|
كلمات و جمل ماتزعلش حد ، إلا لو سمعتها من دكتور و انت فى أوضة العمليات
- يالهوى! - هيييييه النور جه! - طيب اذا كان ده البنكرياس ، أمال اللى طلعناه ده يبقى ايه؟ - حد شاف الدبله بتاعتى؟ - طب أقوله ايه لما يفوق؟ و زعلان انى سقطتك 3 مرات فى الماجستير! - إلحق يابنى القطه اللى جريت بالعضمه دى ، خلينا نرجعها للراجل من سكات! - ياما ربنا بيخلق عجايب ، ماحدش معاه كاميرا يا اخوننا؟ - ولا حركه ماحدش يخيط ، أنا مش لاقى الكونتاكت لنسز بتاعتى! - ياجماعه تعرفوا إذا كان حد عاش بعد ما خد 500 مللى من الهباب ده؟ - شيل ايدك ، الحاله دى بتاعتى أنا ، ولا هى الكحكه فى إيد اليتيم عجبه؟ - آه ياعينى! والله مانا سايبك! - حد يسكت الزفت اللى بيدق ده ، مش مخلينى عارف أركز! - لأ هاشتغل ، أنا صحيح نسيتها ، بس يعنى باعرف اشوف طشاشا من غيرها ياأخى سيبك من دلع الخواجات ده، المشرط مش تلم ولا حاجه! - أنا مش عارف ده ايه بالضبط، بس حطه فى التلج و هات لنا واحد بتاع جراحه أوعيه بسرعه! - ياللآ يابنى خلص ، الماتش هايبتدى بعد ربع ساعه! - ياجدع انت شيل الملايه من على وشه ، ده لسه له نفس و بيتكرع! - إنت متأكد إن الحاله عارفه ان شكلها حيبقى كده بعد العمليه؟ - ريحة شياط؟ ...حريقه......حريقه....!! - سدوا مناخيركوا، خلاص حاتتفقع!! - طيب ده شريان ، وده وريد ، وده عصب ، أمال ده يطلع ايه؟ حبل غسيل؟ - مسمار بلاتين مين يابه، شوف له أى مسمار من الوكاله ، عياله أولى! - ياراجل توكل على الله ، ماهى الأرضيه برضه معقمه! - عقمى السباك و دخليه بسرعه ، النيله ده بيخر! - يابت مش وقته ، العيان قرب يفوق!! - الله يخرب بيتك ، ده عصب يابنى مش أستك بتاع نبله!! - يووووه ، روحى وانتى طالق!! - يامامى، دم؟ - اطلب البت بتاعة الحسابات خليها تدفع أهله قبل ما يعرفوا !! - هوه فيه عصفوره برتقانى واقفه على الروب ولا دى تهيؤات بسبب سهرة امبارح؟ - هو كل واحد يسافر له شهرين بره يرجع يقول لى طلع القطط من أوضة العمليات؟ - متخدر؟ خلينا نتفق على النسبه وما تحاولش تغير الموضوع ، يعنى هو هايهرب! - لأ ياست الحكيمات ، مش أول مره أعمل النوع ده من العمليات ، ليه بقى السؤال ده؟ |
انت ايه موضوعك مع القطط مره خدت العضمه و مره طلعوها بره
|
ههههههههههههه
حلو الموضوع |
طبعا أنا مش فاهم حاجة يا عمرو بس اللي باين أنك بتتكلم عن الأهمال بتاع الدكاترة في غرف العمليات
على العموم أنت معاك حق مع أني المفروض يعني أني هابقى دكتور بس طبعا لسة بدري دة أنا لسة داخل سنة تانيه طب شكرا ليك يا عمرو |
دي مش تزعل بس دي مصايب
ههههههههههههه شكرا |
<div class='quotetop'>إقتباس(القطة الروشة @ Aug 6 2006, 02:16 AM) [snapback]182147[/snapback]</div>
اقتباس:
<div class='quotetop'>إقتباس(msamido @ Aug 6 2006, 02:30 AM) [snapback]182174[/snapback]</div> اقتباس:
هو بنفسه شاف قطه في العمليات |
ههههههههههههههههههههههههههههه
شكرا علي الموضوع بس نسبة 90%من الكلام ده مش بيحصل |
ههههههههههههههههه ليه اخوك كان في مستشفى العباسية ولا ايه ههههههههههههههههههههههههه
:D :P :D :lol: ظريف يلا يا موري وربنا :wub: |
<div class='quotetop'>إقتباس(محمد البري @ Aug 6 2006, 03:11 AM) [snapback]182246[/snapback]</div>
اقتباس:
يا خفه يا ابله |
والله العظيم شفت بعينيا الاتنين قطة ف اوضة العمليات
والعملية كانت فى معهد ناصر |
هههههههههههه اهمال ما بعدة اهمال
بس الكلام دة بدا ينتشر بس فى الاماكن النظيفة زى الهوسبيتال الخاص مفيش الكلام دة لكن لو هوسبيتال حكومى يبقى علية العوض ومنة العوض فى هالمريض شكرا عمرو |
<div class='quotetop'>إقتباس(فتاة الاسلام @ Aug 6 2006, 12:11 PM) [snapback]182461[/snapback]</div>
اقتباس:
لازم يعني التناكه دي البنات دي عايزلها Hospital |
الظاهر ان اللى شغال ده مش دكتور
باين عليه كمساري و كمساري اتوبيسات بايظة كمان بس حلو الموضوع شكراااااااااااااااااااااااااااا |
فى اية عمرو
انا مغلتطش علشان تقول لى الكلمة دى وبعدين انا قولت اللى جة على بالى عموما :angry: :angry: :angry: :angry: :angry: :angry: |
<div class='quotetop'>إقتباس(فتاة الاسلام @ Aug 6 2006, 07:24 PM) [snapback]183053[/snapback]</div>
اقتباس:
انتي مالك خديها ليه وعلي العموم انا اسف |
| جميع الأوقات بتوقيت GMT +2. الساعة الآن 02:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.