عايزة اقولك كلمة حلوة
كلمة توصف حبى ليكى
تبقى نغمة فى احلى غنوة
مش خسارة يا قلبى فيكى
كلمة اكبر من بحبك
كلمة اكبر من صديقتى
مستعدة يا قلبى حتى
لو هقول مليون حبيبتى
عايزة اقول من غير كلام انتى اية بالنسبة ليا
وهتثبت لك الايام كل كلمة صادقة ليـــــــــــــا
كنتى ليا احلى بسمة
على قلبى كنتى يا روحى نسمة
الوقت معاكى حاجة تانية ومش هتنازل بحتى ثانية
مهما حصل يا روحى بينا اوعى تفرق بينا دنـيـــــا
بحبك

لالالالالالالالا انتي بتكتبي كمان يا بسمة عامية قريب من الغنائي امممممممممممم جميلة بجد

والكلمات حلوة ومتناسقة وبجد بدون مجاملة بداية موفقه في الشعر العامي ليكي وربما زي ما بيقول اخينا اسلام زجل :D

كلمات جميله اختي بسمه

سلمك الله

ولكن لي تعليق بسيط علي هذا البيت

الوقت معاكى حاجة تانية ومش هتنازل بحتى ثانية

اعتقد لم يكن هناك داعي لحرف الباء في كلمة بحتي

جربيها كده وقوليلي

الوقت معاكى حاجة تانية ومش هتنازل حتى ثانية

شكرااا جزيلاااااااا

شكرا لك زى ممحمد قال انا لسة مبتدئة وانا مبسوطة لتعليقك ادينا بنتعلم بقى
شكرا كمان مرة

لا بجد كلام حلو :D

وهو فعلا اسمه زجل

بس كلام حلو وسلس على اللسان


يا ريت تكتبى تانى قريب

بسم الله ما شاء الله

ايه الحلاوة دي

زي العسل

ايه الحلاوة دي يا بسمه


جميله

عايزين اطول بقى

ربنا يوفقك

<div class='quotetop'>إقتباس(basma_1989 @ Aug 8 2006, 08:38 PM) [snapback]185809[/snapback]</div>القصيدة مش وحشة
بس للأسف وزى أغلب اللى بيكتبوا رومانسى ع المنتدى المعانى والتراكيب مكررة
الأبيات اللى ف الأقتباس دى موسيقاها فيها مشكلة
حاولى تعلجيها

شكرا احمد
شكرا اسلام
شكرا استاذ اكرم وهيا فعلا اطول من كدة بس انا حذفت من الابيات الاخيرة لان الابيات فيها اسمى واسم صديقتى اللى انا بهديلها القصيدة دى
ويمكن عشان كدة يا الشاعر الصامت الابيات الاخيرة الموسيقى فيها مشكلة
انا اسفة مش هقدر اعالجها
بس اوعد حضرتك انى اخلى بالى بعد كدة

شكرا على المرور