عجبي عليك يابن ادم يا كبير الدار
قومت الدنيا وما قعدت لما قالو حمار

هو اسمي شتيمة ولا جنسي ده عار
خلقني ربي وخلقك ولا حدش له خيار

وأنا مهما زاد الحمل فوقي صابر على المشوار
لا في يوم أقول أشمعني اخويا واخد منه تار

ولا يوم ابص لرزق غيري وأطق منه وأغار
ولا ارفع يوم عيني على جارتي وأصون الجار

ولا مهر ادفع لحمارتي وشبكة وسوار
ولا شقة اجمع في تمنها ولا أجهز دار

ولا حرمي حامل تتوحم عايزه كافيار
ولا بنت تخرج عن طوعي وتجيب العار

ولا ابن يدمن ويهلوس ويقع ينهار
عايش في حالي متهني وليه أفكار ؟

بأكل وبشرب وأنهق وما فيش أسرار
وعندي ابن ادم يخدمني ليل ويا نهار

إن جعت يشتري برسيمي بأغلى الأسعار
وفي مرضي يفضل يعالجني ويدعي الستار

خادم أمين من غير راتب ولا حتى إيجار
والحين عرفت يابني ادم ..

جميل يا نغم
:D

ميرسى لمرورك يا ميدو

رائعة يا نغم

فى ناس فعلا والله حياتها بتسير مسيرة هالحمار
ربنا يعينهم والله

ومعاهم ومعانا

وشكرا ليكى نغم

عندك حق يا فتاة الاسلام ةبالحق انتى اسمك ايه

وميرسى لمرورك

لا مهر ادفع لحمارتي وشبكة وسوار
ولا شقة اجمع في تمنها ولا أجهز دار
جميـــله اوي

بس الأخ حمار نسى انه بيتركب و بيتبهدل لما ميمشيــش و يتقوله : شــي يا حمــار
ثانكس نغم عالموضوع

فعلا نسى وميرسى لاحلى مرور