|
لو مخنوق ومش لاقى حد تكلمه تعالى وفضفض؟؟
السلام عليكم ورحمة الله وبركاته انا ده اول موضوع ليه فى الموقع وحبيت انه يكون بعيد عن ضغط الامتحانات وانا عارفة طبعا ان كل واحد منا بيجى عليه فترة يبقى مخنوق عشان كده انا عملت الموضوع ده وانا مستنية فضفضتكم وهرد على كل حد يفضفض هنا |
فكرة حلوة وجميلة
تسلم ايديكى يارب أبناء الثانوية يفضفضم اخوكم محمود |
اولا شكرا على الفكرة الجميلة
و اهلا بيكى فى الموقع طبعا مش عارفة ابدأ من فين انا طول عمرى ما عنديش صديقة مقربة لحد تالتة اعدادى لقيت بنت طيبة جدا وتشبهنى كثيرا فى طباعى لدرجةانهم مش بيفرقوا بينا لما حد بيشوفنا فى الشلرع وانا بحبها جدا السنة دى وخصوصا الترم التانى اتغيرت طريقة كلامها معايا و احنا فرقة من 5 بنات لينا صاحبة هى صاحبتى من ساتة ابتداى وهى بتحبها برده و بدأت تقرب منها واحيانا يخدوا بعض و يمشوا و مواقف كتير من دى فانا بعدت عنها و هى ما ابدتش اى اعتراض وانا اليومين دول عندى احساس انى م عايزة اشوف اصحابى خالص بالاضافة لانى قررت انى ما يكونش ليا اى صديقة ابدا لانى مش لاقية حد يفهمنى طولت عليكى |
اقتباس:
|
اقتباس:
بصى ياستى انتى التصرف اللى عملتيه ده صح لانها كده مش متمسكة بيكى واحسن انك سبتيها بس مش نعقول مش هتلاقى اى صاحبة تانية اكيد هتلاقى حواليكى بس دورى انتى وان شاء الله هتلاقيها، ومش مهم انها تبقى شبهك فى الصفات ومستنية تطمنينى عليكى فى رعاية الله |
اولا اهلا بيكى يا بنوتة نورتى انا تقريبا زى اشراقة بس اصحابي بقالي معاهم عشر سنين ودلوقتى مش قادرة استحملهم المفروض تكون صداقة عمر حتى فى الاجازة لكن اخرنا موبيلات وبس الاختلاف فى انى مش بقدر استحمل خالص بيعملوا فيا مواقف حتى فى الامتحانات لدرجة انى برجع من اللجنة وتجيلى حالة عصبية و اقع مغمي عليا لو حصل ده قدامهم بيبقوا كويسين معايا لفترة بعد كدة اسمع منهم كلام غريب يعمل تاتش فى اعصابي ويتكرر نفس الموضوع وانهار فى البيت انا دلوقتى الجروب ده لو رنوا عليا بكنسل وببقي عاوزة اكسر الموبيل حتت تقريبا مش بقيت طايقاهم اسفة على الاطالة مرسيي كتير ليكى يا بنوتة على التوبيك بس تقريبا صعب انى ادمر اعصابي بنفسي |
اهلا بيكى ياساسو
بصى هوه انا مش فاهماكى ازاى بقالك معاهم 10 سنين وازاى مش بطيقيهم؟؟ انا من وجهة نظرى ان المفروض تبقوا متمسكين ببعض اكتر وفاهمين بعض ،ده اول احتمال اما تانى احتمال هوه انهم بيكلموكى كده وخلاص وفى الحالة ديه لازم تسيبيهم شكرا اوى لثقتك فيه فى رعاية الله |
كتبت كلام كتير بس كنت ساعتها مخنوق وبعدين كان كله كأبه هههههههههه :d
عاتى عاتى مسحته علشان مش اجيبلكم خنقة زيى بس بقيت حلو الحمد لله:friendsxs3: |
انا طالبة اولى ثانوى نجحت الحمد لله ودخلة ان شاء الله تانية ثانوى وعايزة اجيب مجموع ان شاء الله وعايزة حد يقولى اعمل اى فى تانية واذاكر ازاى من فضلكم رده عليا وشكرا
|
اقتباس:
وكنت هتفضفض وتستريح على العموم الحمد لله ان انت بقيت كويس دلوقتى وهوه ده اللى يهمنا وياريت ماتترددش لو عزت تفضفض تانى فى رعاية الله |
اقتباس:
وسالت هنا فى الموقع وحدش جاوبنى بالظبط عشان كده خشى على جوجل وابحثى وربنا يعينك فى رعاية الله |
حلو اوووووى الموضوع ده يا oteey
انا الحمد لله عندى أحلى أصحاب فى الدنيا وخلصت امتحانات ونجحت الحمد لله بس مضايقه اوى دلوقتى عشان قلقانه اوووووووى على حد ومش عارفه اطمن خالص عليه |
يا دي الصحاب كنت فاكر ان هي مشكلتي لواحدي بس انا بردوا اختلف
تعملي ايه ف صاحب 4 سنين يخونك ويروح يطله كل اسرارك لناس مش مرغوب فيهم وعاوزينلك الاذي بكل الطرق وبسبب اللي عمله دا عشت اتعس ايام حياتي بس الحمد لله قدرت اتغلب عليها لانها علمتني حجات كتير اوي من بيحبني بجد ومين كنت فاكر ان هو بيحبني وممكن يعمل اي حاجه علشان بس يفضل معايا واتعلمت كمان ان الواحد لما يعطي يعطي بحساب وما يديش كل حاجه حتي لو كان الشخص دا مين صدقوني علشان لم يخسر مش يخسر كل حاجه زي ما انا عملت |
انا بقى مشكلتى مش فى الاصحاب
مشكلتى فيا انا ساعات اعمل حاجات انا مش راضيه عنها وعارفه انى مش المفروض اعملها زى دلوقتى مثلا المفروض اكون باذاكر لان امتحانى كمان ايام بس انا مش باذاكر مضايقه من نفسى ومخنوقه منها بس برضه مش بارجع عن الى باعمله مش عارفه ده ايه زهق من المذاكره وملل ولا ايه حد يقولى اعمل ايه على فكره المشكله ديه مش فى المذاكره بس طولت عليكم |
انا مش عارفة ابدا منين انا طول عمرى وحيدة من اول ما اتولدت عندي صحاب كتير بس علطول حاسة اني وحيدة اووى وانا قاعدة معاهم والبيت هنا بيسموني كئيبة لاني ما بعملشي حاجة ابدا غير العياط وللاسف ديه اكبر عيب فيه اني دموعي بتسبق كل افكارى واختي بتتجهز عشان الجواز وحاسة اني بعديها حبقي لوحدي ومش عارفة اعمل ايه مش عارفة افرحلها وكمان خطيبها اخدها مني وخلاص ما بقناش زى الاول مع بعض انا اسفة اووى علي اني طولت عليكم بس بجد انا مش لاقية حد اتكلم معاه طبعا ده غير ضغط الامتحانات وخوفي جدا منها وانا اسفة اووى اني اكابتكم معايا وشغلتكم بيا انا اسفة اووى اني طولت عليكم
|
| جميع الأوقات بتوقيت GMT +2. الساعة الآن 12:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.