|
اين انت؟؟؟
ابى اين انت ؟؟؟ لم ارك منذ زمن مضى يخفق قلبى ويرق كلما سعت اسمك ولكن....... اين انت ؟؟؟ الم تشتاق لى؟ الم تحن لى؟ ابى فقد كنت بالامس طفلتك المدلله هكذا كنت تقول واليوم يا ابى فقد صرت فتاه اشتاق لسماعك تقول لى اننى فتاتك المدلله ولكن............. اين انت ؟؟؟ ابى حينما اسير فى طريقى وارى اب يمسك بيد ابنته فسرعان ما اغمض عيونى واسرع خطوتى حتى لا اشعر بالمرارة ارايت الى اين وصل بى ههجرك؟؟؟ ابى عندما اشعر بالخوف اتلفت حولى لانظر فى عين اجد بها الامان فلا اجد سوى عيون متحوله عنى انها عيونك ابى ابى عندما اشعر بالبرد فى ليله حالكة السواد اتلفت حولى على حضن دافىء يحتضنى فلا اجد فاين حضنك ابى ؟؟؟ ابى اتعلم كيف اشعر باليتم وانت مازلت تتنفس ؟ اتعلم كيف اشعر باليتم وقلبك مازال يخفق؟ اتعلم كيف اشعر باليتم وانت مازلت حيا؟ ولكن................ اين انت ؟؟؟ حبيت اوضح حاجه الموضوع مش خاص بيا انا بس حسيت باحساس بنات زيى ابائهم مش معاهم فحبيت اعبر عنه |
يالله صعبة أوى
لم استطع أن امنع نفسى من ان تذرف عينى ببعض الدمعات جميلة أوى يا فيفا من ناحية المعانى والكمات بس صادمة للحس الانسانى لا بل قاتله عايزين نشوفك بقا هنا فى القسم كتير |
اقتباس:
ربنا يخليك يا عندليب وفعلا اللى حس بالاحساس ده اتعذب اوى وان شاء الله هتشوفونى كتير نورت |
ماهي الرقة دي والاحساس الرائع ده ..انك تحسي بحد بالطريقة دي وتعبري عنه كمان مش سهل تخرج من اي حد الا اذا كان زي فيفا ربنا يوفقك يا جميل |
اقتباس:
ربنا يخليكى يا هنا ده كتير الكلام ده اوى على فكرة بجد وحشانى اوى ونفسى اتكلم معاكى :) |
أكيد مليانة إحساس و مليانة معانى رقيقة
عشان اللى كاتبها فيفا كلام رقيق و حساس و فعلا بيلمس حاجة صعبة اوى أمتعتينا يا فيفيان و حمد الله على السلامة بعد غيبة طويلة منورة القسم |
احساس عميق
وكلام معبر ربنا يوفقك |
أحساسك جميل جدا ..
بس هيه مؤلمه اوى فى أحساسها .. بس انتى عرفتى توصفى الموقف كويس جدا .. جميله جدا .. تحياتى واحترامى لكى .. |
اقتباس:
ربنا يخليك يا احمد والله يسلمك بس مش غيبه طويله اوى يعنى :p القسم منور بابداعاتك انت يا فنان زعلانة منك على فكرة :) |
اقتباس:
ميرسى لمرور حضرتك اقتباس:
ميرسى لحضرتك وعلى الكلام الجميل ده والحمد لله ان الاحساس وصل |
الكل بيقول صعبة اوي...قاسية اوي...مؤلمه اوي....
بس اللي بجد صعب و قاسي و مؤلم اووووووووووي انك تكوني عايشة كل الكام ده انا بجد حساه اوي عشان انا عايشاه بقالي 7 سنين بجد كلامك مؤثر شرح كل حاجه كأنك عايشة جوايا و فهمتي افكاري و حسيتي بمشاعري الله اكبر عليكي و ربنا معاكي و في نجاح و تألق دائم |
كلمات جميله جدا واحساسك عالي اوي
ربنا يوفقك |
اقتباس:
شروق!! ياااااه فينك يا بنتى بقالك مده كبيرة مختفيه افتقدتك فعلا وكلامك صح اصعب حاجه فعلا انك تكونى عايشه فى الوضع ده بس فى الاول والاخر دى ارادة ربنا وهو اكيد بيعمل لنا الصالح واكيد بيحس بينا اكتر من اى حد فى الدنيا نورتينى بجد :) |
اقتباس:
ربنا يخليك وحمد الله على السلامة |
يااااه بجد عبرتى عن اللى جويا ودموعى حسيت بكلامك أوى لأنى عايشه نفس القصه دى
ربنا معاكى ويصبرك يا فيفيان والتقدم يستمر دايما |
| جميع الأوقات بتوقيت GMT +2. الساعة الآن 12:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.