!!!!! |
موضوع جميل اوى بس انت بتكلم فى مين واظاهر ان مش الشرقيه بس اللى فيها ايمان وصلاح احنا كمان عندنا النظام الجميل ده يعنى فى واحده صحبت ماما بنتها اتجوزت وهيه عندها 17سنه ولا ماما سألتها ازاى اتجوزت معنى كده ان الجواز عرفى قالتلها لأ طبعا هتقول ان بنتها اتجوزت عرفى بس قعدت تقول لماما انا فى ورق مع المأذون قديم قبل ما القانون الجديد ده يطلع وبصراحه انا مش مصدقه الكلام ده وبردوا تصدق فى واحده جلارتنا اسمها ايمان بردوا 14 سنه ما شاء الله مخطوبه باين اللى اسمهم ايما عادى مش بيمشى عليهم القانون ده |
اقتباس:
أه فيه كده لسه وفيه اكتر من كده كمان ههههههههههه تنورى والله انتى تقصدى جامعة الزقازيق أها طبعا هههههههههه ا أنا عن نفسى مش ناوى اعمل حاجة ههههههههههههه منورة يا اية |
اقتباس:
طب الحمد لله اننا مش وحدنا ههههههههههههه ا14 سنة ومخطوبة حصر عليا ههههههههههه منورة يا ميراج |
ههههههه على اد ما الموضوع بجد صعب وكبير على اد ماهو يضحك فعلا
انا مش فاهمة يعني لو استنوا بعد ال18 سنه هيحصل ايه العريس هيطير ولا ايه؟؟؟؟ ايه لازمة بقى العريس يمضي ويستنى مستعجلين اوي يعني والله حاجة فعلا غريبة.......... وعلى فكرة احنا كشعب معظمه كده مهما الحكومة طلعت قوانين مبيعجبناش العجب يعني لو قالوا السن القانوني16 سنة هتلاقي اللي بيتجوزوا اقل من 16 سنة مفيش فايدة ..... ميرسي ليك ع موضوعك وابقى طمنا ع ايمان وصلاح ههههههههه |
موضوعك زى العسل
وهو دا فعلا الحاصل الوقت مخالفة القانون دا آفة عند كتير من الشعب المصرى بس مش يمكن القانون دا اصلا ميكنش صح خصوصا ان مفيش تعرض فى الدين ان البنت تتجوز قبل 16 مثلا ليه لا يعنى( الا اذا كان فيه حاجة فى الدين معرفهاش بتقول ان الجواز مش قبل 16) صحيح ان القانون له سبب وهى الحفاظ على صحة البنت فى حالة حملها والولادة والحاجات دى- بس يعنى ما فى بنات بسم الله ما شاء الله عليها صحتها كويسة العملية دى نسبية ما فى بنات فوق 18 وصحتها زى الزفت ولا انا غلطان برايى مش مقياس العمر ولكن المقياس ثقافة الاشخاص يعنى لو ناس عندها وعى هتجوز بناتها لما تكبر حتى عقليا وتقدر تقود اسرة مش تتجوز وتجيب طفل وهيا اصلا لسه طفله!!!! انما لو كانت عاقلة ومخها كبير بق وصحتها حلوه ايه المانع الا اذا كان هناك اى تعارض حتى لو كان هذا التعارض قانون وباى حال يحترم القانون بس المفروض القوانين تدرس كويس لان لكل قاعدة شواذ عشان محدش يبص للطرف الخلفية بجد مش عارف سبب مقنع للقانون دا وبناءا عليه تلاقى التجاوزات زى اللى حضرتك ذكرتها شكرا لحضرتك وتحياتى لك وللجميع |
منورين يا جماعة
هروح أصلى بس وأرجع أشوف الردود كويس ان شاء الله |
اقتباس:
مش هيحصل حاجة بس بقولك جواز البنت سترة والكلام ده اه مستعجلين يا ستى ههههههههههههه الفرص ما بتتكررش كتير ههههههههههه بحسبك هتقولى ابقى طمنى عليك ههههههههههه مش إيمان وصلاح شكرا للمرور |
اقتباس:
ربنا يخليك يا مستر فعلا كل كلمة حضرتك قلتها صح شكرا للاضافة وشكرا للمرور |
اقتباس:
|
اقتباس:
ههههههههههه إيمان وصلاح اتنيلوا خلاص واتخطبو والفرح قريب والدور والباقى عليا انا بلا نيلة هههههههههههههه |
اقتباس:
تقولى 141 لأ دى تلاقيها فى حته تانيه ههههههه |
اقتباس:
دى غلطة مطبعية يا ميراج ههههههههههههه وبعدين 141 برده لسه صغيرة مش كبيرة أوى يعنى ههههههههه |
هههههههههههههههههه زعلتني ع نفسي أنا شكلي كدا عنست واللي كان كان:p:p هههههههههههههههههههه مش في الشرقية بس في المنوفية كمان(شكلنا جيران:d:d) أنا لما كنت في 3 اعدادي كان معانا في الفصل 3 بحالهم مخطوبين لو روحت البيت بيقول لمامتي بقا قالت لي : أكيد مش نافعين في التعليم فالجواز في الحالة دي أحسن لهم والسنة اللي فاتت لما كنت في 2ث عرفت انهم عندهم اطفال:( مهزلة بجد وبالرغم ان اللي انا اعرفه فعلا االلي هم بيدخلوا تجارة بيتجوزوا ع طول ومع ذلك معايا في المدرسة 3 مخطبين هي اه نسبه قليلة جدا بس بدل فيه تبقي بجد مهزلة (1) البنت او الولد بتبقي ميولهم مش ثابته وبيبقوا طايشين هيتحملوا مسئولية ازاي دول؟؟ (2)انها فعلا ممكن تحب خاطبها بس في الحالة دي هيبقي حب واحدة مراهقة لسه وهتغير مع مرور الزمان (3) مش اكتسبت البنت اللي هي هتبقي" ام "خبرة حرموها من حضن مامتها بدري اووووي ما انها محتاجة الحنان عشان تقدر تعطيه لاولادها (4)وفي نهاية المطاف المأساة الكبري" ام" مش عارفة تربي اولاد محرمين من حاجات كثيرة لان فاقد الشيء لا يعطيه اب مشغول حاجات كثيرة بالنسبة للجواز العرفي كان جدو برده بيقوا ان زمان اللي كان بيحصل نفس اللي انت بتقول بس دلوقتي احنا في عصر النت وفي جواز بالشكل دا مفيش حاجة تجبر البنت انها ترتبط في السنة دا بس صدقني هي مش بتعرف الحقيقة الا لما تكبر ساعتها بتقول يارتني بس بعد ايه لما تكون حابت 5 عيال ع العموم عقبالي :p:pقصدي عقبالك اوعي تفهمني صح:d:d:d شكرا ع الموضوع |
| جميع الأوقات بتوقيت GMT +2. الساعة الآن 09:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.