بوابة الثانوية العامة المصرية

أبي الحبيب حسني مبارك

مقدمــه لسيادتكــم برعــم نشــأ فى عهدكــم وتربّــى فى كنفكــم وشرب من بحــر علمكــم وحكمتكــم التى أذهلــت العــدو قبل الصديــق

تسمـحلي أقــولّك يابابا ؟
بابا أنا تعبــان أوي ....لأ مــش سنانــي دي ودانــي !!!...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي

(1)
بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى بقينا
صفر صفر

(2)
الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان....إنت نمــت يابابا؟ .....لسه صاحي... طيب أكمــل
وكمان انجولا شفت اللعيب اللى اسمه فلافيو يا بابا

(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...
حتى قناة النيل للاخبار طلعت ولا نيل ولا اخبار.......... تفتكــر ده من إيــه؟
(4)
المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة أخر جليطــة وقلّة حيا بصــراحة

(5)
إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب علشــان طعمــه أحلــى ....مش مهــم انا
عندى امل فى فوشكى وترعة كوتشيكا اللى لسه ما اتعملوش

(6)
بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور مضى عليها دي.....مينفعــش تلغيــها يابابا وندخّل جيــش مصــري في سينا ونرتاح بقى من القرف ده

(7)
هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....ليه كل البــرامج بتطلــع فيها روبــي ونانســي ودينا؟؟؟....طــب عمو طنطــاوي مابيزعلــش لما بيشــوف الحاجــات دي ؟
بلاش دول حتى نصر فريد واصل مش بنشوفه ليه دلوقتى صحيح؟

(8)
فيه إشاعــة بتقول إن عدد الجــراد اللى هاجم مصــر 70 مليون جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟

(9)
بابا ..... وزير الزراعة الجديد ده باين عليــه فقــر وقدمــه نحــس ....
اوعى تفرط فيــه يابابا لأنــه بقى أملنــا الوحيد

(10)تفتكر يا بابا ممكن يعملوا حكاية التنسيق يبقى من 99 للفقرا بس
عشان ظروفهم يعنى وبعد كده ياخدوا الاغنيا اللى جايبين 98.5 ويدخلوهم بفلوس
لغاية ما الفقرا يموتوا بقهرتهم ويبقى مفيش غير الاغنيا

(11) ليه لغاية دلوقتى سايب احمد نظيف رئيس للحومة
انت مش عارف انو ملوش فيها وبيبلبط دلوقتى فى البيسين وسايب شغله؟

(12) بابا...إنــت صحيح ناوي تجــدد تاني في 2011 ؟؟؟

باباااااااا......سيب شعرررررري ياباباااا.......مين الناس دول يابابااااااااا

همّا واخدني ورايحين على فين يابابااااااااا
بااااااااباااااااااااااا
استودعكم الله
منقوش