العلاوة ماتت ......... الجنازة ستشيع من مجلس الشعب ......... والعزاء في 1/7ر/ 2009م
 

بعد قراءتي لصحف االليوم وطبعاً الرسمية ( الاهرام ـ الجمهورية) وتأكيد صحة خبر الـ 5 % صدمت وقلت في نفسي لو لم يكن هناك علاوة كان احسن بل وجدت في صدر جريدة الجمهورية صفحة تتحدث عن العلاوة وكان المحرر بيقول احمدوا ربكم علي انكم اخذتم شيء .
لماذا الان يتغنون بالازمة المالية العالمية
وعندما تكون االامور جيدة والماليات العالمية جيدة لا نري شيء
اين الحكومة من ارتفاع الاسعار برغم تدهور الاسعار عالميا ؟
طبعا مصر المحروسة الاسعار بترتفع فيها مع الارتفاعات العالمية لكن عندنا في حاجة غريبة نرتفع مع العالمية ولا ننخفض معها؟
انا لا افتري علي الحكومة اي عضو بالمنتدي عليه يعمل مقارنة بين سعر اي سلعة العام الماضي وسعرها الان
ان لم ترتفع هذه السلعة ستجدها لم تنخفض.
عموما البقاء لله في العلاوة السنة دي .
مثلي سيرتفع مرتبة في حدود عشرة جنيهات بالعلاوة الدورية ايضاً.
ممكن حد يسلفني برواز وقطعة زجاج ابروز العشرة جنية واعلقها علي الحائط واكتب عليها البقاء لله العلاوة ماتت

الحمد لله على كل حال والارزاق بيد الله سبحانة وتعالى
والعلاوة لا تسمن ولا تغنى من جوع والفرج ات لا محالة طالما اننا نتوكل على الحى الذى لا يموت

بالتاكيد مش مهم تكون العلاوة كام - لكن مهم ثبات الاسعار
ممكن سلعة واحدة زى ما حصل تلتهم اى علاوة
مش مهم الزيادة اد ما مهم البركة
مهم جدا ان نكون قلبنا على بلدنا
مهم جدا انه يكون عندنا انتماء للبلد اللى خيرها علينا
بلاش كلام لا يودى ولا يجيب واشمعنا انا وانا اللى هاغير وانا اللى هبقى شريف والكلام الفارغ ده!!!!!!!!!
ماهو اصل لو كل واحد مبداش بنفسه الدنيا مش هيصلح حالها- ملكش دعوة بحد تانى!!!!!!!!!!
ربنا اللى هيحاسبنا فى الاخر وهيحاسب على الصغيرة قبل الكبيرة- اعلم هذا - لان فيه ناس كتير عارفة وماشية مع الزفة او بتستهبل يعنى!!!!!!!!!!!
كويس قوى ان بلدنا ماشية كدا فى ظل الازمة العالمية والمفروض نكون قلبنا عليها - لازم الامور كلها تمشى ومنبقاش انانيين عاوزين زيادة وخلاص
كلنا محتاجين مفيش كلام لازم مصلحة مصر وحب مصر فوق كل اعتبار

بلادى بلادى لكى حبى وفؤادى
تحياتى واحترامى للجميع

كل واحد بيتكلم حسب الدخل اللى داخل لة المدرس اللى بيدى دروس بالاف لا يهمة العلاوة 5 او 10 وعجبى

عصر الرويبضه

الحمد لله على كل حال والارزاق بيد الله سبحانة وتعالى
يمكن التجار يحطوا في عينيهم حصوة ملح وما يغلوش الاسعار تاني

الحمد لله على كل حال

عموما التجار مش هيحطوا في عيونهم حصوة ملح دول هيحطوا في جيبوهم العلاوة وفوق منها كمان

تكروا العام الماضى عندما تمنينا عدم وجود علاوة ال 30%
أعتقد أنها 5% أفضل بكثير من زيادتها وزيادة الأسعار أكثر وبعدين أنتم ناسيين زيادة الكادر ولا أيه
(الحمد لله على كل حال ونعوذ بالله من حال أهل النار)

دا عين العقل
والله لو مفيش زيادة خالص والاسعار تثبت يكون افضل
هتشوفوا الاسعار هيجرالها ايه!!!!
شكرا لرجاحة عقلك
بارك الله فيك وفى الجميع

طيب مش ناسين الكادر طيب والناس ايلي لا اخدوا كادر ولا اخدوا حافز المحليات يفتكروا ايه؟

إن شاء الله البركة والقناعة تدخل البيوت
والأمراض تنزاح وإن شاء الله نعيش دايماً ف أفراح