|
اختبار مستوى ذكاء المواطن المصرى
:excl:هناك من شكك فى ذكاء الإنسان المصرى وبناء عليه قرر عمدة القرية الذكية اجراء اختبار لقياس مستوى ذكاء المواطن المصرى ، استلمت الأسئلة وقمت بالاجابة عنها ملتزما بالشروط التى ذكرت فى رأس ورقة الأسئلة التى تنص على أن زمن الاجابة فترة واحدة تجدد بموافقة مجلس الشعب ، وان الاجابات يشترط اجابتها بقلم حبر فوسفورى وأنه لن يلتفت الى أوراق الاجابة غير المرفق بها طابع شرطة وان الامتحان سيكون تحت اشراف القضاء . يا مسهل بدأ يفتح ورقة الأسئلة ويجاوب : # هل صحيح ان كتر السلام يقل المعرفة ؟ ــ صحيح فيما عدا السلام مع اسرائيل ، كتر السلام معاها يعمق المعرفة والبيزنس . # القيادة السياسية تدرس مع القادة العرب فرص احياء عملية السلام ؟ ــ أهى دى بالذات حاجة محدش يقدر يحييها غير اللى خلقها . # يقال إن87%من الشعب المصرى ساخطون على الحكومة المصرية ... ما تعليقك ؟ ــ ال 13% الباقيين فى بورتومارينا . # تقرير :45% من الشعب المصرى مصابون بمرض السكرما تعليقك ؟ ــ آدى اللى خدناه من" الحلوانى " اللى بنى مصر . # ما أهم مظاهر الفهلوة عند المصريين ؟ ــ انهم يشكون فى الشحات ولا يشكون فى النصاب . # بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟ ــ أتوقع أن نقرأ قريبا أخبارا عن زملكاوية المهجر . # ليه الحزب الوطنى بيعمل اعلانات لنفسه مع ان البلد كلها بتاعته ؟ ــ زى ما شبكة الأوربت بتعمل اعلانات لنفسها على شاشة الأوربت . # ما الفرق الأهم بين مصر وأمريكا ؟ ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى . # ما أهم قاعدة موجودة فى مصر ؟ ــ ان مفيش قاعدة لأى حاجة # ما وجه الشبه بين السد العالى وقانون الطوارىء ؟ ــ الأثنان مصدر " للكهرباء!!!" . # لماذا يطلق المصريون على زوجاتهم لقب " الحكومة "؟ ــ لصعوبة تغييرها مهما تسببت فى كوارث . # أين يمكنك أن تلاحظ سوء نية المصريين ؟ ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا . # ليه أكتر ناس بياخدوا مواقف معارضة جريئة هم الناس بتوع الغزل والنسيج ؟ ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة. # امتى بتحس ان البلد حلوة ؟ ــ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت …) # امتى هناكل جوافة من انتاج مزارع توشكى ؟ ــ لما نلاقى المشمش!!!!! # ما العلاقة بين عصام الحضرى وسمن روابى ؟ ــ الطعم فلاحى وتحدى . # هل لك أقارب استشهدوا فى الحرب ؟ ــ لأ عندى أقارب استشهدوا فى السلام ..... " السلام 98" . # ما تعليقك على أن المصريين لا يتحدون الا لما يكون المنتخب بيلعب ؟ ــ الاستاد هو الحل ! # ما الدليل على أن مصر بلد الامان ؟ ــ الدليل ان الواحد بيتردد كتير قبل ما يدخل أى قسم شرطة . # ايه الكلمة اللى ما بتحبش تسمعها وانت فى أوضة العمليات ؟ ــ يا خسارة . # ما الفرق بين الزوجة المصرية والزوجة اللبنانية ؟ ــ 0 4 كيلو جرام على الأقل . # بماذا ستجيب كمصرى عند سؤالك عن عمرك فيما أفنيته بعد عمر طويل ؟ ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح . # من المستفيد من الزحام الذى يسيطر على شوارع القاهرة ؟ ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ". المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " . المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية . المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على . ## ليه بيقدموا الساعة ساعة عندنا فى الصيف ؟ ــ علشان البلد تتقدم بينا . ## ايه اكتر حاجة بتجمعنا كمصريين ؟ ــ حبنا للكابتن ابوتريكة . ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان . ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه . ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ . ### لماذا يقال عن الشعب المصرى انه شعب فوضوى ؟ ــ علشان بيكره " النظام . " # اذكر اسم شخصية عامة معروفة ما بتكبرش أبدا ؟ ــ بـــــــــــــــــــــــــــــــــكـــــــــــــــ ــــا ر |
امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت …) ههههههههههههههه بجد موضوع هايل ياريت الناس تاخد بالها من معناه مش انه هزار وبس |
اقتباس:
حد اعرفه ايام كاس العالم اللى فات علق علم البرازيل ف البلكونة :d عاجبانى جدا دى اقتباس:
|
موضوع رائع بس اللى يفهم
|
# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ". المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " . المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية . المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على . جاااااااااااااااااااااامدة جدا ديه |
|
جزاكم الله خير الجزاء على ردوكم
فعلا للموضوع مغزى خطير بس مين يقرا ومين يسمع |
بجد الموضوع قيم اوووووووووى
تسلم الايادى |
شكرا لك وجزاكم الله خيرا
|
شكرا الموضوع فعلا بيوضح الذكاء الزايد
تقبل مرورى |
موضوع جامد فعلاًوتسلم على اختيار الكلمات
اقتباس:
|
انا بصيت للموضوع دة بنظرة مختلفة
الموضوع دة عامل زى المراية بالظبط يعنى مثلاً عمركو شفتو مراية بتكدب ؟ هو دة اللى عايز اقوله موضوع جميل وممتع فعلاً شكراً ش |
طريقة العرض هايلة وجذابة وتخليك لازم تخلص الموضوع ................شكرا جزيلا
|
شكرا على هذا التفاعل الجاد
|
اقتباس:
بدايه موفقه :d اقتباس:
ههههه مهو كله فى بورتو يا عم بس بتفرق مارينا عن مارينا:friendsxs3: اقتباس:
|
| جميع الأوقات بتوقيت GMT +2. الساعة الآن 04:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.