أقتراح لأنشاء قسم للتصميم والجرافيك
 

السلام عليكم ورحمة الله وبركاته


انا اقترح انه يكون فيه منتدي للدعم الفنى والتصميم والفوتو شوب

لان ده يعتبر من اهم الاقسام فى المنتديات

انا عارف ان احنا فى منتدى لطلبة الثانوية العامة بس ده ما يمنعش انه يكون فيه قسم للثقافة الاكترونية

المنتدى يتضمن | التصميم , الدعم الفنى للمواقع , الفوتو شوب , برمجة المنتديات|

وده مش هايفيد الاعضاء بس بالعكس ده هايفيد المنتدى نفسه لو احنا عملنا المنتدى ده هانلاقى حاجات كتيرة اوى ممكن تخلى منتدى الثانوية من ارقى المنتديات المصرية وممكن من خلاله نقدم دعم فنى لمواقع كتير اوى
وهاتبقى جميع الحقوق محفوظة للمنتدى بتاعنا

طبعاً انت بتقول دلوقتى ده بيحلم كتير اوى ومين الى عنده خبرة فى الموضوع ده

احب اقولك ان انا مؤسس منتديات Des-Heaven وديه كانت للجرافيك والتصميم ودعم المواقع

وعلشان كده احنا نقدر نساعد فى انشاء المنتدى ده ونخليه من افضل المنتديات انا و صديقى العزيز Islam HelMy
انتظر الرد من الادارة

والسلام عليكم ورحمة الله وبركاته

تحياتى

بص انا كنت قولت الاقتراح ده من زمان جدا
وقام المشرف بحذف الموضوع ووضعه كاقتباس فى الموضوع هنا
http://www.thanwya.com/vb/showthread...=111137&page=2
ومن ساعتها مفيش رد
يا رب الاقتراح بد يتنفذ لان الجرافيكس يعتبر الحياة بالنسبه لناس كتير منهم انا
شكرا ليك على الاقتراح
سلام عليكم

الخبير بتاعنا احمد رضا ردك جاله علي الجرح :p
فعلا زمان كان فيه قسم الجرافيك

وانضم للشروحات

زي ما قال احمد رضا

والاقبال فعلا كان ضعيف

عموما هنقترح الامر ده تاني علي الاداره ان شاء الله

:)

فعلاً يا جماعة قسم الجرافكس مهم جداً فى أى منتدى
لو جاله أيام ومكنش نشيط اوى
مش معنى كده اننا نحذفه او ندمجه مع منتدى آخر
وأنا بناشد الإدارة وبضم صوتى إليهم زى إخواتى لإنشاء هذا القسم بعد إذن الإدارة

و زى ما قال كابوا ( عاطف ) حبيبى


وانا كمان بحب التصميم جداً مع علمى الضئيل به
فلازم الكل يتعلم
:)

ان شاء الله فى غضون اسبوع هتلاقو القسم موجود
دمتم فى رعاية الله

شكرا جدا جدا
بس لو سمحت يكون بالتقسيم اللى قلت عليه قبل كده لان ده هيكون افضل طريقه للاستفاده
1- برامج الجرافيكس واضافتها.
2- الدروس والنصائح.
3- تطبيقات الدروس وابداعات الأعضاء.
شكرا ليك بجد
سلام عليكم

ان شاء الله

شكراً ليكم بجد
المنتدى محتاج القسم ده فعلاً
وكمان احنا والأعضاء محتاجين القسم ده قبل المنتدى
وشكراً ليك يا كابوا :)

الف شكر وياريت يكون فى المنتدي دعم فنى للمنتديات ويكون فيه قسم لنسخ المنتديات علشان نقدر نقدم من المنتدي نفسة

وديه هدية منى لفريق التصميم


http://www5.0zz0.com/2009/06/03/22/772946181.gif
يارب يكون عجبكم
تحياتى

انت باين عليك عاشق للفيكتور ( مثلى زماااااااان) وده باين من توقيعك وتصميمك
جميل جدا والخطوط تقدر تعملها بشكل اروع من الروعه دى
بجد تسلم الايادى اللى مسكت الموس ونفذت
بالتوفيق لك
سلام عليكم

جميلة أوى يا باشا
تسلم ايدك
:)