|
<div align="center">بسم الله الرحمن الرحيم
طبعا يا جماعه كلنا شايفين اللي بيحصل في ونا العربي اليومين دول طبعا مش هقول و حاسينه كمان لإن أكيد بالتهاون و التفاهه و فراغ العقل اللي إحنا فيهم دول فيه ناس كتير مبقتش تحس غير لنداء بطنها و بس الموضوع ده للي شايف و حاسس ياللا و اللي مش حاسس يقراه برضه يمكن يحس دلوقتي يا شباب إحنا شايفين الحاله اللي إحنا فيها مش هنقعد نقول في أسباب و ليه و مش ليه و نقول إن الغلط مش علينا و إن الغلط في الحكام و إنهم و حشين و الكلام اللي ميجيبش همه ده ------------------- طيب و الحل ؟؟؟؟؟؟؟ تعالوا نشوف الحلول اللي قدامنا إحنا الشباب و اللي يقدر عليها كل واحد فينا 1 - نروح نحارب ... في المشمش 2 - نثور على حكامنا كلنا كده مره واحده و نشيلهم ... مش هيحصل دلوقتي 3 - كل واحد يطلع من جيبه أو لو كان ربنا كارمه و عنده قرشين في البنك و يتبرع بيهم ... ممكن بس تقريبا محدش هيعمل كده 4 - نتبرع بالدم عشان الجرحى ... التبرع بالفلوس أسهل طيب يا شباب عشان نكون واقعيين ممكن تكون الحلول اللي فاتت ممكنه لكن غالبا محدش هيعملها " عشان نكون صادقين مع نفسنا بس " يبقى مبقاش غير حل واحد 5 - نقعد جنب الحيطه و نسمع الزيطه ... طبعا هوا ده اللي حاصل ------------------- بذمتك مش قرفان من نفسك و مش شايف إنك عايز الحرق أنا عن نفسي شايف كده و عشان كده كتبت الموضوع ده إحنا ما شاء الله علينا أهو عدد الأعضاء فى المنتدى ياما و بيزيد كل يوم عن التانى معتقدش إننا حاجه قليله أو تافهه أنا مش هنا عشان أقولكوا حل و محدش ينفذه أنا هنا عشان أفتح ساحه حوار ندور و نفكر فيها على فكره تساعدنا في الدعم المادي للشعب اللبناني يعني مش هقول لازم نغير نفسنا و منخافش و الكلام الفارغ ده إحنا هنا هندور على حل سريع نقدر ندعم بيه الشعب البناني كل واحد يتفضل يقول رأيه مهما كان صغير أو تافهه في رأيه ------------------- إتفضلوا يا شباب اللي عنده رأي أو فكره يتفضل و يطرحها و كلنا هناقشها معاه لحد ما نوصل لحل حاسم بإذن الله </div> |
جزاك الله خير اخ تيتو علي موضوعك الرائع
وان شاء الله نقدر نتوصل لحل |
بص تيتو موضوعك خطير فعلا لان هو دة اللى بيحصل
تخاذل العرب وفرقتهم المشكلة ان جميع الحلول ان قلتها لكن قلت استحالة تتنفذ وانا بالصدفة من الاخبار لقيت انة فى جماعات اسلامية كتير انضمت لحزب الله وفى جماعات منهم من مصر وبيخرجوا من الحدود عن طريق مساعدة الفلسطنين لهم ومنها للبنان دة اللى سمعتوة يعنى معنى كدة انة فى مقاومة مش مفيش لكن المقاومة صامتة لاتتكلم لانها لو احد علم بصوتها سيقضى عليها لانهم على ارض طاغية دلوقتى ارض اتلوثت باسلحة الاسرائيلين ودة الحل هل بقى انتو شباب تقدروا تنضموا للجماعات دول ؟ دة السؤال بقى وانا اجاوبك احنا شباب صغير يعنى لسة امامنا المستقبل لكن الجهاد والقتال تركناه لمن هما اولى بة انما احنا لازم كل واحد يشوف دورة اية فى الحياة انا مبقولش لك انكم متقاوموش لكن بقول انة فى اساليب تانية احنا نقاوم بيها وابسطها مقاطعة المنتجات اليهودية وثانيا جمع التبرعات لهم وصدقنى كتير اوى هيعملوا كدة وفى اكيد اقتراحات تانية اللهم انصر اهل لبنان وفلسطين والعرق امين |
شكرا ابراهيم هلى المرور بالموضوع
شكرا فتاة الاسلام على المرور بالموضوع و شكر اكتر للمقترحات اللى كتبتيها و اتمنى كل اللى يدخل الموضوع يكتب مقترحاته |
التبرعات هى اسهل شىء نقدر نعمله
لكن بصراحة مفيش حلول تانية ممكنة على ارض الواقع مش باقول كده تشاؤم لكن باقول كده لاننا مش هنقدر نعمل شىء تانى |
شكرا اينشتاين على المرور
و شكرا على الاقتراح ده برده |
تيتو no use
طول ما الكلاب اللي انت عارفهم ماسكين الدول العربية و الحلول مفيش اكتر منها و خدلك دسته 1* ان حسني يتنازل عن الحكم ( و ده في المشمش طبعا ) لواحد غير جمال 2* ان حسني يفتح باب الجهاد ( وده بأي عن ام للي ) 3* ان حسني يزود المساعدات و يبأي كريم ( انما ده بأي عند ام ترتر ) 4* ان حسني يتكل هوه و العائلة الكريمة ( و ربنا قادر علي كل شيئ) 5* ان الناس تصحى من التنبلة و التناحة ( و ده بعد عشرين الف سنة ) 6* ان احنا نعمل مظاهرات و نهد قصر الرياسة و ندربكه عليا للي فيه ( و ده لما الجامعات تفتح ان شاء الله ) و................ كمل انت بأي بقيت الحلول |
شكرا يا باشا على الاقتراحات دى
بس انا ليا سؤال مش انت عارف ان الاقتراحات دى انت بتعتبرها مستحيله احنا بقى فى الموضوع عاوزين الاقتراحات اللى تنفع دلوقتى |
بص يا مان
الحلول هيه ان المجاهدين في مصر يكونوا جماعات و تبرعات و يبعتوها علي شكل اسلحة من روسيا او من ايران ان نقاطع كل منتجات الدول المساندة لاسرائيل قطع العلاقات بفرنسا اللي بانت علي حقيقتها توحيد العرب بالذوق او بالعافية واللعب على ورقة البترول اللي عند الخليجيين و طرد السفير الصهيوني من القاهرة لان عيب لمل رئيس فنزويلا يطردوا و احنا لسه حكومتنا بتحمي السفير اللي عندنا هنا قطع لسان كل الصحفيين الكلاب اللي بينددوا بالمقاومة و بيناهضوها و لسه هكتب حلول تانية |
انا بتهيقلى اننا نبدا بديننا الاول
يعنى التمسك بالعقيدة هنقدر بعون الله اننا نعمل حاجة صح وبصراحة انا اللى بعمله هوا الدعاء اقرب شىء لربه سبحانه وتعالى وفى اقتراح بعد الدعاء لهم وهوا السعى لتحقيق رغباتنا يعنى كل واحد لازم يوصل لهدفه علشان الحلول اللى ان عرضها ممكن تكون اكيده مش مستحيلة بتهيقلى دول اهم حاجة لازم نقوم بيها وبكده يرتاح على الاقل ضمرنا شكرا على الموضوع تيتو |
ايوة كدة الاقتراحات و لا بلاش
و شكرا اسيل على المرور الكريم بالموضوع و فعلا دى اهم حاجة لازم نبدأ بيها |
الدعاء جميل
بس مشكلتنا اننا بندعي بس و بقالنا خمسين سنه بندعي بس لازم نتحرك بأي و لا ايه |
طيب
ما تقولوا نتحرك ازاى |
<div class='quotetop'>إقتباس(midoragab @ Aug 7 2006, 02:35 PM) [snapback]184267[/snapback]</div>
اقتباس:
بس احنا للاسف بندعى بطريقة غلط خالص يعنى ممكن تلاقى واحد بيدعى وهوا بيتفرج على التليفزيون او واحدة بتدعى وهيا بتقشر البصل الدعاء له شروط لا بد من الاهتمام بها وعلى فكرة البعد عن المعاصى حل جميل جدا واحنا عملناه بالفعل صيام يوم الاثنين والخميس لا نعصى الله فيه طرفة عين بتهيقلى دى مش حاجة صعبة علينا ولا ايه؟؟؟؟؟؟ شكرا تيتو على الموضوع مرة تانية |
اقتراحك كويس
ممكن ندور علي النت ان فيه مواقع بتساعد المقاومة حتي لو بالجهد بس و ممكن نحمس من خلالها الناس و الرأي العام و ممكن نعمل في المنتدي خدمة اخبارية تغطي الاحداث الجارية في لبنان و العراق و لو عجبتكوا الفكرة ابعتولي رسايل خاصة او علي الموضوع ده عشان نتفق علي العضاء اللي هتقدم الخدمة دي اوكي ؟؟؟ ردوا بسرعة |
| جميع الأوقات بتوقيت GMT +2. الساعة الآن 05:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.