انا كســـــــــــــــــــــلانة
 

بليز حد يساعدني
انا كسلانة جدا
بحس لما ابص في الكتاب اني هموت مفيش كلمة عايزة تدخل
واحاول مرة واتنين
اللي يفرس اني عندي هدف وهموت واوصله بس مش قادرة
جو البيت يساعد ان الواحد يزاكر بس انا مخنوقه
زي اللي يكون بقاله تسع اشهر بياكل مزاكرة وخلاص شبعت مش قادرة احط كلمة زياده او ع الاقل اراجع ع القديم
وانا دلوقتي بدأت في مرحلة الانهيار




ارجوكم تساعدوني بحلول فعاله عشان انا بجد حالتي النفسية هباب

شكرا لتفاعلكم معايا..............

هاي بصي الاول قبل ماتذكري تقعدي ع مكتب اوتربيذه تكون بعيد عن غرفه النوم وتستخدمي وانتي بتذاكري الاقلام الملونه لانها بتساعد ع تثبيت المعلومه

انا اسفه بجد مش هقدر اساعدك

لانى حالتى تقريبا اسوأ منك

يعنى المفروض تيجى جمبى كده ونعيط سوا ههههه

انا بقى كسوله جدا وكل ما ابص فى الكتاب احس انى فى المحيط
مش عارفه للماده اول من اخر و ده بيحبطنى .. وحاجات تانيه كتييييييييييييير

ولازم يكون عندكم دافع تخيكوا نفسكوا لا قدر فشلتوا ايه الحال ساعتها

كيوت بنوت
بصى اللى ردوا قبليا كلامهم تمام
بس
حضرتك لازم تشوفى حد*سورى بس لازم يحصل* فقير جدا جدا
وحد فاشل جدا
لانك مش حاسة بقيمة هدفك ومش هتحسي بيها الا لما تعرفي قيمتها
لازم تفوقى بسرعة الامتحانات بدأت
الحقي نفسك النوم مش حل ده مجرد هروب من الواقع
قولى بسم الله عشان كدة انتى دخلتى مرحلة الملل وده مش كويس قبل الامتحان
وياريت تاخدى نص يوم fresh عشان تتبسطى وتقدرى تستقبلى معلومات او حتى تحتفظى بالمعلومات من غير ما تزهقي منها
وحطى الوان واستيكر كرتون عشان تلاقي الكتاب شكله حلو يشدك انك تبصي فيه
وابقي طمنينى على النفسية القمر
okay?
ربنا يوفقك

سوسي

دي حاجة طبيعي بتحصل للواحد كله بزات انا

شوفي هقلك حاجة وانشاء الله عتنفع

اولا لازم تغيري مكان المزاكرة

2- لازم عمل جدول ويكون يحتوي على مواعيد للاكل والنوم سبع او تمن ساعات بس

3- غمضي عينك وتخيلي نفسك قبل الامتحان بيوم

وكدا هتخافي وتقولي لنفسك لازم ازاكر دلوقتي

3- حاولي تتقربي من الناجحين قصدي يعني زميلاتك الي بيزاكرو

واعملي حسابك انك متقليش عنهم وابعدي تماما عن زميلاتك الكسالا

4- حطي في دماغك قد ايه اهلك تعبو عشانك ودفعو كتير ولما تحيبي درجة حلوة منظرهم ومنظرك هبقى ايه قدام قرايبك ومعارفك

5- دا كتاب هيسعدك بس مضيعيش وقت في قرايته يعني ركزى عالمهم و عالاسريع كدا

دا مش محتاج تحميل بمجرد ما هتدوسي عالرابط استني شوية والكتاب هيظهر كامل

http://www.scribd.com/doc/2020109/-

ودا كتاب لدكتور ابراهيم الفقي كيفية التحكم في الذات

وكذالك لا تحميل قرائة اون لاين بس كمان متضيعيش وكعادة دكتور ابراهيم

بيتكلم على موضوع معين وبعدين يدي الوصفة في خطوات في اخر الفصل للوصول الي المطلوب

هي دي ركزي عالخطوات دلوقتي
وبعدين يبقي اقري الكتاب كامل في الاجازة او اي وقت

http://www.scribd.com/doc/6322655/-

6- واخر واهم حاجة حاولي تقربي من ربنا وتطلبي منه ان يزيح عنك الملل

وحافظي عاى الصلاة وعرفي ان ربنا هو الي يايدة اي حاجة

مش هقدر اقولك غير ربنا معاكى وتحققى هدفك ان شاء الله

بجد يا باسم انت رفعت من معنوياتي
انا السنه اللي فاتت كنت جايبة 87% ومفيش مجال متاح قدامي غير فنون جميله وهي السنه اللي فاتت واخدة88% وده كمان موتر اعصابي

جزاك الله خير وربنا معاك يا باسم


شكرا ساسو وسميل وعمرو
ميرسي لييييكو

والله يا sosi انا نسخه منك الايام اللى فاتت كل المدرسيين بيشتكو منى وان مذاكرتى اقلت وجابيه السنه اللىفاتت 86 وعايزه ادخل فنون بس مش عارفه كل ما افتح كتاب اتخنق واقفل تانى وعلى كده بقالى اسبوع والوقت بيعدى بسرعه جدا

بصوا يجماعه الموضوع سهل خالص ومش صعب
دى بتبئ حالة توتر ونفسك تذاكر وتحقق هدفك بس لما تفتح الكتاب الكلام كله بيدخل فى بعضه وتزهق
وبعدين تقفل الكتاب
ونروح على النادى نلعب كوره
فى الحاله دى انت ضعيف الشخصيه وبتتدى للنفسك الأماره بالسوء ان هى تنتصر عليكبكل سهوله
لازم يكون ليك واقفه من جواك حقيقيه
لازم يكون عندك الاراده والعزيمه
اعتبر نفسك انت فى مهمه صعبه ولازم تنجح المهمه دى
حاول بكل الطرق انك مش تدى لنفسك ان هى تسيطر عليك
وتخضع لمطالبها اللى غالبا هتكون سالبيه مش فى مصلحتك
انت جواك حاجه ممكن تستخدمها فى الوصول لهدفك وانتصارك والنجاح
وهى
الأيمان بنفسك
والثقه فيها
انك ممكن تحطم أى شئ
صدقنى هتحطم وهتوصل للأنت عايزه بأذن الله
بس خليك مؤمن بالله اولا ثم مؤمن بنفسك
.................................................. .....

انا حالتى بجد بقى زى الزفت
االمشكله لما تحس ان الك متوسم فيك حاجه
وانت حاسس انك مش هتقدر تححقها خالص

بجد ربنا يستر