قصة المقوله . . .
Lady's First



هذه المقوله لها قصه عجيبة حدثت في ايطاليا فى القرن الثامن عشر ميلادي

ومفادها انه كان هناك شاب من احدى الاسر الغنيه في احدى مقاطعات ايطاليا

وقع في حب فتاه من أسره أقل منه في المستوى المعيشي والطبقات التي

ينتمون إليها ... اتفق الاثنان على الزواج ولكن الشاب لقي معارضة من قبل

أسرته والتي أضطرت لتهديده بعدم مباركة هذا الزواج > >كبرت الضغوط على

الشاب وعلى الفتاة وقررا أن لا يفرقهما إلا الموت وبالفعل بعد أن كثرت الضغوط

خافا أن يفترقا وقررا الإنتحار وتوجها الى صخرة عالية جداً ومطلة على البحر

عندها قررت الفتاه القفز اولاً ... ولكن الشاب منعها من القفز بحجة أنه لا يستطيع أن

يراها تموت أمامه واتفقا على أن يقفز الشاب أولاً وبالفعل قفز الشاب ...

وسقط ومات ولكن عندما رأت الفتاه هذا المنظر .......




غيرت رأيها وغدرت بالشاب وعدلت عن مرافقته في الموت

ورجعت إلى البلدة وتزوجت شخصا آخر من طبقتها وخانت حبيبها

الذي ضحى بنفسه من أجلها..

وعندما علم أهل القريه بذلك قرروا أن تكون النساء اول من يقوم بالأعمال وطلعت مقولة >~~~ النساء اولا ~~~ > > >~~~ Ladies First ~~~ :angry: :angry: :angry: :angry: :angry: :angry:

صح كدا يا اينشتاين
عشان اي مصيبة تبقي طبعا لاديز فرست
اوكي

انت متاكد من صحه الكلام دا؟؟؟؟؟
انا بقي شاكه في الكلام دا
طيب الناس اللي في البلد عرفوا منين
هيا البنت هتروح تفضح نفسها وتقول للناس انا غدرت بيه
وخليته يرمي نفسه الاول؟؟؟؟؟؟؟
يعني حدوته مش مظبوطه علشان تقنعوا نفسكم انكم صح دايما

هو كده يا اسماء و بعدين لاديز فرست على سبيل الذوق

الله اعلم
انا بتهيقلى انها بتكون علشان الذوق ان النساء قبل الرجال
بس قصة حلوة مش اوى يعنى بس
هوا حد ضربه على ايده وقاله نط ربنا يجحمهم كلهم
شكرا للموضوع ب

انا متفقة مع اسماء فى الحكاية دى
بصراحة شكه فيها
وخلى قلبكم حنين شويا مش كده حرام

ايه النداله دي


بس عندها حق العمر مش بعزأه ههههههه

موضوعك جميل :D

بيتهيالى انى كتبت القصه دى امبارح وبعتها للمنتدى باسمى والنهارده اجى الاقى شخص تانى بيحكيها بلسانه هههههههه احنا هو احنا

لا حول ولا قوة الا بالله


بس انا مش مع حد الصراحة


لو القصة حقيقية


سواء من ولد او بنت

دى تبقى فعلا قلة اصل بجد


بس ليدز فيرست بتتقال من سبيل الذوق فعلا

و شكرا ليك ع الموضوع

على فكره انا سمعت القصه دة وكانت الفتاه تزوجت شخص اخر وأنجبت منهوشكرا على الموضوع

ههههههههههههههههههههه


فعلا لازم يبقي النساء اولا

يا جماعة انا مش كاتب القصة دى من دماغى
انا قريتها فى كتاب

وبعدين بالنسبة لاستفسار اسماء

بصى يا بنتى القرية كلها كانت عارفة حكايتهم واكيد لما لقوا البنت راجعة لوحدها ومش معاها الحمار الاهبل اللى رمى نفسه اكيد عرفوا من نفسهم الحكاية


وبعدين ايه الغريب فى القصة يعنى
دايما الراجل بيبقى شهم وجدع وبيحب بجد اما البنت بقى ليها اعتبارات تانية
مش كده ولا ايه

وشكرا على مروركم

هههههههه ونعم الوفاء والاخلاص
بصراحة هو يستاهل مات كافر وكمان تركتة الحبيبة
والنساء اولا تقال على سبيل الزوق فعلا يا جماعة
لكن فى حاجةاسمها اصول الامثال او اصوال العادات واللى هى اية مناسبة المثل او العادة دة واية الموقف وكدة
ودة اللى يقصدة ايتشاين لان القصة بقالها كذا قرن اكيد فابالتالى الناس مش هتقعد ترددها هتنسى لكن هتاخد المفيد منها

وشكرا لك يا اينشاين

شكرا ليك اينشتاين

والله ادينا عرفنا بدل ما احنا بنقولها واحنا منعرفش ليه ...

طيب كويس انى افدتكم

شكرا ليكم

وزى ما علا كده قالت انا قصدى على اصل المثل