|
اسامينا
طبعا دي مش اغنية فيروز ... ولكنها اسامينا في هذا المنتدى الرائع انا طبعا اقصد اسامينا اللي احنا اخترناها في بعضنا كتب اسم كان نفسه الناس يندهولوا بيه وبعضنا كتب اسم لمجرد لفت النظر وبعضنا يمكن يكتب اسم واحد مشهور وبعضنا اضطر يكتب اي حاجه عشان يدخل يشوف الناس دى بتعمل ايه جوه هههههههههههههههههههههههه المهم مطولش عليكوا لان انا اساسا مش بحب الكلام الكتير هو سؤال ورد غطاه السر فى اسمك ايه ؟ مش سؤال تافه ولا حاجه لانك مش هتجاوب اي اجابه لا انا عايزك تبص جوا نفسك اشمعنى الاسم دا بالذات اكيد في سر ويمكن نطلع منك بمعلومة او حتى قصة طريفه ها مين يبدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا اللي هبدأ انا مثلا اخترت اسمي الحقيقي بصراحة مش عارف ليه يمكن عشان انا بحب اسمي قوي او يمكن عشان مكنش فيه وقت افكر في اسم تاني بس اكيد انا اسمي احلي من اي اسم في الدنيا كلها ده اسم ديني و الدين الصح |
علشان بحب كارتون تيمون وبمبة
ههههههههههههههههههههههههههههههههههههههههه :lol: :lol: :lol: |
اوك
شكرا علي ردك |
حلو الموضوع اسلام لكن الفكره مكرره
انا اخترت اسمى ده لانى بحب صوت العصافير جدا والكنارى بالتحديد وطبعا عارفين تويتى وسلفستر فى سبيس تون فركبتها على جيرل والرقم ده مكتوب على الشاشه بتاعتى:) |
شكرا تويتي
انا معرفش ان الفكرة مكررة لاني مشفتهاش قبل كدا |
طيب
ع العموم المهم انا hkk هى اختصار اسمى و اسم الاب و الجد كمان اما happy فهى بتساوى حابى اللى هو اسم الشهرة و الحركى و كل حاجة ليا و مقتبس من اسم حبيبة :) |
شكرا حابي
بس انا رايي من غير زعل اسم حبيبة احسن من اي اسم تاني و انا بحب ينادوني باسمي الحقيقي حتي لو كان تقيل |
و انا مش بكره الاسم
بس حابى رمز للنيل هو الشهرة و الحركى يعنى و مش فيها حاجة خالص او دلع يعنى a kind of that و طبعا انا احترم اسمى اللى فى شهادة الميلاد بس اكتر و بحبه اوى لان ليه مناسبة ع الاقل بس برده |
اوك حبيبة
|
موضوع لذيذ اما انا لم افكر فى اختيار الاسم لما سجلت فى المنتدى خطر هذا الاسم على بالى لحظة تسجيلى وانا حباه فكتبته ... بس كده شكرا اسلام رشوان موضوع فكرته حلوة |
انا عن نفسى
اسم بقلوظة دة اسم القطة بتاعتى قطة حقيقية طبعا متفهمونيش غلط هههههههههه وانا بحب قطتى خالص فقلت اكتبة شكرا جدا على الموضوع |
شكرا مهرة
شكرا بقلوظة جزاكما الله خيرا |
في البداية أشكرك على الموضوع يا إسلام
على فكرة الإسلام دين جميل جداً لكن مش معنى كده إن اسمك أحسن اسم في العالم معناه إنك بتحب اسمك أويييييييييي ههههههههههههههههههههههههههههه بهذر بس بكلم بجد يلله مش مهم أنا بقى يا سيدي اسمي أصلاً صلاح الدين اتعقدت عشان ناس كتير بتقوللي صلاح بس قمت كاتب اسم طويل عريض وعلى فكرة صلاح الدين الأيوبي أحد المثل العليا ليا المهم كتبت الاسم ده بحيث يكون اختصاره صلاح الدين ههههههههه لكن برضه ما فيش فايدة ناس كتير بتكتب صلاح بس يلله مش مهم و إنت عامل إيد دلوقتي؟ بالنسبة لفارس حطين هيه صفة للاسم وطبعاً عشان أخليه طويييييييييييييييييييييييييييييييييييييييييل وعشان من ضمن أحلامي و أمانيي بإذن الله إني أكون الفارس أو المقاتل إللي هيحرر حطين بإذن الله شكراً على الموضوع وشكراً على السؤال وطبعاً اسم إسلام أحلى اسم في الكون كفاية إنه اسمك حد يقدر يتكلم؟ |
بسمة دة اسمى على النت انا بحب اسمى اوى اوى بس لما اخترت ليا اسم اخترتة بسمة عارفين لية اسألوا نفسكم اية الحاجة اللى مبقتش موجودة دلوقتى اية الحاجة اللى بنفتقدها صدقونى البسمة احنا بنضحك اه ومحدش قدنا فى الهزار بس بنضحك واحزانا مليانا
والبسمة دى ضحكة القلب لما يكون مبسوط ومستريح مفيش فية هموم ولا حقد انة يحس بالرضا نفسى اكون بسمة و كلنا نبقى بسمة لانى مش بلاقيها غير فى الاطفال شكرا اسلام على الموضوع |
شكرا قوي يا بسمة
بس فعلا هي دي الحاجة اللي احنا محتاجينها علي الاقل مش حتغلي |
| جميع الأوقات بتوقيت GMT +2. الساعة الآن 11:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.