ارجوكم ساعدووووووونى
 

يا جماعة بصراحة انا مستوايا مش كويس فى الفيزيا لانى ما اخدتش درس فيها ومش عارفة اعمل ايه يا ريت تقولولى اعمل ايه والمها ازاى فى الوقت القصير ده لان الموضوع ده ضاغط على اعصابى ومخلى حالتى النفسية وحشة اوى ... معلش بقى طولت عليكم ياريت تساعدو اختكم وتطمنوها.

ممكن تجيب كتاب الامتحان مراجعة و تحاول تقرأ الملخصات اللى فيه
نفس الحال التوقعات المرئية فيه ملخص حلو
و فى كتاب المعلم فيزياء فى أسبوع
و عمومًا الامتحان مش هيطلع من أى كتاب فيهم
المشكلة تلاقيهم فين أصلاً
حاول تصورهم من حد معاه أى كتاب منهم
و ربنا يوققك

شكرا ليك جدا بس انا فعلا عندى كتاب الامتحان مراجعة بس انا مش عارفة ألمها وكمان مش عارفة احل مسائل لانى ما كنتش بذاكرها وكنت سايباها وحاسة ان خلاص الوقت عدى

انا من رايي طالما ما اخدتيش فيها درس يبقي تحملي الحلقات بتاعتها بتاعت قناة الرحمة و كل يوم تشوفي فصل و تحلي عليه من اي حاجة
و الرابط اهو http://www.thanwya.com/vb/showthread.php?t=92673&page=7
, و ربنا معاكي

ربنا يخليك وشكرا على المشاركة وان شاء الله هحاول اعمل اللى قولت عليه

لا شكر علي واجب كلنا اخوات
في حلقات مش موجودة في الموضوع اللي فات ان شاء الله هتلاقيها موجودة علي الموضوع دة من المنتدي الرسمي للقناة عشان تبقي ضمنتي المنهج كله و ربنا يوفقك و انا علي فكرة شفت الحلقات دي و فعلا مفيييدة جدا و الشرح ممتاز و هي اسرع طريقة تلحقي تلمي بيها وتفهمي برده عشان الملخصات بتاعت الكتب الخارجية بتوقف المخ
http://www.forsanelhaq.com/showthread.php?t=88951
, وتمنياتي لكي بالتوفيق

بجد انا مش عارفة اقولك ايه وشكرا ليك جدا على المساعدة وربنا يوفقك

لما أنتي بنوتة مسمية نفسك ماااان ازاي اختاري اسم رقيق تاني
وبعدين في حد في الدنيا ميخدش درس فيزياء
ربنا معاكي

اولا موضوع الاسم ده له حكاية طويلة
ثانيا بقى والاهم انا بقول حالتى النفسية وحشة وحد يساعدنى مش يزعلنى اكتر. بس على العموم متشكرة على مشاركتك:040vk0:

لا حول ولا قوة الا بالله والله أنا مقدر ظروفك
بصي أنا لما أكون حاسس اني ضايع والمنهج رايح مني
أمسك امتحانات السنين اللي فاتت وابص فيها
وكنت بستريح لأنها كلها سهله
جربي وان شاء الله الموضوع هيفيدك
وان شاء الله هييجي الأمتحان سهل وهتحلي وهتنبسطي

ربنا يطمنك انت بجد ريحتنى شوية وان شاء الله هعمل كده وشكرا ليك اوى اوى

حلى جميع الامتحانات السابقة و هتنجحى ان شاء الله بس بصراحة انتى غلطى غلطة العمر لا ماخدتيش فيزياء و انا مش مطمن للموضوع كلة00 ممكن يكون هزار و انا قلتلك النصيحة000

ازاى يعنى هيكون هزار عموما شكرا على النصيحة بس انا مش بكدب

بس بجد حاولي بقي تركزي و سيبك من النت اليومين دول و متابعيش الموضوع دة حتي و ربنا يوفقك ان شاء الله
و علي فكرة لسة في امل عادي ان شاء الله قدامك بس حاولي تعملي اللي قلتلك عليه فوق و متضيعيش وقت تاني و ان شاء ربنا يوفقك وكلنا بتدعيلك

انا فعلا عملت اللى قولت عليه وبدأت انزل حلقات الفيزيا وانا دلوقتى بتفرج على واحدة منهم وان شاء الله هقل من النت خالص شكرا بجد ليك يا Maiay انت ساعتنى كتير انت وكل اللى رد على الموضوع وربنا يجازيكم كل خير