كنت ماشية انا وصديقتى سارة
و فجأة وقفت متنحة

سلوى:: سارة شايفة اللى انا شيفاه
سارة:: بقها مفتوح .....اة

( شافوا واحد شعرة واقف و متفرق عن بعضة)

سلوى:: يا حرام اتكهرب من سلك و لا اية
سارة:: لا يا بنتى مش معقولة ممكن يكون مرض و لا حاجة
سلوى:: ربنا يشفى

(شوية و يسمعوا صوت واحدة بتنادى على واحد اسمة طارق
بيبصوا
و يقفوا متنحين تانى)

سلوى:: شايفة اللى انا شايفاة يا سارة
سارة:: برضو متنحة و بقها مفتوح0.......اة

( يلاقوا واحد لابس تيشرت بمبى و بنطلون تقريبا مولود بيه و بياكل لبانة و بينادى على صاحبه)

سلوى:: سارة هو احنا بنات؟
سارة:: مش عارفة بصراحة يا سلوى بس اللى متاكدة منة اننا شكلنا ارجل منه
سلوى:: استغفر الله العظيم يا رب
ما علينا.......يلا نكمل مشى

( شوية و سمعوا ضحكة بنت جامدة اوىىىىىىى)

سلوى:: سارة شايفة اللى انا شيفاه.......دة مش ولد برضو ولا النظارة قلبتها كدة
سارة:: لا يا ستى دة راجل بس بيضحك من قلبة ههههههههه
سلوى:: مش ملاحظة اننا بتضحك ضحكة ارجل منة
سارة:: للاسف يا بنتى ايوة
سلوى::عمار يا مصر على رجالتك

( شوية و يسمعوا ضحك و هزار جامد اوى........شوية بنات و صبيان واقفين مع بعضو
بيهزروا جامد و بيمدوا ايدهم على بعص )

سلوى :: سارة
سارة :: متكمليش ايوة شايفة
سلوى::انا حاسة انهم شوية رجالة مع بعض مش بنات و صبيان
سارة:: يا حبيبتى مفيش فرق دلوقتى........دة انتى غريبة صحيح ههههههه
سلوى:: عندك حق .......كلنا اخوة ههههههههههههه
سارة:: طبعا طبعا .......لازم يكون فية حرية فى التعامل........بلاش عقد بقى ههههههه........دة احنا ناس متخلفة صحيح

(يكملوا طريق و يلاقوا بنت وولد قاعدين مع بعض بمعنى اوضح لازقين لبعض)

سارة:: متقوليش حاجة عادى يا سلوى
بيحبوا بعض
سلوى:: طب كويس لحقتينى كنت هظلمهم .......ما شاء الله و نعم الاخلاق .......هو دة الحب؟
سارة:: تقربيا ههههههههههههههه

سلوى:: سارة
سارة:: نعم يا حبيبتى
سلوى:: هو جرى اية للشباب
اتهبلوا و لا اتتجننوا
و لا احنا صحيح اللى متخلفين و معقدين
و دة الشباب اللى هيتحمل مسؤلية بلدة و هيكونوا اولياء امور
سارة:: للاسف يا سلوى ايوة
سلوى:: طب يلا نركب التاكسى و نروح بيوتنا احسن نتجنن بجد
و هحاول المرة الجاية اجى و انا من غير نظارة و اسد ودانى
يمكن اشوف الدنيا صح

thank you sad tear for ur subject
it's so so so so so so so so funny :D

اسمك الحقيقي سلوى ولا اييييييييييييييه
:D :D :D :D :D :D :D :D :D :D :D :D

للأسف هى دى الحقيقه
وشكرررررررررررررررررررررررررا لأن الموضوع ده مهم جداااااااا للشباب

الي بيحصل ده قدام الناس
وعلى رأي المثل من بره هالله هالله ومن جوه يعلم الله
والشباب بتوع الجامعة الأمريكية ميه من تحت تبن

اه طيب ما بدل مكان يكهرب نفسه كان يجى وانا اجعزة

شكرا على التعليق

الأمركيية او المصرية مش فارقة كله شباب

على رايك شكرا جامبو على مرورك

فعلا هو ده الى بيحصل جزاكى الله كل خير

لا حول ولا قوة إلا بالله
اللهم اهد الشباب يا رب
أو هدهم

حرام عليك احنا الشباب يهدينا بس ميهدناش

ههههههههههه
شكرا على التعليق

يا رب اهدينا بس متهدناش على رأيك يا سلوى

للاسف هو ده الشباب الى مفروض انه راح يحرر القدس والعراق ولبنان

بعد تحرير نفسة

اطمنى ياسارة انتى وسلوة

انتم طبيعين مش مجانين

بس تواجدتوا فى مكان غلط

وربما فى زمان غلط

يالله على اسلوبك يا غاليتى الدمعة الحزينة

بجد تحفة

سبحان الله عرضت القضية فى صورة سخرية جميله

بس يا ترى ليه شباب امتنا بقى بالشكل ده

اين محمد الفاتح

اين صلاح الدين

اين قظر

اين واين

اللهم انصر امة حبيبك محمد صلى الله عليه وسلم

ااااامين



...
بس ليه اخترت الدمعة الحزينة

انا هنااديكى دمعة فرحة

هههههههه

ايوة

مين بينادي على محمد الفالح


أه .. الفاتح .. سوري .. سمعتها غلط

ههههههههههه


ما قلتوليش يا سارة وسلوى .. انتو في كلية ايه ؟