|
قبل ما أمشي
بسم الله الرحمن الرحيم طبعا ً الكل بيحاول يقلل م النت اليومين دول علشان نذاكر بجد و في حاجه ضروري قبل ما أمشي عن إمتحان السنه اللي فاتت كنت عايز أقولها أنا ف أول السنه كان بالنسبالي الامتحان ده بعبع يقولك جابوا م المعلومات الاثرائيه و اللي حطه دكاترة جامعه ما يعرفوش حاجه ع المنهج ........ إلخ إتهزيت بصراحه بس دلوقتي لما خلصنا أعتقد إني عرفت المشكله فين الامتحان فيه أفكار يعني عايز واحد فاهم دي أول حاجه و دي مش مشكله أعتقد إن اللي بيدور ع النت عن أسئله يبقي بيعمل مجهود و عايز يفهم المشكله التانيه إنه كان غير تقليدي يعني مختلف عن الامتحانات اللي قبله ف المستوي و هو ده اللي لعب ف أعصاب الناس و عندهم حق و دي حصلت معايا السنه اللي فاتت ف الرياضه ( لو الناس تدور هاتلاقوني عامل موضوع عن امتحان الرياضه ) الواحد كان بيحل مثلا ً الامتحان كله ف وقت معين ليلة الامتحان و يلاقي نفسه ف الامتحان نفسه بيحل بمعدل أبطأ الاعصاب إتهزت خلاصة الكلام أعتقد أن احنا بعون الله إتغلبنا ع المشكلتين بتوع الامتحان اللي فات الفهم و الكل شاف مسائل الأوليمبياد و دي كلها أفكار و الكل شافها و التهيئه النفسيه أهو إمتحان السنه اللي فاتت كان مستواه عالي ف مش هانتفاجئ لو جاتلنا كام فكره ف الامتحان و بإذن الله الامتحان سهل أو صعب هانقضي فيه سهل يبقي الحمد لله صعب يبقي أحسن للي مذاكر و هاينزل التنسيق معاه إحنا كده عملنا اللي علينا و ربنا مكتوب عنده من قبل ما نتولد كل واحد مستقبله إيه يا رب تكون الرهبه قلت م الامتحان عن نفسي و الله ما خايف م الفيزيا زي ما خايف م العربي مثلا ً أو علم النفس يمكن برود أو غرور ( أنا مش الأول ع الجمهوريه ولا ع المدرسه حتي و ع عكس الكل مش خايف ) أو جهل زايد عن اللزوم المهم إني مش خايف أستئذن أنا بقي ربنا يوفقنا جميعا ً |
شكرا يا مصطفى و ربنا يوفقك و يوفقنا قوللي انت علمي علوم ولا رياضة
|
أنا علمي علوم
|
كويس زيي عامل ايه في الرسومات..... اصل انا مبعرفش ارسم ولا رسمة
|
والله انا خايف من علم النفس ومن العربي اكتر ما انا خايف من الفزيا ( ده لاني علي الاقل اتمونت علي الفزيا كتير وادربت كتبر ) لكن العربي وعلم النفس ربنا يستر
|
والله انا بعد كلامك ده خفت اكتررررررررررررررررررررررر
والله هو المعين نشوفك علي خيرررررررررررررررر ان شاء الله |
والله بنا يستر محدش عارف الامتحان هيجى ازاى
ممكن يجى سهل وتعك وممكن يبقى صعب وتعك اى حاجه وتطلع صح المهم توفيق ربنا |
[quote=Vblade45;1259384]كويس زيي عامل ايه في الرسومات..... اصل انا مبعرفش ارسم ولا رسمة[/
quote] ليه كدة يا اخى دى الرسومات لذيذة والله حاول تتدرب عليها كتير هيبقي مطلوب منك رسمتين علي الاقل وربنا معاكم جميعا |
اقتباس:
ههههه كل الناس ( ما عدا نسبه قليله خالص من الباردين و بتساوي واحد ف العالم اللي هو أنا ) بتتهز قبل الامتحانات أنا كنت بحاول أقلل الخوف م الامتحانات بس الظاهر جت معاكي بالعكس بس و الله الناس بتتكافئ بالمجهود |
اقتباس:
مع إن علم النفس واخد حقه و العربي أديني شغال فيه بس أنا باكره المواد الأدبي و أكيد العربي مش هاتفهم فيه حاجه و غلس و فروعه كتيره و كبيره و درجاتها قليله خصوصا ً الفصه بتاعة الكائن المعاق ذهنيا ً اللي إسمه طه حسين |
اقتباس:
اقتباس:
تفائلوا بالخير تجدوه صدق رسول الله بس واحد بيتعب طول السنه و بيذاكر لو ربنا خذله ف ثانوي يبقي هايوفقه بعد كده |
اقتباس:
أرسم البيانات كامله تاخد الدرجه يعني رسمة الورقه مثلا ً إرسم 3 خلايا من كل نسيج و إكتب بياناتهم و إخلص هو بيحاسب ع البيانات بس مش لازم تكون الورقه اللي أنت راسمها كأنه باصص ف ميكروسكوب و الدرجه ع جمال الرسم بقت نص أو مافيش و كل الناس بتاخدها يعني اللعب ف البيانات ربنا معانا |
حرااااااااااااااااااااااااااااااااااااااام عليك
اقتباس:
|
اقتباس:
أنا ع الشخصيه لو أي واحد بيكتب قصه ذاتيه مش لازم يطلع أهله وحشين مثلا ً المقارنه بين مجلسه و مجلس أخوه ما لهاش أي لازمه هو كان كفايه إنه يقول ع مجلسه و إحنا هاتوصلنا الفكره و شدة المعاناه و أخوه التاني بتاع النضاره دا زي ما يكون بيشتمهم عيني عينك المفروض الواحد ما يطلعش أهله وحشين من غير داعي لا هو إتسأل ولا القصه عنهم هم أساسا ً تقولي أسلوبه أقولك زي الفل أعمي قاد المبصرين لكن قصته فيها كلام كتير مالهوش داعي و تجريح لأشخاص ما كانش ليه لازمه شكرا ً للمرور |
مش تقلقوا المتحانات جايو كويسة ان شاء الله
بس عايزة حبة تركيز مش اكتر و عايزة هدوء |
| جميع الأوقات بتوقيت GMT +2. الساعة الآن 05:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.