|
آآآآآآآآآآآآآآآآآآآآآآآه ، يا خسارة
يا خسارة انا اخدت الأجازة ،
يعنى مش هروح المدرسة غير مرة كل شهر وانا بأعتبر مدرستى دى بيتى الثانى ، هو فى حد يقدر مش يروح بيته غير مرة كل شهر؟ ده انا كنت بأكره الحصة التاسعة علشان همشى من المدرسة بعدها وباستنى تانى يوم يجى بسرعة علشان اروح المرسة تانى وكمان بما اننى مش هروح المدرسة غير مرة فى الشهر يبقى مش هشوف مدرسينى غير مرة فى الشهر ، مدرسينى دول انا أعتبرهم زى اخواتى الكبار اللى كل حاجة متضيقانى باروح احكيها ليهم ولما اروح المدرسة المرة بتاعت كل شهر دى هروح زيارة كدة علشان اسلم عليهم بس مش هيكون عندهم وقت اتكلم معاهم بالساعات ولا احكى ليهم عن اللى مضايقنى ولا اخد نصيحتهم وكمان فى اليوم بتاع الامتحان الاخير ، حسيت ان 2 من اكتر المدرسين اللى انا باحبهم زعلانين منى وانا ماشية مش شفت حد فيهم علشان اسأله زعلان منى فى ايه انا بجد مخنوقة حد يقولى اعمل ايييييييييييييييييه؟ |
يا عيني
هو في حد اليومين دول بيحب مدرسته اعتقد ان هم مشغولين دلوقتي عشان بيصححوا الامتحانات روحيلهم بعد ما يخلصوا وسأليهم ليه زعلانين بس اتعودي انتي كلها كام سنه وتبقي في الجامعه وهتنسي يعني زمان واحنا قدك كنا بنعيط ان احنا هنسيب مدرسيننا وصحابنا ووعدناهم ان احنا هنزورهم كل شوية بس الحياه مشاغل ولا نفذت اي حاجه من اللي وعد بيها مش انا لوحدي صحابي كلهم كده لازم تتعودي ان المدرسة مرحلة وهتخلص لو انتي في اعدادي هتدخلي ثانوي وهتسبيهم غصب عنك وهتنسيهم كمان لو انتي في ثانوي هتروحي دنيا تانية خالص الجامعه ياريت يكون كلامي واضح ولازم تتعودي........... |
يا sosi كل الناس بيقولوا ليا كدة لكن انا مش عارفة اتعود على كدة
تعرف(ى) من سنتين كان فى عندنا مدرس كنت بحبه اووووووووووووووووووى وكنت بأعتبرعه زى اخويا الكبير بالظبط ويمكن اكتر كمان المهم المدرس ده زمايلى قالو انه هيمشى السنة الجاية انا اول ما سمعت كده قعدت اعيط ورحت سألته هو اول ما شافنى بعيط قالى لأ مش همشى ومش هقدر اسيبكم ، لكن المفاجأة كانت فى السنة اللى بعدها فى اول يوم لما روحت الاوضة علشان اسلم عليهم وسألت عليه قالو ليا مشى انا من ساعتها لحد دلوقتى وانا بعيط كل اما تيجى سيرته وبحس انه واحشنى اووووووووووووووووووووووووووى وماما بتقول ليا لازم اتعود على كدة لكن انا بتعود على الناس سرعة جدا ومش بقدر انساهم بعدها وكمان غير المدرس ده فى مدرسين كتيييييييييييييييييييييييير ومدرسات كتيييييييييييييييييييييييييييييييييييييييييييييييي يييييييير كنت بأحبهم مشيوا انا بجد بحس ان مدرستى دى هى بيتى انا فيها من KG1 وحاسة انى متربية فيها مقدرش ماحبهاش او انساها انا بجد كل ما افكر انى كمان سنتين همشى واروح 1 ثانوى فى مدرسة تانية بكون زعلانه جدا انا بحب مدرسينى اوى ومش هقدر اسيبهم وكل اما اقول لماما كدة تقول ليا هى سنة واحد وهتنسيهم لكن انا لحد دلوقتى فاكرة كل مدرسينى اللى درسولى من وانا فى KG1 لحد السنة اللى فاتت ومستحيل انى انساهم |
جميل اوى انتمائك ده
انا كنت فعلا زيك كدة علاقتى بمدرسينى كانت جميلة جدا وكنت فعلا لما بسيب مرحلة كنت بقعد اعيط انى هافارقهم وافاارق اصحابى بس مع مرور الوقت هاتتعودى ومش هاتتبقى الا الذكرى الحلوة هاتفتكريهم بخير ان شاء الله وان شاء الله تجتمعوا فى الجنة تانى |
ميرسى اوى يا آية على مرورك الجميل ودعوتك الاجمل
|
ايه الناس الغريبه دي :p
انا خدت الاجازه ومش عاوز اشوف وش المدرسه تاني بقي في ناس زعلانه عشان خدت الاجازه ... عجبي !! :d |
يا سلام هو انتى زعلانة عشان اخدتى الاجازة
هو فيه حد بيحب المدرسة الايام دى :d |
نفسى اعرف انتم ليه مش بتحبم مدارسكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
مين قال كده انا اول واحدة بحب مدرستى جداااااا واصحابى ومدرسينى
وزعلت جداااااااا لما حسيت انى مش هروح المدرسه تانى بس الصراحة فرحت علشان مش هشوف الكتب تانى:028ja7: المهم انا بجد زعلانه زيك دلوقتى علشان انا مفتقدة حياتى الحلوة الى بين اصحابى وكده بس بصبر نفسى واقول كلها كام شهر وارجه تاااااانى فخاليكى زى :d:022yb4: |
على فكرة .. لما حسيتى ان المدرسين بتوعك زعلانين منك دى مجرد فكرة وجت ف دماغك لانك متضايقة عشان هاتسيبى المدرسة وكدة بالنسبة ان المدرسة هاتوحشك والمدرسين ف كلنا كدة ( او بلاش كلنا عشان الناس اللى ما صدقت خلصت من مدارسها :d ) معظمنا كدة انا عن نفسى عندى استعداد اقعد ف مدرستى سنتين كمان بس من غير امتحانات ثانوية عامة :d واهو ابقى كبرت وعقلت شوية :romarioxp6: بجد يا سمسمة مع الوقت هاتتعودى انا لحد دلوقتى مش عارفة انسى مدرسة اعدادى ومدرسينى هناك بس عاادى اتعودت واتأقلمت عالمدرسة الجديدة والمدرسين الجداد ( اللى كنت باحسهم اشخاص غريبة ف الاول ) لحد ما بقيت دلوقتى متضايقة انى هاسيب مدرستى ( بس مزقططة انى هاسيب الثانوية العامة :022yb4: ) ماتضايقيش نفسك وقضى صيف حلو عشان تروحى مدرستك الجديدة وانتى مبسوطة بيها وحاباها لكن لو روحتيها وانتى متضايقة كدة هاتكرهيها طول الـ 3 سنين وبعدين انتى اخدتى الاجازة يعنى تدعيلنا :d |
يا جماعة انتم فاهمينى غلط خالص انا لسة ليا سنتين فى مدرستى مش همشى
وكمان انا متضايقة علشان لسة ليا 4 شهور مش هعرف اكلم مدرسينى خلالهم وكمان مدرسينى اللى كانوا بيدرسوا ليا السنة دى ممكن واكيد مش هيدرسوا ليا السنة الجاية دول اخواتى الكبار مش اقدر اقعد 4 شهور مش اكلمهم وآسفة انى ضايقتكم لكن انتم برضوا اخواتى وحبيت افضفض ليكم وآخد نصيحتكم يمكن تكونوا بديل ليهم |
احساسك جميل بجد
بس اعتقد ان نادرا اوى لما تلاقي حد كدة الايام دى انا عن نفسي رحت المدرسة يومين السنة دى وطبعا لظروف خارجة عن ارادتى اول يوم كان في دعوة لازم استلمها وتانى يوم كان يوم التكريم وطبعا لازم احضر وتالت يوم هيكون يوم الامتحان ان شاء الله ربنا يوفقك والايام دى تمر بسرعة وترجعي المدرسة تانى |
انا مرحتش المدرسة غير اول يوم فى الدراسة والله ما شوفت شكلها تانى
|
وأستحملتم ؟؟؟؟؟؟؟؟؟؟؟؟
دا أنا كنت بموت من التعب لكن رحت علشان أشوفهم وأانتم مرحنوش غير يومين بس أو يوم واحد كمان |
هو فيه حد لسه بيبحب المدرسه :d
والله صعبانه عليا:bosyht9: بس الحمد لله انك مش جنبى دلوقتى عشان كنتى اضربتى علقه جامده:stickjo4: يابنتى انا اول ما باخد الأجازه مش بعدى من قدام شارع المدرسه اصلا ربنا يصبرك وتقدرى تعدى الأجازه من غير مدرسه :d:d |
| جميع الأوقات بتوقيت GMT +2. الساعة الآن 12:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.