قصدك ايه بالدبلومة الامريكية ممكن توضيح شوية للتايهين زى حالاتى



....؟؟؟
لكنك لو عاوزة تسألى عن كورسات الجامعة الامريكية فى الانجلش او كدة انا ممكن افيدك ان شاء الله



و بالتوفيق يارب

لا الدبلومة الامريكية بتعادل الثانوية العامة

يعنى الى بياخدها يقدر يدخل بعديها الكلية

بس ليها تنسيق خاص بيها

انا كنت عايزة اعرف نظامها

الى يعرفه ياريت يساعدنى

و شكرا لاهتمامك

العفو يا اختى


انا اذا عرفت حاجة بجد هبلغك لانى برده من محبى دراسة اى حاجة غير البتاعة اللى اسمها مدرسة دى

الدبلومة الامريكية واحدة من الشهادات المعادلة للثانوية العامة و لها نظام خاص جدا و مختلف فى التعليم عن الثانوية و تنقسم الى 3 اجزاء الGPA و الSAT REASONING TEST و ال SAT SUBJECT TESTS

و بصراحة طريقة تعليمها فى مصر ليست بالكفتءة المطلوبة و لكن هذا لا ينطبق على جميع المدارس

و بالتفصيل حاقول
اولا GRADE 10 او اولى ثانوى دى اول سنة و بتبدأ تتعلم فيها النظام و خاصة اللغة الانجليزية و بعض العلوم التى تعتبر اساسا لك بعد ذلك

ثانيا GRADE 11 و دى من اهم امراحل و فيها حتبدأ تدرس العلوم و الرياضة و الكيمياء او الفيزياء او الاحياء بجانب اللغة النجليزية و لغة ثانية و دول كلهم بتدرسهم فى المدرسة بمستوى منخفض (يعنى بجد مش محتاجين غير انك تسمع شرح المدرس و تذاكلر قبل الامتحان بيومين) اما الصعب فهو امتحان SAT REASONING TEST و ده العقدة فى الاميريكان و ده ممكن تدخلة من مره الى ستة فى الGRADE 11 و الامتحان دة بينقسم ل3 اجزاء جزء رياضة على مستوى الصف الثاث الاعدادى و لكن طرق الاسئلة تختلف و كذلك التوقيت فى الامتحان فالاسئلة كلها MULTIPLE CHOICE و الوقت 25 دقيقة لكل 20 سؤال اما عن الجزء الثانى فهو امتحان انجليزى كتابى و دة من الخر ARGUMANTATIVE ESSAY و اسئلة GRAMMAR اما عن الجزء الثاث فدة يقى ارخم جزء و هو COMPREHENSION او CRITICAL READING و دة بجد عايز واحد مولود فى حوارى انجلترا عشان يحلو صح و الامتحان دة من 2400 ...800 لكل جزء و الدرجة المعقولة فية هيا 600 فى الرياضة و 500 فى ال WRITING و 400 فى CRITICAL
اما عن الGPA فهى اعمال السنة و درجات المدرسة منها و بتحتسب على 8 مواد انت الى بتختارهم او بمعنى اصح اعلى 8 فى شهادتك و لازم تختار 3 منهم فى GRADE 11 و 5 فى GRADE 12

ثالثاGRADE 12 و دى اخر سنى و بردة بتتدرس فيهاالعلوم و الرياضة و الكيمياء او الفيزياء او الاحياء بجانب اللغة النجليزية و لغة ثانية و لكن بمستوى متقدم شوية لكن بردة نتقلش هو بردة فبل المتحان حتتظبط و يأتى الكابوس الثانى و هو SAT SUBJECT TESTS و دة انت بتختار 2 من المواد دى على حسب الجامعة الى انت عايز تدخلها (BIOLOGY-CHEMISTRY-PHYSICS-MATH 1 - MATH 2) و هناك مواد اخرى عديدة بس دول الى يستاهلوا انك تضيع جهدك فى مذاكرتهم لانك مش حتخلى امتحان لغة عبرية مثلا و المتحانات دى مستواها يمكن يكون اعلى شوية من الثانوية
اما عن طريقة الدرجات ف 60% على اSAT REASONING و 40% على الGPA و 15% اضافية على SAT SUBJECT TESTS

و لو عايز تعرف تفاصيل ممكن تزور الموقع دة و تعرف كتير عن ال SAT تشوف امتحاناتة و طريقة حساب الدرجات و درجات النجاح و السقوط WWW.DREAMSTUDENTS.CO.NR
و هناك الكثير يمكن تحب تعرفة اكتلا عن الدبلوكة و طلابها اى سؤال انا مستعد على KILLZIOR@HOTMAIL.COM

what killzior wrote is all correct except that 10th grade is not 1 thanwy it's
actually 2 thanwy... if u need any further assistance, please feel free 2 email me... u can look up my email address in my profile.. i can't put it here because we're not allowed 2 do so.