سؤالى متأخر اوى بس بجد محتاجه رأيكم
 

السلام عليكم ورحمه الله وبركاته
عارفه ان سؤالى متاخر اوى بس ياريت تساعدونى
انا مستوى احياء والمستوى بجد زفت وكتير وكله حفظ ومش عارفه اعمل حاجه
انا بفكر ادخل مستوى عربى خصوصا بعد ما لقيت هنا ملخص مستوى العربى
فانتم قوليلى ايه رأيكم؟وهل اقدر احول ولالا لانى استلمت رقم الجلوس؟
وكمان عايزه عرض لمنهج اللغه العربيه يعنى كام سؤال قراءة فيه نحو ولالا البلاغه بتيجى ازاى؟
بيقولوا بيحاسبوا على الهمزات ويدققوا فيها اوى الكلام ده صح ولالا
معلش هتعبكم معايا بس بجد محتاجه المساعده دى

انا كنت احياء وبعدين بقيت عربى وكنت هارجع احياء تانى واصحابى قعدوا يقولوا هتندمى عشان رحتى عربى بس لما شفت الجدول قررت انى افضل عربى وانا شايفه انه احسن عشان ماده ادبيه وينفع نكتب فيها كتير عكس الاحياء لازم تكونى دقيقه وان كان ع الدرجات فاى حاجه مش مضمونه بعد الفلسفه الله يمسيها بالخير والبلاغه بتكون سهله لانها من منهج السنه دى واللى فاتت والنحو جزئيه صغيره جدا وممكن من دلوقتى تذاكرى درس كل يوم وبعدين تعيدى عليهم ومش هياخد منك ساعه تكونى فاهمه جدا بس لازم الاول تشوفى المنهج عشان انا بتكلم عن رايى الخاص وبالنسبه للتحويل انا لسه محولتش بس اعرف انى ممكن احول اول يوم امتحانات وربنا يوفقك ويوفقنا كلنا عشان بقينا على اخر الزمن فئران تجارب للوزاره

والله ما عارفه اعمل ايه بجد مهمومه اوى بسبب الموضوع ده الاحياء زفت وعايزه مذاكره انا بقى عكسك صحابى بيقولولى متطلعيش من الاحياء بجد منهم لله احنا ناقصين هم علشان يعملوا فينا كده حرام عليهم دول طلاب الثانويه دول اغلب ناس
على فكره روحى لجنه النظام والمراقبه فى محافظتكم حولى بيقولوا مبقاش ينفع اول يوم امتحان فشوفى من دلوقتى
انا شوفت دروس العربيه لقتها حلوه بس قوليلى ايه نظام الموازنه الشعريه؟

يا جماعه ده مستوى يعنى مش مهم للدرجه دى ركزوا انتو بس فى المواد الاساسيه وربنا يسهل فى المستوى اللى شاغلكم ده

المستوى الرفيع عربى اسهل من الأحياء كتير والدرجة فيها حتكون كةيسة بمذاكرة اقل من الأحياء اللى محتاجة مذاكرة وتركيز كبير

مش عارفه حقيقى اعمل ايه وحيرانه جامد
فى بيقولى افضلى زى ماانتى اهو الاحياء تقدرى تلكى من المنهج بس بصراحه ناا مش طايقه مستوى الاحياء

شوفي هو بيجيب فقرتين كل فقرة من قصيدة معينة ويسالك ايه فكرة النمو ذجين الرئيسية وبتكون نفس الفكرة ويطلب منك صورة بيانية او بلاغية وبعدين حتة صغيرة جدا في النحو
وجزاك الله خيرا على نصيحة التحويل وربنا يوفقنا جميعا
:av4056bb7jp3::av4056bb7jp3::av4056bb7jp3:

انا ف رأى العربى احسن بكتير م الاحياء

انتى شوفتى امتحا الاحياء

منظره بس يخض

كبير زى الامتحان العادى
انا واخده عربى بس كنت كاتبه احياء ولسه محولتش قاللوى يوم الامتحان

ومفتحتش حاجه ف اللعربى وربنا يستر

بصوا بقى انا كنت مستوى رياضه ومستوى والله ميتفهمش منه اي حاجه خالص وقررت احول عربي بعد امتحان العربي والدين قدامك اسبوع تذاكر في 12 ولا 14 درس وحته بلاغه اما الرياضه 7 اسئله كل سؤال ا-ب-ج حاجه زفت يعني