هدية محافظ دمياط ووكيل الوزارة للمدارس بعد الكادر؟
 

بعدما صرفت جميع إدارات محافظة دمياط المرحلة الثانية من الكادر فوجيء الجميع بقرار غريب وعجيب لمحافظ دمياط وبتزكية من السيد وكيل الوزارة القرار الغريب والعجيب بيقول أيه.
( يتم إزالة جميع الجمل المكتوبة علي جداران المدرسة من الداخل ومن سور المدرسة من الخارج والداخل وطلائها بالبلاستيك الابيض) بس كده ........ لا ( يتم نزع أي ملصق داخل المدرسة - كما يتم ازالة اللوحات الخشبية والوةرقية من داخل الفصول وكذلك الطرقات)
بكده مثلا لو فيه آيه مكتوبة أوحديث أو حكمة أو تحذير أو ترحيب هيتم ازالتهم .......................... بجد صعبان عليا أوي الشجرة الموجودة في المكتبة ومكتوب عليها تصنيف ديوي العشري.
السيد المحافظ مشكور خلص كل مشاكل المحافظة والدنيا بنبي عندنا وقري الريف ايلي أنا انتمي لها بجد يعني
مش عارفه تصرف الفلوس علي ايه من كترها .
السيد المحافظ ........... لا أعلم ما وراء هذا القرار.
السيد وكيل الوزارة ............... لا أعلم اين دورك.
السيد الوزير ما رائيك.
أعضاء المنتدي الكرام ما ردودكم.

الاخالاستاذ/توفيق رفعت
انت من دمياط
انا كنت باراقب السنة اللى فاتت فى المدرسة الفنية بنات و كنت نازل فى الاستراحة فى المدرسة الابتدائية بجوار مسجد المظلوم

و انت اللون مش عجباك...صح؟
يا عم...بكره اللون هيكون اسود...سلط العيال يعملوا طينه و يرسموا علي الاسوار...و اهو ناشط

كليب رائع...ذوقك عالي

أهلا بك أخا كريم في دمياط في أي وقت

ي أخي الكريم نحن لسنا دعاه تخريب
بل يجب علينا تعليم الطلاب وليس (العيال ) كيفية المحافظة علي المال العام وأن يتعود علي أن المدرسة مثل بيته ولا يخرب فيها

عادى جدا هتيجى على دى اصلا وكيل الوزارة حالف يبقى مبتكر ومخترع كفاية انه بيجيب المدرسين ايام الاجازات السبت اللى فات جاب المدرسين عشان ايه منعرفش وخد بقى بيمشى يوزع خصومات وجزاءات وغيره على المدرسين بجد عمااار يا دمياط
ومش عارف كان فين وكيل الوزارة لما الكتب توصل متأخر وفى نقص للمدرسين والكوسة فى نقل المدرسين بعنى مدرس قاعد فى مدرسة بحصتين مكتبة وزميله فى مدرسة تانية ب22 حصة وتخيلوا مين اللى يتنقل ؟
اللى معاه 22 حصه وزميله معزز مكرم عشان ايه مسنود

عموما تصديق لكلامك السيد وكيل الوزارة بدمياط الحالي طبعا اتخذ قرار بمنع وجود ازواج بالمدارس وقال البداية سوف تكون بمدارس إدارة الزرقا ...................... بس حد يزور مدارس الزرقا ويشوف حصل ايه؟

العجيب أيضا أنه قال يستثنى من ذلك الوسائل التعليمية بشرط أن تكون اليكترونية أي مكتوبة على الكمبيوتر حاجة زي كده
ربنا .......................
ويتولانا برحمته

قال رسول الله صلي الله عليه وسلم :- إذا ضاعت الأمانة بين الناس فانتظر الساعة ؛ قيل وما إضاعتها يارسول الله
قال:- إذا وُسّد الأمرُ لغير أهله فانتظر الساعة .

بارك الله فيك هذه هي ثمه التربية والتعليم يحكمها من لايعلم عنها شيء

بالهنا والشفا