|
جدول مراجعة الغرفة الصوتية للصف الثالث الثانوى
مراجعة اللغة الانجليزية للصف الثالث الثانوى السبت ( 13 - 6 ) : من الساعة 9 - 12 مراجعة الوحدات من ( 1 - 5 ) والقصة من ( 1 - 3 ) الاحد ( 14 - 6 ) : من الساعة 9 - 12 مراجعة الوحدات من ( 6 - 10 ) والقصة من ( 4 - 5 ) الاثنين ( 15 - 6 ) : من الساعة 9 - 12 مراجعة الوحدات من ( 11 - 15 ) والقصة من ( 6 - 8 ) الثلاثاء ( 16 - 6 ) : من الساعة 9 - 12 مراجعة الوحدات من ( 16 - 20 ) والقصة من ( 9 - 10 ) الأربعاء ( 17 - 6 ) : مراجعة شاملة للمنهج بأكمله وسيتم فى هذه المراجهة تواجد السادة المدرسين من الساعة التاسعة مساءا حتى الثامنة صباحا قبل الامتحان بساعة ان شاء الله للرد على اسئلتكم واستفسارتكم طوال الليل ( يعنى حتدخل فى اى وقت حتلاقى مدرس بيشرح لك اللى انت مش فاهمه وبيحل معاك اللى انت عايزه ) يعنى معاكوا لحد ما تدخلوا اللجنة بألف سلامة ان شاء الله أولادنا الاعزاء نتمنى لكم التوفيق الدائم |
شكرا يا مستر
وربنا يجعله ف ميزان حسناتك |
بس مش المراجعة النهائية من 9 م إلى 8 ص مبالغ فيها شوية و ممكن تفقد التركيز لبعض الناس زىّ مثلاً
عمومًا مهما نقول هو تعب لحضراتكم قبل تعبنا و هنحضر برده إن شاء الله لأنه مش معقول نضيع تعب حضراتكم و رجاءً من حضراتكم يا ريت الحصة اللى فى ليلة الامتحان للتفاضل و التكامل تتغير معادها تبقى العصر أو الصبح مثلاً أو على الأقل نكون متسجلة عشان نشوفها بعد امتحان التفاضل و التكامل و عمومًا عشان راحة الأغلبية علمى علوم يعنى يا ريت تتسجل الحصة ده و يا سلام إذا اتسجلت الحصص اللى قبلها بجد مشكورين سواء بتلبية الطلب أو لأ و معلش تاعبينكم مع علمى رياضة يعنى الهندسة يعنى الزمالك يعنى مشاكل و ربنا يوفق الجميع و جزاكم الله خيرًا و أسكنكم فسيح جنانه |
اقتباس:
انت معاك حق مليون فى المية بس المقصود ان من الساعة التاسعة حتى الثامنة صباحا حتلاقى مدرسين فى الغرفه للرد على اسئلتك يعنى راجع براحتك وحتدخل الغرفه فى اى وقت حتلاقى اللى يرد على اى سؤال واقف معاك او اى قاعده انت مش فاهمها مش معقول حنقعدكم ونشرح من 9 مساء حتى 8 الصبح انتوا محتاجين مراجعة لوحدكم بس احنا معاكم ان شاء الله لحد ميعاد اللجنة اقتباس:
تعلنا كله حيضيع لما نلاقيكم جايبين درجات عاليه وداخلين احسن الكليات ان شاء الله اقتباس:
والله انت خلتنى افكر فى فكرة كده حعرضها على السادة الزملاء واكيد هما مش حيمانعوا حنعمل مراجعه خاصة بمجموعة الهندسة يعنى طلاب رياضة 2 حعرض عليهم ونحدد المواعيد ونعلنها ان شاء الله |
يا ريت يا استاذ احمد تعدل الجدول علشان انا معايا رياضة 2 وفي تفاضل يوم الثلاثاء
وشكرا على المجهود |
متشكر جدً لسرعة استجابة حضرتك و لو زى ما حضرتك بتقول فى ليلة الامتحان
و لطول المدة ممكن نقسم الحصة الواحدة لمواعيد للى عايز حاجة معينة مثلاً من 9 ل 11 مراجعة أهم الحجات فى القصة و بعدها من 11 ل 12 أسئلة عليها و نكمل بنفس الطريقة أو نحط الشرح كله على بعضه و اللى عايز أسئلة يسأل بعد الشرح و لكل تقسيمة من الاتنين مميزات و عيوب مثلاً الأولى فيها راحة و تقسيم مريح و اللى مش فاهمينه هنسأل بعدها عليه بكده نرتب أفكارنا التانية الناس هتنام بدرى شوية ممكن طبعًا نخليها على الله و الحصة مفتوحة عادى و ده أهم مميزاتها الكل بيبقى مركز و بيسألى على اللى عايزه مباشرة معلش على طريقة كتابتى أصل دماغى ضاربة رياضة و اعتبرها أستاذى مجرد رأى |
كويسة جداا المواعيد دى خصوصا انها هاتنتهى 12 عشان ننام ونبطل سهر للصبح ايام الامتحان لان الحكاية دى بتفقدنا التركيز بجد وعانيت منها السنة اللى فاتت وفيه مساحة اننا نراجع مع نفسنا الحاجات اللى هانراجعها ف الحصة قبل المعاد ولما ندخل نراجعها تانى ف الحصة شكرا بجد يا مستر على تعب حضراتكم بالنسبة لعلمى رياضة ( لو ماتعملش ليهم جدول منفصل غير ده ) اذا النت كان كويس معايا وقدرت احضر هاسجل اول 3 حصص وارفعهم ف القسم هنا عالمنتدى باذن الله والباقى هايكونوا بعد امتحان التفاضل وهايقدروا يحضروها ربنا يوفقنا ياا رب |
هتكونوا خدمتونا بجد بس يا ريت جدول لعلمى رياضه لاننا كده مش هنلحق الا اخر حصه الف شكر الف شكر الف شكر الف شكر الف شكر الف شكر الف شكر الف شكر الف شكر الف شكر الف شكر |
طاب يامستر انا لسه جديد عايز افهم ازاى احضر مراجعه المواد كلها
|
استاذ احمد ربنا يكرمك يارب و باقي المدرسين في انتظار فكرة حضرتك
|
هو انا هاشرح يا احمد يا اخويا ان شاء الله
عايز اعرف ليا مكان بعد الساعة 12 ولا لأ |
اقتباس:
ولما انت ما تشرحش مين اللى يشرح يا مستر اختار الميعاد اللى يناسب حضرتك حتى لو كان من المواعيد اللى حددها مستر محمود فتحى وانا الغرفة لازم تفضى لما حضرتك تنورها اختار الميعاد او ياريت تعمل الكبيرة ونبقى مع بعض احنا التلاته وتبقى مراجعه نارررررررررر |
اقتباس:
بس حلوة الغرفة تفضى لما انا اجى دى ههههههههه انا متوقع كده برده مكمل لكم ومعكم ان شاء الله ومستعد لاى موقع عمل ان شاء الله ربنا يقدرنا ان شاء الله على ان نكون سببا فى تفوق طلابنا |
يا جمااااااااااااااااااااااااااااااااعة علمى رياضة حرام عايز احضر التفاضل و الانجليزى
|
اقتباس:
بس اوعى تنسى الله يخليك تسجلهم و تكون عملت فينا خير |
| جميع الأوقات بتوقيت GMT +2. الساعة الآن 07:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.