الأستاذ أصبح «تلميذ»
 

الأستاذ أصبح «تلميذ» http://www9.0zz0.com/2009/04/28/17/872329790.gifاللى يعيش ياما بيشوف........... واللى فى مصر يشوف أكتر
تعالى اتفرج ع المكشوف........... تلقى حاجات والله تعكرhttp://www9.0zz0.com/2009/04/28/17/872329790.gifالأستاذ بقى هنا تلميذ ............ بالذمة دى مش حاجة تغيظ
قاعد على درج التلاميذ ............ يمتحنوه..... وهيتكدر
اللى طلّع ياما أجيال ............ يمتحنوه؟ شىء والله محال
هيشوفوا مخه عال العال............. ولا عاوز يتصنفر
بدال ما نقف له بالتبجيل ...........ونعترف له بأغلى جميل
نبهدله قدام الجيل.................. ده أنا قلبى والله بيتحسرhttp://www9.0zz0.com/2009/04/28/17/872329790.gifوعشان تتم المهزلة ....................... هيلبسوه المريلة
ويحطوا على ظهره الشنطة................ فيها القلم والمنقلة
وماما تاخده فى إيدها كمان............. وهو رايح الامتحان
وتبخره قبل ما ينزل................... وتوصى كل اللى فى اللجانhttp://www9.0zz0.com/2009/04/28/17/872329790.gifنصيحة منى كده يا شاطر............... علشان بقى تنول الكادر
لابد تبقى لك كوسة ....................... ومش مهم بقى تذاكر
هات لى ودانك بقى قرب................... امتحاناتنا بتتسرب
دعبس كده قبل اللجنة .................. حاول تشترى وتجرب
حاول كده قوم من بدرى............... ورن ع النمرة دى دوغرى
تلقى قصادك الامتحانات................ والإجابات جاية (دليفرى)
والخوف ما فيش منه داعى............ صدقنى هقطع أنا دراعى
لو ما اللجان صبحت بوظة............ والغش فيها يبقى جماعىhttp://www9.0zz0.com/2009/04/28/17/872329790.gifده الغش بقى عندنا عادى ............. ملا كل حتة فى بلادى
وكأنه يا صاحبى موضة .................واتعلموه حتى ولادى
من دم فاسد فى وزارة................ ومن ضحايا فى عبارة
فاكرين ده كله بقى شطارة........... مين السبب قوللى يا قاضى؟مين السبب قوللى يا قاضىhttp://www9.0zz0.com/2009/04/28/17/872329790.gif
محمد رفعت أبوخوخ

بجد جامدة جدااااااااااااا
ربنا يكون فى عون المدرسين

كوكى

حلو التوبيك ده مشكوورة جدا

عندك حق والله دى كانت مهزله
بس طول ما احنا عايشين فى البلد العجيبه دى هنشوف كتير
بس مش عارفه ايه اللى ممكن يحصل اكتر من كده
ميرسى على التوبيك