يا جماعة ممكن تختاروا مين فيهم الافضل مع طبعا الاسباب المقنعة

و بكدة نقدر نساعد اللي داخلين ثانوية عامة و يقدروا يقرروا مصيرهم :)

والله انا بقول ان علم رياضة احلى
لان الرياضة جميلة ومجالاتها كتير
يعنى ممكن ندخل هندسة او فنون تطبيقية او فنون جميلة او غيرها بس كليا مضمونة ومستقبلها كويس

الموضوع حلو
وانا بشوف انها على حسب الامكانيات والقدره على الحفظ او الفهم وحب المواد

الأدبى طبعا أفضل لإن فى العلمى أقل من 95% يروح يلعب بيل.

شوف انا بحب الادبى اه و بحب مجالاته اوى برده

بس كمان بعشق العلمى رياضة و بحب الاحياء اوى اوى كمان بس علمى علوم مجاله ضيق و مستقبله مش حلو


الافضل علمى رياضة مجال اوسع كتير هو والادبى على فكرة

بس انا مشكلتى فى الادبى انا اه بحب التاريخ بس مش بعرف اجيب فيه درجات بس هو اجبارى بس بحبح علم النفس و الفلسفة اوى جدا برده


بس انا علمى رياضة
كفاية انه بيؤدى لفنون تطبيقية و فنون جميلة


وشكرا ع الموضوع

شكرا على ردودكم الجميلة


و انتظروا الحرب قريبا هاهاها هابي

:) لا الحرب هتتأخر شوية لان عندى شوية مشغوليات الفترة دى :)

رايي هو الادبي طبعا لان فعلا لوقليت عن 95% في علمي او 93%رياضة يبقي خلاص مستققبلك ضاع

وعمر ماكان المجموع خيابة او شطارة ده بيتوقف علي الحاله النفسية والقلق اللي بيكونوا موجودين قبل الامتحان

يعني لو واحده متفوقة جدا ودخلت امتحان قلقانة جدا وخايفة ده هيخليها تنسي معظم اللي ذاكرته يعني بتفقد 50%

ده انا لو كنت جبت مجموعي المنيل ده 85% في علمي كان زماني انتحرت من زمان او بمعني تاني كان زماني دخلت كليه خاصة

شكرا علي الموضوع


انا اسفة علشان طولت عليكوا

سلام

انا بعيد عن اختيارى هقول ان ده كله بيرجع للميول والامكانيات
شخص بيخب الحفظ يبقى ادبى
شخص بيحب الفهم مع ذاكره قويه شويتين احياء
شخص مخه شغال وبيحب الحل الكتير رياضه

انا كنت علمى بس انا كنت داخلة ادبى وبعدين حولت علمى علشان لما اروح تالتة مش اخد جيولوجيا لإنى مش بحبها وجبت 86 بس مكنش ده الى انا عايزاه بس انا من راى ان الدبى احلى لأن كلياته كتير ومستقبلها حلو رغم انى بموت فى الرياضة ودماغى شغالة قوى فيها وبحبها بس قدر الله وما شاء فعل