سؤال لو سمحتم
 

بسم الله الرحمن الرحيم
يا اساتذة انا عاوز اعرف فى امتحان 2008 دول اول ليه اجابه السؤال الاول رقم 6 هى ب: السلسلة الانتقالية الثالثة وليس
ج : الانثنيدات

السؤال هو
عنصر تركيبه الالكترونى xe (54) ,6s 2 , 5d 3 , 4f 14 يكون من
أ-السلسلة الانتقالية الاولى ب-السلسلة الانتقالية الثالثة ج-الانثنيدات د-الاكتنيدات



اتمنى الاجابة حقا
لانى محتار لان هنا 4f 14 ممتلئة بالالكترونات يعنى متنفعش تكون عنصر انتقالى بل الانثنيدات هى 4f الممتلئة بالالكترونات


شكرا للجميع
واتمنى سرعة الاجابة

من السلسلة الانتقالية الثالثة

ما انا كاتب ان الاجابه السلسلة الانتقالية الثالثة
انا بسأل ليه هيا كده مش الانثنيدات

بور سعيد
 

لأن المستوى الفرعى 4F يملأ قبل المستوى الفرعى 5d
ويكون التوزيع حسب مبدأ البناء التصاعدى هو
xe (54) ,6s 2 , 4f 14 , 5d 3

بسم الله الرحمن الرحيم
طبعا شكرا يا استاذ شمس على ردك
لكن انا فاهم لكن مش فاهم
انا فهمت النقطة اللى انت قلتها لكن ايه دخلها بموضوع السؤال
لكن برضه تشريفك للموضوع ده لوحده كفايه
شكرا ليك وللكل

جميع عناصر اللانثانيدات يكون المستوي الفرعي5d به إلكترون واحد فقط بينما المستوى الفرعي 4f يتوالى تشبعه بالإلكترونات ولكن العنصر الموجود بالسؤال به المستوى الفرعي 4f ممتليء تمام بأربعة عشر إلكترونا والمستوى الفرعي 5d به أكثر من إلكترون ( 3 إلكترونات) وأصبح المستوى الذي يتوالى تشبعه هو d وليس f وبالتالي يعتبر هذا العنصر انتقالي من السلسلة الثالثة

الله ينور عليك
اجابه شاملة
بس سؤال ذكى فعلا
بس حرام عليهم مش يراعوا الطالب المتوسط مثلنا