|
يا جماعه لو سمحتم كلكم باركولي لأني
خدت درجه في الرياضه بس اناعندي مشكله اشوف الاقتصاد و الاحصاء و لا لأ بس انا خلاص حبيت الكليه بتاعتي ( الهندسه الزراعيه ) انا فاضلي على حاسبات و معلومات دلوقتي 3.5 وبابا وماما عايزني اشوف الاقتصاد و الاحصاء مشكلتي التانيه ان صحبتي اللي كان ليها 7 درجات في الفيزياء فاضلها درجه واحده على هندسه زراعيه كفر الشيخ و مش عايزه تشوف الرياضه و الناس كلها بتتحايل عليها وهي مش راضيه وكل اصحبنا والمدرسين بتوعنا بيطلبوني في التليفون ويقولولي اقنعيها انت اقرب صديقه ليها ومامتها وباباها بيتحايلوا عليها وهي برضه مش راضيه تسمع كلام حد وهي اعصابها تعبانه اوي دلوقتي ومصممه تدخل تجاره !!!!!!! اعمل ايه؟؟؟؟؟؟؟؟ |
<div align="center">الف مبروووك علي الخبر الجميل ده :)
انا اسمع ان نادرا حد بياخد درجات,,, وربنا يوفقك ويوفق صاحبتك ان شاء الله</div> |
مبروك ليكى
هى صاجبتك مش موافقه ليه .....؟؟ وياريت انتى كمان تعملى تظلم فى الاحصاء والاقتصاد لعلى وعسى تزيدى |
الف الف مبروك
انا اول مره اعرف ان حد بياخد درجات في البلد دي والله ياريت تقنعي صاحبتك كمان يا جميله وتشوفي الاقتصاد والاحصاء كمان |
ألف مبروك
أديتى أمل لكل مظلوم |
مبروك ليكي جميلة
بس في تعقيب علي حكاية صاحبتك دي هيه نفسها فعلا تخش هندسة زراعية ولا عشان هيه حاسه بالظلم انها مخدتش درجتها لانها ممكن تروح هندسة بس متكنش عجباها و تروح تجارة و تستمر فيها كويس |
مالها تجارة ومش جميلة اول واحدة تاخد درجة في البلد دي انا ابن عمي اخد 3 درجات في الأقتصاد والأحصاء السنة اللي فاتت
واعملي انت تظلم في الأقتصاد والأحصاء ممكن ربنا يرزقك ب 3 زيهم |
الله يبارك فيكم يا جماعه
بالنسبه لموضوع صحبتي المشكله مش في الكليه المشكله انها مابتحبش المواد الادبيه والحفظ وهي على فكره كانت السنه اللي فاتت ادبي و بعدين رجعت علمي بعدين هي خايفه ماتخدش درجاتها زي الفيزيا وبكده هي ممكن تنهار وانا كمان هحس بذنبها طول عمري اما بالنسبه لدرجات الاقتصاد و الاحصاء فأنا ليه 4 او 3 درجات على الاقل لاني جبت 45 و انا معنديش و لا غلطه بس انا حبيت الكليه بتاعتي خلاص و انا شوفت موادها على موقع جامعه المنصوره وعجبتني ده حتى معظمها مواد هندسه ده غير ان كل المحاضرات تقريبا في هندسه وانا حسه اني ممكن اتفوق فيها ان شاء الله بس برضه محتره لسه !!!!!!!!!!!!!!!!!!!!!!!!!!!! |
خلاص يبقى تصلى صلاه استخاره لنفسك
|
انتوا لازم طبعا تاخدوا حقوقكم
وعيب لما تسيبيها وحتى لو مش محتاجه الدرجات وهتستنى فى نفس الكليه |
مبروك يا اخت جميله
وانا مظلوم بس مش هراجع :( الخيرة فيما اختاره الله وربنا يوفقك ونصيحة لو حابه كليتك بلاش تراجعي بس لو متأكدة من كدا راجعي بجد |
انا فعلا قررت اصلي صلاة الاستخاره
اما بالنسبه لكلامك يا جيفارا فأنا قلت كده ان احنا لازم ناخد حقوقنا مش احنا بس لأ ده و البلد كلها و نقف في وش الوزير و الحكومه و البلد كلها لكن ردودكم كلها كانت سلبيه ومحدش شجعني فأضطريت اتخلى عن الفكره ومزلت بقولكم كلكم و برجوكم تقفوا معايا وعموما الله يبارك فيكم مره تانيه و عقبلكم |
بصي يا اخت جميلة انا هقولك كلمة عاوزة تاخدي درجاتك دا قرارك الشخصي ووالله قولي انك رايحة تراجعي واحنا هندعيلك اما نقنعك فصعب انا والدي حاول يقنعني اني اقدم كلية عسكرية ومعايا وسايط او اني ارجع وادخل بنص درجة طب اسنان اليكس مرضتش لاني رضيت باختيار ربنا ليا لكلية معينة
مش مهم الكلية اللي هتدخليها المهم انتي هتكوني ايه بعد كليتيك دي ونصيحة اخ الهندسة الزراعيه افضل من المدنية وانا قدامي قرايبي هندسة ومش لاقيين شغل وربنا يوفقك لما فيه الخير وعلى فكرة صلاة الاستخارة مش بتبان نتايجها في حلم او رؤيا هيه اطمئنان قلب ومتخليش عواطفك تطغو على اختيارك واهم حاجا لو تصليها مرتين بس انتي اللي تصليها لانه مينفعشي فيها الانابه وانا الحمد لله صلتها وجاني ارتياح لصيدلة ربنا يوفقك باذن الله |
مبروك يا نهاد ولونى انا اللى جيبهالك
|
مبروك يا اختى ظهور الحق
وعقبال كل المظلومين :):) |
| جميع الأوقات بتوقيت GMT +2. الساعة الآن 03:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.