بص يا سيدي..علشان تكون شاب غلي لازم تسمع الكلام اللي انا بقولة دا كويس..ركز يا استاذ:
- قوووول نكتة جاااااامدة طحن و طويلة..و ف النهاية-ف الحتة بتاع الافية-قول انا نسيتها..و لو عايز قمة الرخامة..قول كنت عارفها بس نسيتها و كانت جااامدة اوي..
- و انت ف الحمام...و اللي جنبك ف الحمام عمل صوت معين-اهو صوت و خلاص متؤيش!!-قول بصوت عالي:الله يخرب بيت الاكل ف الشارع..
- هات بخاخة مطهر"ديتول"و امشي ورا صاحبك..كل ما يمسك حاجة..قوم ترشها بالبخاخة علي طوووول
- طول مانتا قاعد قلد صوت الفاكس!!
- لو انتا ف مكروباس و اللي جنبك غفل و نام..قلد صوت تلكس العربية..و قول :تييييييييييت..
- لو رخم اوي و مصحيش..صحية..و لو نام تاني صحية تاني..خليك وراة يا نجم!!
- و انت بتتكلم ف موضوع اسكت او اقطع كلامك -بس اعمل انطباع انك هتكمل-و ما.......بس خلاص
- لما حد يشتكيلك من حاجةاسمع منة كويس اوي اوي.. و بعد كدا قولة:انا عندي مشاكل اكتر من يا جدع..فكك مني
- ف المطعم بص لواحد و انتا ف ايدك اللقمة بصلة وقت طويل اوي..و قولة لما تحس انة بدأ يستغرب "ممكن الطحينة ثواني!!"
- لو انتا قاعد مع اصحابك بتتفرجوا ع التلفزيون و فصل الارسال
و عمل التلفزيون صوت:وش ش ش ش ش ..علي الصوت اوي
- لو مفصلش..غير القناه قبل نهاية المتش او المسلس ب 5 دقايق- او ف حتة جااامدة-
- و انتا قاعد مع اصحابك صفر نشيد بلادي بلادي
- كرر الحركة بعد 10 دقايق
- كل ما حد يقول حاجة قولة:هاها..كل الناس فاكرة زيك كدا!!
- استلف قلم من صاحبك..وحط طرفة ف بقك...و اعمل نفسك بتفكر اوي ف حاجة و مندمج- وانتا قاعد تعضعض ف القلم!!
- اضحك لواحدة ف الشارع بصوت عالي و قولها:طب و انتي عاملة اية؟
- لو كنت بتتفرج مع اصحابك علي فيلم ف اوله..احرقة ف جملة واحدة!!
- و هما بيتفرجوا و تيجي حتة معينة..قلهم:انا مش قلتلكم!!
- ف المترو امضغ اللبانة بصوت عالي و ادوش اللي جانبك
- لو كان بيقرا جرنال اقرا معاه..و علي صوت اللبانة يا نجم
- لو واقف واحد متعرفوش جنبك بيعد فلوس..ف نص الفلوس قولة رقم عشوائي
=================================
واخيرا احب اديكوا نصيحة مش عارف معناها..
لما واحد يغلس عليك..قولة:- ثبت علميا ان الانسان بيولد مش بيبيض!!
انا حاسس اني غلست عليكو!!

على فكره موضوع جميل ومستنيين المزيد

شكراااااااااااااااااااااااااا بس انت واد ولا بنت

لوتفرق أقولك بنت بس أنا ملاحظ أقصد ملاحظه أنك متضايك من البنات إحنا مش ذنبنا إللى أحنا بنات وشكرا

لا مفيش حاجة عادي
بس انا بفكر في ضم المزيد من الاعضاء للحزب بتاعنا فبشوف كدا بس
ع العموم نورتي الموضوع

حلوه من ياباات.
ومنتظرين المتميز دائما.

ايه يا عم انت الغلاسه دي
علي فكره الجمله دي
كل ما حد يقول حاجة قولة:هاها..كل الناس فاكرة زيك كدا!!
كان بيعملها فيا واحد صاحبي
بس هو بصراحه كان بيلعب كراتيه
ويفصل مني اتنين في الجسم والقوه
فانا كنت بطبأ الجمله دي معاه
قوووول نكتة جاااااامدة طحن و طويلة..و ف النهاية-ف الحتة بتاع الافية-قول انا نسيتها

شكراااااااااااااااااااااااا يا احمد
انت ايه رأيك لو انضميت معانا للحزب لو عاوز تنضم با اما تكلمني يا تكلم ميدو رجب يا تكلم ميزر والايميلات حتلاقيها في المعلومات بتاعة العضوية

شكرااااااااااااا ع المرور عمر

<div class='quotetop'>إقتباس(dreams @ Aug 6 2006, 11:54 PM) [snapback]183488[/snapback]</div>لا هو بات مان
دمه خفيف حبتين وبيهزر كتير
والبنات بيغدو الهزار جد

يادى البنات هو فى إيه إيه التفرقه العنصريه بين البنات والأولاد

ههههههههههههههههههههههههههههه
عندك حق يا عمورة يا حبيبي
التفرقة العنصرية ابتدت لما الراجل قاعد ف البيت من غير شغلانة ولما يدور ع شغلانة يلاقي كل الاعلانات طالبة انسات مش رجالة
ههههههههههههههههههههههه

ايوه يا عم الموضوع جميل بس والله الغلاسه لها ناسها
ومن الغلاسه برضه انك متبصش لواحد وهو بيكلمك
دى بتغيظ قوى
وتتظاهر انك مشغول باى شىء بيمر حولك
جربها وادعيلى

مجربهاي ياما يا عاشق بس الف شكر ع المرور بس هو انا جربتها معاك قبل كدا باين عليك زعلان مني تقريبا ممكن مكنش شفت ردك

موضوع غريب وحلو --بس انت لية غاوى الحاجات دى ----كل مواضيك كدة لية

السلام عليكم ورحمة الله وبركاته
تزيك يا بات
الموضوع جامد أوي وشكله كده نوع من أنواع الغلاسة صح ولا أنا غلطان وعلى العموم امتى انت هتفتح دورة تدريبية على الغلاسة لما تفتتحها أولي عشان ادخل معاك واتعلم وياريت اول درس يكون عن كيفية التغليس على البنات
وربنا ينصر الحزب وأعضاءه